ថ្នាក់ដឹកនាំខេត្តឧត្តរមានជ័យប្រើកណ្តាប់ដៃដែកបង្ក្រាបបទល្មើសចរាចរណ៍ និងយានយន្តដឹកទំនិញសំពីងសំពោង
27-October-2025 / សេដ្ឋកិច្ច
ខេត្តឧត្តរមានជ័យ: យោងតាមសេចក្តីរាយការណ៍ ពីប្រជាពល រដ្ឋរស់នៅក្បែរមាត់ច្រកទ្វារព្រំ ដែនអន្តរជាតិជាំ ស្ថិតក្នុងភូមិ សាស្ត្រស្រុកអន្លង់វែង ខេត្តឧត្តរមានជ័យបានប្រាប់តាមទូរស័ព្ទ មកការិយាល័យ គេហទំព័រ មាតុភូមិ ថា :នៅរាត្រី ថ្ងៃទី ២២ ខែកក្កដា ឆ្នាំ២០២៤ ប្រជាពលរដ្ឋបានឃើញក្រុមសមត្ថកិច្ច នគរបាលចរាចរណ៍ជើងគោក នៃអធិការដ្ឋាន នគរ បាលស្រុក អន្លង់វែង បានចុះប្រតិបត្តិការបង្ក្រាបក្រុមរថយន្តតាក់ស៊ី ផ្ទុកទំនិញសំពីងសំពោងទាំងនោះជាបន្តបន្ទាប់ ។
សកម្មភាពមណវបានកើតឡើងបន្ទាប់ ពីក្រុមការងារអ្នកសារព័ត៌មាន មាតុភូមិ ចុះទៅថតរូបភាពនិងផ្សព្វផ្សាយព័ត៌មាន ស្តីពីសកម្ម ភាពក្រុមឈ្មួញ រកសុីដឹកជញ្ជូនទំនិញ តាមរថយន្តមួយចំនួន មិនគោរពអនុវត្តតាមច្បាប់ចរាចរណ៍ និងភាពអសកម្មរបស់ក្រុមសមត្ថកិច្ចពាក់ព័ន្ធ មានភារកិច្ចឈរជើងប្រចាំការនៅមាត់ច្រកទ្វារព្រំដែនអន្តរជាតិជាំ កាលពីព្រឹក ថ្ងៃទី ២២ ខែកក្កដា ឆ្នាំ ២០២៤ កន្លងទៅនេះ មិនយកចិត្តទុកដាក់ អនុវត្តច្បាប់ ចរាចរណ៍ បានបណ្តែត បណ្តោយឬបើកដៃអោយក្រុមឈ្មួញរកសុីដឹកជញ្ជូនទំនិញ តាមរថយន្តកែច្នៃគ្រប់ប្រភេទ ផ្ទុកសំពីងសំពោង ខុសលក្ខណ:បច្ចេកទេសតាម ទំនើងចិត្ត គ្មានការត្រួតពិនិត្យម៉ត់ចត់ពីកម្លាំងមានសមត្ថកិច្ចជំនាញនោះ ។
លោក ទឺ ពិទូ អ្នកយកព័ត៌មាន មាតុភូមិ ប្រចាំខេត្តឧត្តរមានជ័យ លោក បានទទួលព័ត៌មាន ពីគ្រុបតេឡេក្រាម របស់មន្ទីរព័ត៌មាន ខេត្តឧត្តរមានជ័យ បានអោយដឹងថា : ក្រោយការផ្សព្វផ្សាយព័ត៌មាន តាមបណ្តាញសង្គម facebook និងគេហទំព័រនានា ពិសេសគេហទំព័រ មាតុភូមិ អំពី ភាពមិនប្រក្រតី ឬការអសកម្មការងាររបស់សមត្ថកិច្ចពាក់ព័ន្ធឈរជើងនៅមាត់ច្រកទ្វារព្រំដែនអន្តរជាតិជាំនេះ ឯកឧត្តម មាន ចាន់យ៉ាដា អភិបាល នៃគណ: អភិបាលខេត្តឧត្តរមានជ័យ និងជាគណ:បញ្ជាការឯកភាពខេត្តបានដាក់បទបញ្ជាភ្លាមៗ អោយលោកឧត្តមសេនីយ៍ទោ ខូវ លី ស្នងការនគរបាល នៃស្នងការដ្ឋាននគរខេត្តឧត្តរមានជ័យ ដឹក នាំកម្លាំង ចាត់វិធានការតាមផ្លូវច្បាប់ដោយមិនមានការលើក លែងចំពោះ អ្នកប្រព្រឹត្តបទ ល្មើសឡើយ។
ហេតុដូចនេះហើយបានជាគេឃើញកងកម្លាំងនគរ បាលចរាចរណ៍ នៃអធិការដ្ឋាននគរបាលស្រុកអន្លង់វែងអនុវត្តការងារត្រួតពិនិត្យ និងធ្វើការផាកពិន័យ ចំពោះម្ចាស់យាន យន្ត ដែលប្រព្រឹត្តបទល្មើស ព្រមទាំងធ្វើការអប់រំណែនាំ និងធ្វើកិច្ចសន្យា អោយបញ្ឈប់ការ ប្រព្រឹត្តអំពើល្មើសច្បាប់តទៅ ទៀត ។ ប្រាវ៉ូ ! ប្រាវ៉ូ ! ប្រជាពល រដ្ឋសូមចូលរួម អបអរសាទរ និងគាំទ្រយ៉ាងពេញ ទំហឹងនូវការ ប្រើកណ្តាប់ ដៃរបស់លោកស្នង ការនគរបាល ខេត្តឧត្តរមានជ័យទៅលើក្រុមឈ្មួញរកស៊ីដឹក ជញ្ជូនទំនិញតាមរថយន្ត នៅច្រកទ្វារព្រំដែនអន្តរជាតិជាំនេះ តែសូមសមត្ថកិច្ចចាត់វិធានការបង្ក្រាប អោយដូចភ្លៀងរលឹម កុំដូចភ្លើងចំបើង ។
ដោយឡែកប្រភពព័ត៌មានពីសមត្ថកិច្ច អត់អីលិឍម្នាក់ សុំមិនបញ្ចេញឈ្មោះ បានទម្លាយព័ត៌មានក្រៅ ផ្លូវការមកថា: មេៗសមត្ថកិច្ចខាងគយនិងរដ្ឋាករ និង មេៗទីស្នាក់ការច្រកទ្វារព្រំដែនអន្តរជាតិជាំ និង មេៗក្រុមការងារទំនាក់ទំនងកម្ពុជា-ថៃ ច្រកទ្វារព្រំដែនអន្តរជាតិជាំ ព្រមទាំងមេៗប៉ូលីសអន្តោប្រវេសន៍ច្រកទ្វារអន្តរជាតិជាំ ហាក់ដូចជានៅសម្ងំស្ងៀុម សោយសុខយ៉ាងរំភើយម្នាក់ៗ មិនខ្វល់ខ្វាយអ្វីសោះឡើយ ៕ ដោយ: សុផល Tel : 012 953 824 / 088 55 34 100 / 016 953 222
