វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3257 នាក់
ម្សិលមិញ 6359 នាក់
សរុប 14089890 នាក់
បន្ទាយមានជ័យ៖ក្រុមកម្មករបើកបរគ្រឿងចក្របានសម្តែងក្តីកង្វល់ខណ: ថៅកែម៉ៅការមិនបើកប្រាក់ថ្លៃកម្លាំងពលកម្មរ ឲ្យជាច្រើន ធ្វើឱ្យពួកគេ ខឹងសម្បា គ្រោងនឹងលើកគ្នាតវ៉ានៅ សាលាក្រុងប៉ោយប៉ែត ខេត្តបន្ទាយមានជ័យ ។
ប្រភពព័ត៌មានបានឲ្យដឹងទៀតថា គម្រោងស្ថាបនាផ្លូវច្រកអន្តរជាតិស្ទឹងបត់នេះគឺជាគម្រោងរបស់ NEDA ក្នុងការធានារ៉ាប់រងសង់ផ្លូវនេះឡើង ប៉ុន្តែមិនដឹងជាយ៉ាងណា ស្រាប់តែ NEDA បានដាក់ឲ្យមាន ក្រុមហ៊ុន អ្នករ៉ាប់រងកណ្ដាល១ទៀត ជាអ្នកដេញថ្លៃបានកាលពីកន្លងមក គឺ ក្រុមហ៊ុន CM grand Development ។
ក្រុមហ៊ុន CM grand Development មាន ក្រុមហ៊ុន បុត្រសម្ព័ន្ធ ១ទៀត គឺ ក្រុមហ៊ុន តាន់ គឹមអេង ដែលមាន លោក ឧកញ៉ា តាន់ គឹម ហួត ជា អភិបាល ចំណែក ក្រុមហ៊ុន AZI ក៏ស្ថិតក្នុងការត្រួតពិនិត្យមើលការខុសត្រូវ របស់ក្រុមហ៊ុន តាន់ គឹម អេង ព្រោះមេការ បានចុះកិច្ចព្រមព្រៀង បើកប្រាក់ខែ បុគ្គលិក ពី ម្ចាស់ហ៊ុន អ្នកដេញថ្លៃបាន ។
ជុំវិញករណីខាងលើមន្ត្រីម្នាក់សុំមិនបញ្ចេញ ឈ្មោះ បានបង្ហើបថា គាត់មានការអាណិតកម្មករបើកគ្រឿងចក្រធើ្វផ្លូវ ស្ទឹងបត់ ជាច្រើនខែមកហើយ មេការមិនបើកលុយពលកម្មឲ្យ ។ មន្ត្រីដដែលថា សព្វថ្ងៃគាត់បានផ្តល់ទីតាំងឲ្យអ្នកបើកគ្រឿងចក្រស្នាក់នៅដោយមិនគិតកំរៃថ្លៃទឹកភ្លើងផងទេ ហើយការហូបចុក ក៏មិនគ្រប់គ្រាន់ ។ គាត់ឆ្ងល់ណាស់ថា ធម្មតាគម្រោងសាងសង់ ផ្លូវខ្នាតអន្តរជាតិបែបនេះលុយសម្រាប់ចំណាយដូចជាមិនខ្វះទេ ហេតុអ្វីបានជា ភាគីក្រុមហ៊ុន មិនព្រមបើកឲ្យកម្មករឲ្យបានត្រឹមត្រូវ ចាំបាច់អី កិបកេងលើគ្នាបែបនេះដូច្នេះ? ។
យ៉ាងណាក៏ដោយភាគីក្រុមហ៊ុន តាន់គឹមអេង គឺលោក ឧកញ៉ា តាន់ គឹមហួត ដែលគេដឹងថា ជាអ្នកដេញថ្លៃបាន ក្នុងការសាងសង់ផ្លូវនេះឡើងបានឲ្យដឹងថា បញ្ហាវិបត្តិហិរញ្ញវត្ថុសម្រាប់ក្រុមហ៊ុនរបស់ខ្លួន មិនដែលរាំងស្ទះទេ ។ ក្នុងករណីដែលថាកម្មកររងគ្រោះមិនបើកលុយថ្លៃកម្លាំងពលកម្មនោះ លោកបានឆ្លើយបដិសេធនិងស្នើឲ្យមានការស្រាវជ្រាវឲ្យបានច្បាស់សិននិយាយចប់បិទទូរស័ព្ទ ។បើទោះជាយ៉ាងណាអភិបាលក្រុងប៉ោយប៉ែត លោក គាត ហ៊ុល ថាបើមានករណីដូចកម្មករលើកឡើងមែននោះ សូមឲ្យកម្មរៀបចំចាត់តាំងតំណាងម្នាក់មកដាក់បណ្តឹងនៅសាលាក្រុងដើម្បីមាន ទឡ្ហីករណ៍ កោះហៅអ្នកទទួលខុសត្រូវមកដោះស្រាយបើគ្រាន់តែនិយាយគ្មានមូលដ្ឋានច្បាស់លាស់ទេជួយមិនបានទេ ។
ចំណែកលោកសុខ ចាន់ថា ប្រធានមន្ទីរសាធារណៈការនិងដឹកជញ្ជូនខេត្តបន្ទាយមានជ័យមិនអាចទាក់ទងសុំការអធិប្បាយបានទេជុំវិញកម្មករជួបវិបត្តិហិរញ្ញវត្ថុដោយសារមេការកិបកេងកម្លាំងពលកម្ម ខណៈទូរស័ព្ទចូលច្រើនដង មិនព្រមលើក ។បែបណាក៏ដោយអាជ្ញាធរពាក់ពន្ធ័ ខេត្តបន្ទាយមានជ័យគប្បីជួយអន្តរាគមន៍ដើម្បីឲ្យកម្មករទទួលបានប្រាក់ខែតាមកិច្ចសន្យាការងារដែលក្រុមហ៊ុនបានព្រមព្រៀងជាមួយពួកគាត់។