ក្រសួងការងារសេចក្តីជូនដំណឹងថ្មីស្តីពីការបើកផ្តល់ប្រាក់ឈ្នួលម្តងទៀត ជូនបងប្អូនកម្មករនិយោជិតនៃក្រុមហ៊ុន វ៉ាយ & ដាប់បែលយូ ហ្គាមេន (Y & W)
10-April-2024 / សេដ្ឋកិច្ច
ភ្នំពេញ ៖ សេចក្តីជូនដំណឹងស្តីពីការបើកផ្តល់ប្រាក់ឈ្នួល និងប្រាក់បំណាច់ផ្សេងៗជូនបងប្អូនកម្មករនិយោជិតនៃក្រុមហ៊ុន វ៉ាយ & ដាប់បែលយូ ហ្គាមេន (Y & W GARMENT CO., LTD.)ចុះថ្ងៃទី២០មិនាបានបញ្ជាក់ថាសូមបងប្អូនកម្មករ កម្មការីនីទំនាក់ទំនង សម្រាប់ទៅបើកប្រាក់ឈ្នួល និងប្រាក់បំណាច់ផ្សេងៗដែលក្រសួងការងារ និងបណ្តុះបណ្តាល វិជ្ជាជីវៈ បានសម្របសម្រួល និងរៀបចំចាប់ពិថ្ងៃទី២៣មិនាតទៅ ។
សូមបញ្ជាក់ដែរថាកាលពីថ្ងៃទី១៩មីនាក្រសួងការងារក៏បានចេញសេចក្តីជូនដំណឹងចឹងមួយដែរថានឹងដោះស្រាយនៅថ្ងៃទី២០មិនា។តែដោយសារមិនប្រាកដប្រជាកម្មករក្រុមហ៊ុន វ៉ាយ & ដាប់បែលយូ ហ្គាមេន (Y & W GARMENT CO., LTD.)រាប់រយនាក់ក្នុងចំណៅមជាង៤ពាន់នាក់ដែលរងគ្រោះព្រោះថៅកែរត់ចោលបាននាំគ្នាមកធ្វើបាតុកម្មជាថ្មីទៀតដោយចាប់បិទផ្លូវនៅស្តុបបាគូ។កម្មករបាននិយាយថា ថៅកែបានរត់ចោល និងបិទទ្វាររោងចក្រ២០ថ្ងៃមកហើយ ដោយមិនបានបើកប្រាក់ឈ្នួល និងអត្ថប្រយោជន៍ជូនពួកគាត់ឡើយ ដូច្នេះទើបពួកគាត់ធ្វើការតវ៉ារហូតមក ដើម្បីទាមទារលក្ខខណ្ឌការងារចំនួនចំណុច៥ មានដូចជា ៖ទី១ ស្នើរសុំឲ្យភាគីរោងចក្របើកប្រាក់ឈ្នួលចុងក្រោយតាមមាត្រា១១៦នៃច្បាប់ការងារ ។
ទី២ ស្នើរសុំឲ្យភាគីរោងចក្របើកប្រាក់ជួសការសម្រាកប្រចាំឆ្នាំតាមមាត្រា១១៦-១១៧ នៃច្បាប់ការងារ ។ទី៣,ស្នើរសុំឲ្យភាគីរោងចក្របើកប្រាក់បំណាច់អតីតភាពដែលនៅសល់តាមមាត្រា៩៨ថ្មី ប្រកាស៤៤៣ ។
ទី៤ ស្នើរសុំឲ្យភាគីរោងចក្របើកប្រាក់ជូនដំណឹងមុនតាមមាត្រា៧៥-៧៧ -៧៩ ។ទី៥ ស្នើរសុំឲ្យភាគីរោងចក្របើកប្រាក់សងជម្ងឺចិត្តជូនកម្មករកម្មការិនី តាមមាត្រ៩១ថ្មី ។ក្រោយមានការតវ៉ា ខាងក្រសួងការងារបានធ្វើការដោះស្រាយឲ្យរហូត ហើយពួកគាត់ទទួលដំណឹងថា នៅថ្ងៃទី២០ ខែមិនា ឆ្នាំ២០២៤នេះ និងមានការទូទាត់នូវប្រាក់ឈ្នួល និងប្រាក់អត្ថប្រយោជន៍ផ្សេងៗជូនពួកគាត់ ។ ពេលនោះពួកគាត់ត្រេកអរខ្លាំងណាស់ ប៉ុន្តែដល់ថ្ងៃកំណត់បែរជាអត់ទៅវិញទើបពួកគាត់នាំគ្នាធ្វើបាតុកម្មបិទផ្លូវបែបនេះតែម្ដង ដើម្បីឲ្យក្រសួងការងារ និងថៅកែរោងចក្រដោះស្រាយជាបន្ទាន់ ។
ទាក់ទងបញ្ហានេះដែរក្រុមការងារប.ស.ស. និងNEAនៃក្រសួងការងារ និងបណ្តុះបណ្តាលវិជ្ជាជីវៈ ចុះពន្យល់កម្មករ Y & W ពីឱកាសការងារ និងអត្ថប្រយោជន៍ដល់បន្ទប់ស្នាក់នៅបេឡាជាតិសន្តិសុខសង្គម(ប.ស.ស.) និងទីភ្នាក់ងារជាតិមុខរបរ និងការងារ នៃក្រសួងការងារ និងបណ្តុះបណ្តាលវិជ្ជាជីវៈ បានចុះទៅដល់បន្ទប់ស្នាក់នៅរបស់កម្មកររោងចក្រ Y & W ដើម្បីពន្យល់ពីឱកាសការងារថ្មី និងអត្ថប្រយោជន៍នៃរបបសន្តិសុខសង្គមដែលកម្មករនៅបន្តទទួលបាន។ក្រុមការងារ និងរថយន្តនៃមជ្ឈមណ្ឌលការងារចល័តចំនួន៣គ្រឿង បាននិងកំពុងបន្តនៅខាងមុខរោងចក្រ ហើយរថយន្តចំនួន២គ្រឿងជាមួយមន្ត្រីប.ស.ស. និងមន្ត្រីនៃទីភ្នាក់ងារជាតិមុខរបរ និងការងារ បានធ្វើដំណើរទៅកាន់បន្ទប់ស្នាក់នៅរបស់កម្មករដែលនៅជុំវិញរោងចក្រ Y & W។
គិតត្រឹមថ្ងៃទី១៧ ខែមីនា ឆ្នាំ២០២៤នេះ ក្រសួងការងារ និងបណ្តុះបណ្តាលវិជ្ជាជីវៈនាំយកឱកាសការងារជាង ២៥០០ កន្លែងជូនដល់បងប្អូនកម្មករ កម្មការិនីនៃរោងចក្រY & W ក៏ដូចជាប្រជាពលរដ្ឋនៅក្នុងតំបន់ផងដែរដើម្បីផ្តល់ភាពងាយស្រួលក្នុងការទទួលបានការងារធ្វើកាន់តែឆាប់រហ័សសម្រាប់ និងបន្តមានចំណូល។ សម្រាប់អ្នកដែលចង់ទទួលបានឱកាសការងារភ្លាមៗ សូមទាក់លេខ ០៧៧ ២៣២ ៣៧៨ / ០១៦ ៧៨៦ ៦៥៥ (Telegram) ឬ គេហទំព័រ www.nea.gov.kh និងទំព័រ Facebook (neakhmer)ដើម្បីចុះឈ្មោះ និងទទួលបានឱកាសការងារថ្មីៗបន្ថែម។ទន្ទឹមនឹងនេះ ក្រសួងការងារ និងបណ្តុះបណ្តាលវិជ្ជាជីវៈ បានអំពាវនាវឱ្យបងប្អូនកម្មករ ដែលកំពុងរង់ចាំនីតិវិធី និងដំណោះស្រាយ ដើម្បីទទួលបានប្រាក់ឈ្នួល និងប្រាក់ បំណាច់ផ្សេងៗពីក្រុមហ៊ុន វ៉ាយ & ដាប់បែលយូ ហ្គាមេន មកទទួលសេវា ជួយរកការងារធ្វើពី NEA ដើម្បីឱ្យបងប្អូនអាចទទួលបានការងារថ្មីឆាប់រហ័ស និងមានប្រាក់ខែបន្តភ្លាមៗ។
នៅឯតុលាការវិញតុលាការក៏បានសម្រេចចេញដីការឹបអូសទ្រព្យសម្បត្តិរបស់រោងចក្រវ៉ាយ&ដាប់បែលយូហ្គាមេន(Y&W Garment)ជាបណ្តោះអាសន្ន ក្រោយថៅកែរោងចក្រប្រកាសក្ស័យធន និងមិនព្រមទូទាត់ប្រាក់ខែជូនកម្មករ។ ការចេញដីការឹបអូសរបស់តុលាការនេះទៀតសោធ ធ្វើឡើងបន្ទាប់ពីក្រសួងការងារកាលពីថ្ងៃទី០៩ មីនា ប្តឹងក្រុមហ៊ុននេះទៅតុលាការ ដើម្បីស្នើសុំដីការចាត់ចែងរក្សាការពារទ្រព្យសម្បត្តិរបស់ក្រុមហ៊ុន និងលក់ឡៃឡុងទ្រព្យសម្បតិ្តរោងចក្រសម្រាប់ទូទាត់ប្រាក់ខែជូនកម្មករ ដែលរងគ្រោះប្រមាណ ៤ ៥០០នាក់។ឡូវចាំមើលមើថាតើការជូនដំណឹងលើកទី២ហ្នឹងដោះស្រាយបែបណាដែរ?៕
