វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5199 នាក់
ម្សិលមិញ 9706 នាក់
សរុប 14083442 នាក់
ឥណ្ឌូណេស៊ី៖គិតត្រឹមរសៀលថ្ងៃទី២៩ ខែកញ្ញា មានប្រជាជនឥណ្ឌូណេស៊ីប្រមាណ៣៨៤ នាក់ បានស្លាប់ និង៥៤០ រងរបួស ហើយរាប់ពាន់នាក់ផ្សេងទៀត កំពុងបាត់ខ្លួន និងរងផលប៉ះពាល់ បន្ទាប់ពីគ្រោះរញ្ជួយដីកម្រិតធ្ងន់ ២ដង និងការវាយប្រហារដោយរលកស៊ូណាមិ ។
ប្រព័ន្ធផ្សព្វផ្សាយក្នុងស្រុករបស់ប្រទេសឥណ្ឌូណេស៊ី បានឱ្យដឹងថា គ្រាន់តែក្នុងក្រុងប៉ាលូ( Palu )មួយមានពលរដ្ឋជាង ៣៥០.០០០នាក់រស់នៅ មានមនុស្សស្លាប់ដល់ទៅជិត ៤០០នាក់ ដោយមិនទាន់គិតពីកន្លែងផ្សេងទៀត ដែលរងផលប៉ះពាល់។ គ្រោះរញ្ជួយដី និងទឹកជំនន់ដ៏អាក្រក់នេះ បានវាយប្រហារកោះ Sulawesi ដែលជាទីកន្លែងប្រឈមការរងគ្រោះខ្លាំងបំផុត។
លើសណីនេះទៅទៀត ក្រុង Mamuju ក៏កំពុងរងផលប៉ះពាល់ខ្លាំងណាស់ដែរ ប៉ុន្តែបច្ចុប្បន្ននេះ ក្រុមអ្នកជួយសង្គ្រោះមិនទាន់អាចចូលទៅបាននោះទេ ដោយសារតែផ្លូវត្រូវបានកាត់បំផ្លាញ ឯសេវាទំនាក់ទំនងក៏ត្រូវបានផ្ដាច់អស់។ មនុស្សជាច្រើនដែលបានស្លាប់នៅក្រុង Palu ត្រូវបានរលកយក្សដែលមានកម្ពស់លើសធម្មតា ១០ដង បោកបក់យកទៅ ពេលកំពុងលេងកម្សាន្តនៅតាមឆ្នេរ។
បើតាមអ្នកនាំពាក្យភ្នាក់ងារគ្រប់គ្រងគ្រោះមហន្តរាយរបស់ប្រទេសឥណ្ឌូណេស៊ី បានឱ្យដឹងថា ចំនួនអ្នកស្លាប់អាចកើនឡើងរាប់រយនាក់ទៀត ព្រោះថាអំឡុងពេលរលកយក្សវាយប្រហារនោះ មនុស្សជាច្រើនកំពុងប្រារព្ធពិធីអបអរក្រុង។ ពេលកំពុងតែរាំច្រៀងកម្សាន្តសប្បាយ ស្រាប់តែមានរលកបោកបក់មក នាំយកពួកគេទៅ ដោយមិនអាចរត់គេចខ្លួនទាន់ពេលនោះទេ។
តាមមជ្ឈមណ្ឌលស្រាវជ្រាវ ផែនដីអាមេរិក បានឲ្យដឹងថា រញ្ជួយដី មានកម្រិត ៧,៥រិចទ័រ វាយប្រហារនៅកណ្តាលកោះ Sulawesi វេលាម៉ោង១៨ ថ្ងៃទី២៨ ខែកញ្ញា ម៉ោងនៅក្នុងតំបន់ ដែលមានជម្រៅ១០គីឡូម៉ែត្រ ។ រញ្ជួយដីនោះ បានធ្វើឲ្យមន្ត្រី ក្នុងតំបន់ បានប្រកាសអាសន្ន ពីរលកយក្សស៊ូណាមិ ។ សារព័ត៌មាន BBC បានផ្សាយថា រលកមានកម្ពស់ ២ម៉ែត្រ បានវាយប្រហារនៅតំបន់ឆ្នេរសមុទ្រទីក្រុង Palu ។
ពលរដ្ឋនៅក្នុងតំបន់ស្ថិតនៅក្នុងភាពចលាចល រត់ភៀសខ្លួន ទៅកាន់តំបន់មានសុវត្ថិភាព។លោក Dwikorita Karnawati ប្រធានក្រុមត្រួតពិនិត្យ ភូមិសាស្ត្រ ផែនដីវិទ្យា និងអាកាសធាតុ ឥណ្ឌូនេស៊ី បានឲ្យដឹងថា «ស្ថានភាពពិតជាចលាចល ពលរដ្ឋភ័យស្លន់ស្លោ រត់ចេញពេញផ្លូវ នៅពេលដែលអគារ បាក់ស្រុត ។ មាននាវាមួយគ្រឿង ត្រូវ រលក់វាយចូលមកឆ្នេរសមុទ្រ»។
អាកាសយានដ្ឋាន នៅទីក្រុង Palu ត្រូវបិទទ្វារ ក្រោយពេលរលក់យក្សស៊ូណាមិ វាយប្រហារ ។