» បញ្ហា​ដាក់​កូតា​បុគ្គ​លឹក​រដ្ឋ​ឲ្យ​កូន​មន្ត្រី​ជា​អ្នកតស៊ូ​គឺជា​ប្រភព​ដែល​នាំ​ឲ្យ​មាន​បាតុកម្ម​ស្លាប់​មនុស្ស​នៅ​បង់​ក្លា​ដេ​ស​! » ស្ទាក់​ចាប់បាន​មនុស្ស​ម្នាក់​ជាមួយ​ថ្នាំញៀន​ជិត​១០​គីឡូក្រាម​នៅ​សៀមរាប​ » ឃាត់ខ្លួន​ក្មេង​ទំនើង ២​ក្រុម​នេះ ប្រើប្រាស់ ដាវ កាំបិត ដំបង វាយ និង​កាប់​ចាក់​គ្នា នៅតាម​ដងផ្លូវ​នៅ​ព្រះ​វិ​ហ៊ា​រ​ » ដើម​ក្ងោក​ប្រមាណ​ជាង ២​ពាន់​ដើម មន្ត្រី​ឧទ្យាន​នុ​រក្ស​នៃ​មន្ទីរ​បរិស្ថាន​ខេត្ត យកទៅ​ដាំ​នៅ​អម​បណ្តោយ​ផ្លូវ ឡើងទៅ​កាន់​រមណីយដ្ឋាន​ធម្មជាតិ​គីរីរម្យ​ » បុរស​យក​ជើង​បើកឡាន​ថត​បង្ហោះ​មកដល់​កន្លែង​ជំនា​ញណ​ក​របាល​ចរាចរ​ហើយ » ​ចូល​ថ្ងៃទី​៨​ក្រសួងការពារជាតិ​បាន​បញ្ចេញ​កងកម្លាំង​ចម្រុះ​ជាង​មួយ​ពាន់​នាក់ បន្ត​ប្រតិបត្តិ​ការរុករក​ឧទ្ធម្ភាគចក្រ ដែល​បាន​បាត់​ការទាក់ទង នៅ​តំបន់​ព្រៃ​ក្នុងស្រុក​វាលវែង​!? » លោក Nguyen Phu Trong​មនុស្ស​មានអំណាច​កំពូល​នៅ​វៀតណាម ទទួលមរណភាព​ហើយ​លោកតូឡឹមជំនួស! » សម្តេច​ធិបតី​ហ៊ុន​ម៉ា​ណែ​ត​រំលើក​ពី​យុទ្ធសាស្ត្រ​ទាក់ទាញ​ភ្ញៀវ​ទេសចរណ៍​ពេល​ទៅ​សៀមរាប​ » លោក ចូ បៃ​ដិ​ន ថា​អាច​នឹង​ពិចារណា​ដកខ្លួន​ពី​ការប្រកួត ប្រសិនបើ​គ្រូពេទ្យ​ប្រាប់ថា​មាន​បញ្ហា​សុខភាព » សម​ត្ត​កិច្ច​វាស់​កំពស់ បុរស​ប្រមាថ​លុយ​ខ្មែរ ៥០០​រៀល​ដែលមាន​ព្រះ​ឆាយា​ល​ក្ខ័​មហាក្សត្រ ដោយ​យក​ស្បែកជើង​វាយ​ថត​បង្ហោះ » កងទ័ព​ស្ទឹងត្រែង​ឃាត់ខ្លួន​មនុស្ស​២​នាក់​ជនជាតិ​ឡាវ​១ និង​ខ្មែរ​១​នាក់ បញ្ជូន​ឲ្យ​អាវុធហត្ថ ពាក់ព័ន្ធ​ករណី​ជួញដូរ​គ្រឿងញៀន​ជិត​១​គីឡូក្រាម​ក្នុង​ខេត្តស្ទឹងត្រែង​ » សង្ឃឹមថា​រដ្ឋមន្ត្រីក្រសួង​ពត៍​មាន​លោក​នេត្រ​ភក្ត្រា​នឹង​បកស្រាយ​បញ្ហា​យក​ពត៍​មាន​ពិត​បន្ទាប់ពី​ទទួលបាន​ដាវអាជ្ញា​សឹក​ឲ្យ​ធើ​ស៊ី​អ្នកកាសែត​ » ប្រធាន​សមគម​អ្នកកាសែត​ហុងកុង​ម្នាក់ ត្រូវ​និពន្ធ​នាយក WSJ បណ្តេញ​ចេញពី​តួនាទី ជុំវិញ​បញ្ហា​នៃ​សេរីភាព​សារព័ត៌មាន​ » គ្រាន់តែ​ក្រសួងមហាផ្ទៃ ចេញ​សេចក្តីណែនាំ​ភ្លាម ធ្វើ​ឲ្យ​ដំណើរការ​ដេញថ្លៃ​ផ្លូវ​មួយ​ខ្សែ​មាន​តម្លាភាព​ជាង​មុន » អនុ​គម្រោង​ទាំង ៣​ក្រោម​កម្ចី​របស់ ADB សម្រេចការ​សាងសង់​ជា​ស្ថាពរ ប្រគល់ជូន​រដ្ឋបាលខេត្ត​កែប​គ្រប់គ្រង​

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 2066 នាក់

ម្សិលមិញ 4051 នាក់

សរុប 14737590 នាក់

ព្រួយបារម្ភ​ពី​ការបង្កើត​រដ្ឋាភិបាល​ថ្មី​បន្ទាប់ពី​លទ្ធផល​នៃ​ការបោះឆ្នោត​បង្ហាញថា​គ្មាន​គណបក្ស​ណា​ទទ​យលបាន​សម្លេង​ភាគច្រើន​ដាច់ខាត​

​ប្រទេស​បារាំង​៖​លោក ហ្កា​ប្រ៊ី​យែ​ល អាត​តា​ល់ បានប្រកាស​នៅ​ល្ងាច​មិញ​រួចហើយ​ថា​នឹងដាក់​ពាក្យសុំ​លាលែង​ពី​តួនាទី នាយករដ្ឋមន្ត្រី​បារាំង​នៅ​ព្រឹក​ថ្ងៃ​ចន្ទ​នេះ​បន្ទាប់ពី​បានដឹងថា​គណបក្ស​រប​ស់លោក​បរាជ័យ​ក្នុងការ​បោះឆ្នោត​បើទោះបីជា​គ្មាន​ច្បាប់​តម្រូវឱ្យ​នាយករដ្ឋមន្ត្រី​ដើរ​ចេញពី​តំណែង​ភ្លាម​ក៏ដោយ ។​តែ ប្រធានាធិបតី​បរាំង​លោក​ម៉ា​ក្រុង បានស្នើ​សុំឱ្យ​លោក​អាត​តា​ល់ បន្ត​ដឹកនាំ​រដ្ឋាភិបាល​សិន ដើម្បី​ធានា​ស្ថិរភាព​ជាតិ​។ បើតាម​អ្នកជំនាញ នាយករដ្ឋមន្ត្រី​ផុត​អាណត្តិ​នេះ​អាច​បន្តការងារ​ដល់​មួយឆ្នាំ​។ ជា​ផ្លូវការ​គ្មានទេ កាលបរិច្ឆេទ​កំណត់ឱ្យ​ប្រធានាធិបតី​បារាំង ត្រូវ​តែងតាំង​រដ្ឋាភិបាល​ថ្មី ឬ​ឱ្យ​រដ្ឋាភិបាល​ផុត​អាណត្តិ​លា​ពី​តំណែង​នោះ​។ ប៉ុន្តែ​ប្រធានាធិបតី មិនអាច​នៅ​ស្ងៀម​ធ្វើ​មិនដឹងមិនឮ​នឹង​លទ្ធផល​នៃ​ការបោះឆ្នោត​សភា​បានឡើយ ព្រោះ​ពេលនេះ​រដ្ឋាភិបាល​របស់លោក ជា​រដ្ឋាភិបាល​ភាគតិច​មានតែ​១៦៨​អាសនៈ​នៅក្នុង​សភា​។a elect f

​នៅ​ប្រទេស​បារាំង ប្រធានាធិបតី​មានអំណាច​ជា​អ្នក​ជ្រើសតាំង​នាយករដ្ឋមន្ត្រី​។ តែ​ការជ្រើសរើស​បុគ្គល​នាយករដ្ឋមន្ត្រី​ដោយ​គោរព​ឡូ​ស៊ិ​ក​នៃ​សម​មាត្រ​សំឡេង​ភាគច្រើន​នៅក្នុង​សភា​។ បេក្ខជន​នាយករដ្ឋមន្ត្រី​ត្រូវជា​អ្នក​ដែល​អាច​ទទួល​បានការ​គាំទ្រ​ពី​សមាជិកសភា​ភាគច្រើន​។ ដូច្នេះ​បើ​បក្ស​ណា​មាន​សំឡេង​ភាគច្រើន​ដាច់ខាត​នៅក្នុង​គឺ​នាយករដ្ឋមន្ត្រី​ត្រូវ​ចេញពី​បក្ស​នោះ ទោះបីជា​បក្ស​នោះ​មិនមែនជា​បក្ស​របស់​ប្រធានាធិបតី​ក៏ដោយ​។​​ប៉ុន្តែ​លើក​នេះ ហានិភ័យ​ជាប់គាំង​នយោបាយ​ធំ​ខ្លាំងណាស់​សម្រាប់​បារាំង​។ ដោយសារ​គ្មាន​គណបក្ស​ណាមួយ​មាន​សំឡេង​ភាគច្រើន​ដាច់ខាត​សោះ ។ សម្ព័ន្ធ​បក្ស​ឆ្វេងនិយម Le Nouveau Front populaire (NFP) នាំមុខគេ ដែល​ទាមទារ​តួនាទី​នាយករដ្ឋមន្ត្រី មាន​តំណាង​ត្រឹម​១៨២​អាសនៈ​។

បើ​បូក​ជាមួយ​អ្នក​ឆ្វេងនិយម​តូចៗ​ផ្សេងទៀត ក៏​មិនអាច​លើស​២៨៩​ដែរ​។ បើ​ដូច្នេះ​តើ​បារាំង​ត្រូវ​ចេញ​តាម​ច្រក​ណា​?​។​ក្នុងនោះ ទីមួយ ការបង្កើត​រដ្ឋាភិបាល​ចម្រុះ បក្ស​ធំៗ​នាំមុខគេ​ចាប់​ចរចា​ប្រមូល​ផ្គុំ​គ្នា​ឱ្យ​ឡើង​សំឡេង​លើស​៥០% លើ​បេក្ខភាព​នាយករដ្ឋមន្ត្រី​ម្នាក់ ហើយ​ចុះកិច្ចសន្យា​គ្នា​បង្កើត​រដ្ឋាភិបាល​។ នេះ​ជា​ករណី​ដែល​កើតមាន​ច្រើន​នៅតាម​បណ្តា​ប្រទេស​ប្រជាធិបតេយ្យ​ធំៗ​ដូចជា​អាល្លឺម៉ង់​ឬ​អ៊ីតាលី​។ តែ​សម្រាប់​បារាំង គណបក្សកាន់អំណាចរ​បស់​លោក​ម៉ា​ក្រុង​ធ្លាប់​ព្រលយ​ថា​មិន​រួម​ដៃ​ដាច់ខាត​ជាមួយ​គណបក្ស La France Insoumise​ដែលជា​សមាសភាព​សម្ព័ន្ធ​បក្ស​ឆ្វេងនិយម​ដ៏​ចម្បង និង​បក្ស​ស្តាំ​ជ្រុលនិយម Le Rassemblement National​ទេ​។

​ទី​ពីរ គឺ​បង្កើត​រដ្ឋាភិបាល​ភាគតិច ដែល​តែងតាំងឡើង​ដោយ​គ្មាន​ការគាំទ្រ​ច្បាស់លាស់​ពី​សំឡេង​ភាគច្រើន​របស់​សភា ពោលគឺ​ដូច​រដ្ឋាភិបាល​ពីរ​ឆ្នាំ​កន្លងមកនេះ ដែល​ត្រូវ​ទៅ​បញ្ចុះបញ្ចូល​រក​សំឡេង​ភាគច្រើន​ដាច់ខាត​មួយ​នៅពេល​បោះឆ្នោត​លើ​គម្រោង​ច្បាប់​អ្វីមួយ មួយ​ករណី​ម្តងៗ ឬ​ប្រើ​បង្ខំ​ប្រើ​មាត្រា​៤៩,៣​តែម្តង​។ ករណី​យ៍​នេះ​រដ្ឋាភិបាល​ភាគតិច ងាយ​ធ្លាក់​និង​រលំ ឬ​ប្តូរផ្លាស់​នាយករដ្ឋមន្ត្រី​ម្តង​ហើយ​ម្តងទៀត​ប្រសិនបើ​ស្ថានការណ៍​រាំងស្ទះ​ខ្លាំង​មែនទែន ។​

​ទី​បី គឺ​ការបង្កើត​រដ្ឋាភិបាល​ប​ច្ចេកទេស ដែលមាន​រដ្ឋមន្ត្រី​គ្មាន​ស្លាក​នយោបាយ សម្រាប់​ដោះស្រាយ​ចាត់ចែង​កិច្ចការ​ទូទៅ​របស់​ប្រទេស និង​ចាំ​សម្របសម្រួល​ការធ្វើកំណែទម្រង់​ខ្លះ​ទៅតាម​ករណី​ជាក់ស្តែង​ជាមួយ​សភា​។ អ៊ីតាលី​ធ្លាប់ប្រើ​វិធី​នេះ តែ​រដ្ឋាភិបាល​បែបនេះ​ក៏​មិន​អាចមាន​អាយុ​វែង​ដែរ​។ ដូច្នេះ​សម្មតិកម្ម​ចុងក្រោយ​អាច​នឹងមាន​ការរំលាយ​សភា​បោះឆ្នោត​មុន​អាណត្តិ​ទៀត ក្រែង​អាចមាន​សំឡេង​ភាគច្រើន​ដាច់ខាត​ច្បាស់លាស់​។ បើតាម​មាត្រា​១២​នៃ​រដ្ឋធម្មនុញ្ញ បារាំង​មិនអាច​រំលាយ​សភា​ថ្មី​ក្នុង​មួយឆ្នាំ​ដំបូង​ទេ​។ សភា​បារាំង​ទើប​ជាប់ឆ្នោត​នេះ​ត្រូវ​ចាត់ចែង​ការងារ​យ៉ាងហោច​រហូត​ដល់​ខែ​៧​ឆ្នាំ​២០២៥​សិន​។​

​សូមបញ្ជាក់ថា​បើតាមរ​យៈ​សន្លឹកឆ្នោត បានបង្ហាញ​យ៉ាងច្បាស់ នៅ​ថ្ងៃអាទិត្យ​ទី​៧​កក្កដា ថា​គណបក្ស​ស្តាំនិយម​ជ្រុល Le Rassemblement National មិនអាច​ឈានទៅ​ដឹកនាំ​រដ្ឋាភិបាល​ឡើយ​ដូច​ការរំពឹងទុក​តាម​លទ្ធផល​ការបោះឆ្នោត​ជុំ​ទី​១​ឡើយ​។ គណបក្ស​ស្តាំនិយម​ជ្រុល​នេះ ឈ្នះ​បាន​អាសនៈ​សភា​ចំនួន​ចន្លោះ ពី​១២០​ទៅ​១៥០​អាសនៈ​តែប៉ុណ្ណោះ​។ ពោលគឺ តិច​ឆ្ងាយ​ខ្លាំងណាស់​ពី​២៨៩​អាសនៈ ដែលជា​សំឡេង​ភាគច្រើន​ដាច់ខាត​ក្នុង​សភា​។ នេះ​បើ​ផ្អែក​តាម​លទ្ធផល​បណ្តោះអាសន្ន នៅ​ម៉ោង​៨​ល្ងាច​ថ្ងៃអាទិត្យ​ទី​៧​កក្កដា បូកសរុប​ដោយ​វិទ្យាស្ថាន​ស្ទាបស្ទង់​មតិ​ធំៗ​របស់​បារាំង​។​
​លើក​នេះ​ក្រុម​សម្ព័ន្ធ​គណបក្ស​ឆ្វេងនិយម Le Nouveau Front Populaire ទៅវិញ​ទេ ដែល​បានធ្វើ​ឲ្យ​មានការ​ភ្ញាក់ផ្អើល​យ៉ាងខ្លាំង ព្រោះ​ប្រហែលជា​អាច​ឈ្នះ​អាសនៈ​នាំមុខគេ ចន្លោះ​ពី​១៨០​ទៅ​២១៥​អាសនៈ បើ​ផ្អែក​តាម​លទ្ធផល​បណ្តោះអាសន្ន​។ ក្រុម​សម្ព័ន្ធ​នេះ ត្រូវបាន​បង្កើតឡើង​ភ្លាមៗ​ដោយ​គណបក្ស​ឆ្វេងនិយម​ជាច្រើន​បក្ស ប៉ុន្មាន​ថ្ងៃ​ប៉ុណ្ណោះ​មុន​ការបោះឆ្នោត​ជុំ​ទី​១​នៅ​ថ្ងៃទី​៣០​មិថុនា ក្នុង​កម្មវត្ថុ​រួម​កម្លាំង​គ្នា​ទប់​កុំ​ឲ្យ​បក្ស​ស្តាំនិយម​ជ្រុល​ឈ្នះឆ្នោត​កាន់អំណាច​។ ចំណុច​ភ្ញាក់ផ្អើល​មួយទៀត​នោះ គឺ​បេក្ខជន​តំណាងរាស្ត្រ​នៃ​សម្ព័ន្ធ​បក្ស​របស់លោក​ប្រធានាធិបតី​ម៉ា​ក្រុង ហាក់​ទំនងជា​បានឈ្នះ​ច្រើន​លើស​ការរំពឹងទុក អាច​ស្ថិតនៅ​លេខ​រៀង​ទី​២ ចន្លោះ​ពី​១៥០​ទៅ​១៨០​អាសនៈ​។​នៅជុំ​ទី​២​មាន​ប្រជាជន​បារាំង ចូលរួម​បោះឆ្នោត​យ៉ាងច្រើន​កុះករ មាន​ប្រមាណ​ជា​៦៧,៥% ពោលគឺ​ខ្ពស់បំផុត​មិន​ធ្លាប់មាន​ទេ បើ​គិតពី​ឆ្នាំ​១៩៩៧​មក​។​

​សូមបញ្ជាក់ថា ដើម្បី​អាចឈាន​ទៅ​តែងតាំង​នាយករដ្ឋមន្ត្រី និង​បង្កើត​រដ្ឋាភិបាល​ថ្មី​បាន បក្សនយោបាយ​ត្រូវតែមាន​សំឡេង​ភាគច្រើន​ដាច់ខាត​ក្នុង​សភា ពោលគឺ​២៨៩ ក្នុងចំណោម​៥៧៧​អាសនៈ​។ ផ្អែក​តាម​លទ្ធផល​បណ្តោះ​អាសន្ន គឺ​គ្មាន​គណបក្ស​ណាមួយ​បាន​គ្រប់​ចំនួន​នេះ​ទេ​។ ការ​រាំងខ្ទប់​នយោបាយ​គ្មាន​រដ្ឋាភិបាល​ថ្មី​ជា​ផ្លូវការ ដែល​អាច​ជះ​ផលវិបាក​មួយចំនួន ខណៈ​នៅ​បាំង​តែ​២០​ថ្ងៃ​ទៀត​ប៉ុណ្ណោះ ការប្រកួត​កីឡា​អូឡាំពិក នឹង​ចាប់ផ្តើម​បើកសម្ពោធ​ជា​ផ្លូវការ​ហើយ នៅ​ទីក្រុង​ប៉ារីស​។​

​ដោយឡែក​បើតាម​សេចក្តីរាយការណ៍​របស់ AFP នៅ​ថ្ងៃ​ចន្ទ​ទី​៨​ខែកក្កដា​, ប៉ូលិស​បង្ក្រាប​កុបកម្ម​ជាង ៣០ ០០០​នាក់ ត្រូវបាន​ដាក់ពង្រាយ​ទូទាំងប្រទេស ក្នុងនោះ​ក៏​រួមមាន​ទាំង ៥ ០០០​នាក់​ដែល​ដាក់​យាមកាម​នៅ​ទីក្រុង​ប៉ារីស​ផងដែរ ដើម្បី​ទប់ទល់​នឹង​ភាពចលាចល​។​​បណ្តាញសារព័ត៌មាន​ក្នុងស្រុក​រាយការណ៍​ថា គ្រាន់តែ​លទ្ធផល​បឋម​ប្រកាស​ភ្លាម ស្រាប់តែ​ក្រុម​អ្នកគាំទ្រ New Popular Front ចេញមក​ជួបជុំគ្នា​លើ​ទីលាន​សាធារណរដ្ឋ​ក្នុង​ទីក្រុង​ប៉ារីស ដោយមាន​បាញ់​កាំជ្រួច និង​ស្រែក​ពាក្យស្លោក ហើយ​ក្រោយមក​ចលាចល ក៏បាន​រីក​រាលដាល​ទៅដល់​ទីក្រុង​ផ្សេងៗ​ទៀត​ដូចជា Nantes, Lyon, Marseille និង Rennes ជាដើម​។​

​ភោជនីយដ្ឋាន ធនាគារ និង​កន្លែង​ផ្សេងទៀត​ក្នុង​ទីក្រុង​ប៉ារីស បាន​ក្លាយជា​គោលដៅ​របស់​ក្រុម​ឆ្លៀតឱកាស ហើយ​មាន​សេចក្តីរាយការណ៍​អំពី​ការ​លួច​ប្លន់ និង​ដុត​អគារ​ផ្សេងៗ​ថែម​ទៀតផង​។​
​ប៉ូលិស​ត្រូវ​ប្រើ​ឧស្ម័ន​បង្ហូរទឹកភ្នែក ដើម្បី​បំបែក​ហ្វូងមនុស្ស ប៉ុន្តែ​ក៏មាន​សេចក្តីរាយការណ៍​ថា មន្ត្រី​ម្នាក់​ត្រូវរបួស​ដោយសារតែ​គ្រាប់បែក​សាំង​ផងដែរ​។ កាលពី​ខែ​មុន ប្រធានាធិបតី​បារាំង​លោក Emmanuel Macron បាន​អំពាវនាវ​ឲ្យ​រៀបចំ​ការបោះឆ្នោត​សភា​ជាបន្ទាន់ បន្ទាប់ពី​គណបក្ស National Rally ធ្វើ​បានល្អ​បំផុត​ក្នុងការ​បោះឆ្នោត​សភា​សហភាព​អឺរ៉ុប ដោយ​ផ្តួល​គណបក្សនិយម​កណ្តាល​( Renaissance )​របស់គាត់ ជាមួយនឹង​សំឡេងគាំទ្រ​លើស​ទ្វេដង​។​​ត្បិតតែ​នាំមុខ​ក្នុងការ​បោះឆ្នោត​ជុំ​ទី​១ ដោយ​ទទួលបាន​សំឡេងគាំទ្រ​៣៣% ក៏ពិតមែន ប៉ុន្តែ​គណបក្ស National Rally ត្រូវ​រង​បរាជ័យ​ក្នុងការ​បោះឆ្នោត​កាលពី​ថ្ងៃអាទិត្យ ដោយ​ធ្លាក់​ទៅដល់​លេខ​៣ ជាមួយនឹង​អាសនៈ​ចំនួន​១៤៣ ក្នុងចំណោម​អាសនៈ​សភា​ទាំង​៥៧៧៕a elec f1 a election france a election france1