ម្ចាស់សំណង់រំលោភឆ្នេរសមុទ្ទឌឺ អាជ្ញាធឬមានការបើកដៃ!?

ឥណ្ឌាចាប់ខ្លួនក្រុមឆបោកអនឡាញ២នាក់ដែលយកកម្ពុជាធ្វើទីតាំង ផ្ទេរលុយ

បាក់រណ្ដៅរ៉ែត្បូងស្លាប់កម្មរម្នាក់នៅស្រុកលំផាត់

ដីព្រៃនៅលើភ្នំដងរែក ជាច្រើនហិកតា អតីតជាជម្រកកងទ័ព ត្រូវបានគេរៀបចំឯកសារអោយក្លាយទៅជាដីមានប្លង់កម្មសិទ្ធិស្របច្បាប់របស់បុគ្គលមានលុយមានអំណាចមួយចំនួនយ៉ាងរំភើយ ?!

ជិត៤ឆ្នាំ ករណីគាស់ផ្នូររំលោភយកដីពុំទាន់ទទួលបានយុត្តិធម៌ឲ្យ ,ជនជាតិព្នង

លើកលែងទោសស្ត្រីហ្វីពីនដែលមកស៊ីឈ្នួលពរពោះនៅស្រុកខ្មែរ!

ទេសរដ្ឋមន្ដ្រី ឱម យ៉ិនទៀង៖ ACU មានសិទ្ធិមិនឆ្លើយតបថា «គួរស៉ើបអង្កេត ឬមិនស៉ើបអង្កេតលើករណីណាមួយ»

ជាច្រើនទៀត

ចំនួនអ្នកទស្សនា

ថ្ងៃនេះ 8743 នាក់

ម្សិលមិញ 3974 នាក់

សរុប 15884269 នាក់

ដឹងមុខម្ចាស់ឡានឡិចស៊ិសដឹកឈើខុសច្បាប់ដែលសមត្តកិច្ចមិនហ៊ានចាប់នៅមណ្ឌលគីរី!

26-December-2024 / ព័ត៌មានជាតិ

មណ្ឌលគិរីៈ រថយន្តប្រភេទឡិចស៊ិស៤៧០ (lexus៤៧០) មួយគ្រឿងត្រូវគេបានឃើញធ្វើសកម្មភាពដឹកជញ្ជូនឈើខុសច្បាប់ជារៀងរាល់ថ្ងៃខែមកហើយចេញពី តំបន់អភិរក្សដែនជម្រកសត្វព្រៃមេម៉ង់ មកទម្លាក់នៅកណ្តាល ក្រុងសែនមនោរម្យ ខែត្រមណ្ឌលគិរី ដោយគ្មានមន្ត្រីស្ថាប័នជំនាញណាហ៊ានចេញមុខបង្ក្រាបឡើយកាលពីពេលថ្មីៗនេះ។ a lexis

តាមសេចក្តីរាយការណ៍ចេញពី ខែត្រមណ្ឌលគិរី នៅព្រឹកថ្ងៃទី៣០ ខែឧសភា ឆ្នាំ២០២៤បានឲ្យដឹង ថា រថយន្ត Lexus៤៧០ មួយគ្រឿងនេះជារបស់លោក ធឹម សៀងហៃ ហៅ ឆាយជាមនុស្សមានអំណាចទឹកលុយ និងមានប្រវត្តិល្បីល្បាញត្រូវគេលុបឈ្មោះចេញពី មន្ត្រីអគ្គិសនីខែត្រ ។ឡាននេះបានធ្វើសកម្មភាពដឹកឈើខុសច្បាប់យ៉ាងចំហតាំងពីមុនចូលឆ្នាំខ្មែររហូតដល់ពេលនេះ ហើយល្បីល្បាញថា អាងខ្នងអ្នកមានអំណាចជាមន្ត្រីធំម្នាក់នៅក្នុង ខែត្រមណ្ឌលគិរី ទើបគ្មានមន្ត្រីស្ថាប័នជំនាញពាក់ព័ន្ធណាហ៊ានក្អក ឬប៉ះពាល់គេឡើយ។

ប្រភពព័ត៌មានឲ្យដឹងទៀតថា រថយន្តម៉ាកឡិចស៊ិស៤៧០នេះពាក់ស្លាកលេខ ភ្នំពេញ 2AB -៤១២៦ បានធ្វើ សកម្មភាពដឹកឈើជញ្ជូឈើខុសច្បាប់ឆ្លងកាត់តាមផ្លូវពូត្រុំក្នុងមួយថ្ងៃពីរដង និងពេលខ្លះឈានដល់បីដងក៍មានហើយដឹកស្ទើរតែពេញពីមួយខែទៅមួយខែ។ ប្រភពបានឲ្យដឹងថា សូម្បីតែនៅក្នុងឱកាសពិធីបុណ្យចូលឆ្នាំប្រពៃណីជាតិខ្មែរកាលពីខែមុននោះក៍រថយន្តមួយគ្រឿងនេះមិនឈប់សម្រាកដែរ ពោលគឺបន្តដឹកឈើខុសច្បាប់ជារៀងរាល់ថ្ងៃ។ រីឯមន្ត្រីមានសមត្ថកិច្ចនៅតាមដងផ្លូវស្អេកស្កះជាពិសេសស្ថាប័នជំនាញពាក់ព័ន្ធទំនង ជាបានត្រឹមតែអង្គុយសម្លក់ចាំមើល ឈ្មួញម្នាក់នេះជារៀងរាល់ថ្ងៃនិងភ្នែកតែប៉ុណ្ណោះ។

គេមិនដឹងថា អភិបាល ខែត្រមណ្ឌលគិរី លោក ថង សាវុន ដែលធ្លាប់តែចេញបទបញ្ជាយ៉ាងម៉ឹងមាត់ក្នុងអង្គប្រជុំ គណៈបញ្ជាការខែត្រ ឲ្យមន្ត្រីជំនាញពាក់ព័ន្ធក្នុងខែត្រទាំងមូលបង្ក្រាបបទល្មើសនានាជាពិសេសបទល្មើសព្រៃឈើខុសច្បាប់ បានដឹងពីសកម្មភាពដឹកជញ្ជូនឈើខុសច្បាប់ជារាល់ថ្ងៃចេញពី តំបន់អភិរក្សសត្វព្រៃមេម៉ង់ របស់មេឈ្មួញល្បីឈ្មោះខាងលើដែរឬទេ?
កន្លងមកសកម្មភាពការដឹកជញ្ជូនឈើរបស់ឈ្មួញម្នាក់នេះត្រូវគេអះអាងថា គ្មាននរណាហ៊ានក្បែរនោឡើយ។ ពីព្រោះលោកមានអំណាច និងខ្សែរយៈធំខ្លាំងណាស់ បើទោះបីជាគាត់ដឹកឈើទាំងថ្ងៃក៍គ្មាននរណាហ៊ានសួរនាំ ឬហ៊ានដើរក្បែររថយន្តឡិចស៊ិស៤៧០ នោះដែរ។

ប្រជាពលរដ្ឋរាយការណ៍ថា វាជារថយន្តដឹកបទល្មើសព្រៃឈើចេញពី តំបន់អភិរក្សសត្វព្រៃមេម៉ង់ ឆ្ពោះមកកាន់ ក្រុងសែនមនោរម្យ ដោយយកទៅទម្លាក់នៅម្តុំខាងក្រោយ វត្តលើ ក្នុងបរិវេណទីតាំងផ្ទះមួយកន្លែងស្ថិតក្នុង ភូមិពូត្រុំ សង្កាត់មនោរម្យ។ ការដឹកជញ្ជូនឈើត្រូវបានរឹតបន្តឹងនៅក្នុង ខែត្រមណ្ឌលគិតែមិនហ៊ានប៉ះឡានលោកឆាយមិនថាមកពីមូលហេតុអី។ ប៉ុន្តែសម្រាប់រថយន្តមួយគ្រឿងនេះត្រូវគេប្រាប់ថា គ្មានសមត្ថកិច្ចណាហ៊ានប៉ះពាល់ឡើយដោយសារតែគេយកស្បែកខ្លានៅ ស្ថាប័នយុត្តិធម៌ មកប្រើបាំងពាសពីខាងក្រៅ។ នេះគឺជាអំណាច និងឥទ្ធិពលរបស់លោក ឆាយ ដែលគេអះអាងថា គ្មាននរណាហ៊ានក្អកនោះទេ។ ជារឿយៗលោក ឆាយ មានវត្តមាននៅទីតាំងផឹកស៊ីជាមួយអ្នកកាងឈើទៀតផង។

ទោះយ៉ាងណាក៍ដោយគេរំពឹងថា គណៈកម្មការជាតិបង្ក្រាបបទល្មើសធនធានធម្មជាតិ នាយឧត្តមសេនីយ៍ សៅ សុខា ក៍ដូចជាអភិបាលខែត្រមណ្ឌលគិរី លោក ថង សាវុន នឹងពិនិត្យស្រាវជ្រាវមើលករណីបទល្មើសព្រៃឈើរបស់បុរសឈ្មោះ ធឹម សៀងហៃ ហៅ ឆាយ នេះផងដើម្បីឈានដល់ការបង្ក្រាបពិតៗ។ ពីព្រោះបើអាងទៅលើសមត្ថភាពមន្ត្រីជំនាញពាក់ព័ន្ទនៅតាមដងផ្លូវពី មេម៉ង់ មក ក្រុងសែនមនោរម្យ គឺគ្មាននរណាហ៊ានក្អកជាមួយលោក ធឹម សៀងហៃ (ឆាយ) នោះទេ។វាមិនដឹងថាហេតុម៉េចចឹង?៕ a lexis1