ចៅហ្វាយខេត្តមណ្ឌលគីរីរកមិនឃើញបទល្មើសព្រៃឈើដូចការបន្ទោសរបស់ម្តេចក្រឡាហោមសខេង!
06-August-2026 / ព័ត៌មានជាតិ
មណ្ឌលគិរី៖ ប្រធានគណៈបញ្ជាការឯកភាពខេត្តមណ្ឌលគិរី លោក ស្វាយ សំអ៊ាង នៅថ្ងៃទី៣០កញ្ញា បានដឹកនាំកម្លាំង ចម្រុះចុះទៅតំបន់ជាច្រើនក្នុងស្រុកកោះញែក រយៈពេលពេញមួយថ្ងៃ ដើម្បីពិនិត្យទប់ស្កាត់បទល្មើសព្រៃឈើ និងអង្កេតទៅ លើបណ្ដាក្រុមហ៊ុនសម្បទានមួយចំនួន អំពីការការប្រមូលអនុផលព្រៃឈើ ការដាំដុះដំណាំ ការបង់ពន្ធ ព្រមទាំងទប់ស្កាត់ ការកាប់ទន្ទ្រានដីព្រៃធ្វើជាកម្មសិទ្ធពីសំណាក់ប្រជាពលរដ្ឋ ។
ការចុះត្រួតពិនិត្យគឺនៅពេលដែលនៅប្រទេសអាមេរិកសម្តេចហ៊ុនសែនពេលជួបសំណេះសំណាលជាមួយអនិកជនខ្មែរបានអះពីការប្តេជ្ញាបង្ក្រាបបទល្មើសព្រៃឈើ។ប៉ុន្តែអ្វីដែលជាការកត់សម្គាល់គឺក្នុងបេសកកម្មនេះ លោក អភិបាលខេត្តមណ្ឌលគិរីរកមិនឃើញបទល្មើសព្រៃឈើដូចការកាសែតចុះផ្សាយនិងការថ្លែងរបស់សម្តេចក្រឡាហោមសខេងឧបនាយករដ្ឋមន្ត្រីនិងជារដ្ឋមន្ត្រីក្រសួងមហាផ្ទៃថាលោកបានឃើញគេថតបានបទល្មើសពីការបង្ហោះដ្រូននោះឡើយ។
អភិបាលខេត្តមណ្ឌលគិរីរូបនេះបានប្រាប់កាសែតថា ក្នុងការចុះត្រួតពិនិត្យនេះដែរ ក៏ដើម្បីបង្ការនិងទប់ស្ដាត់លើបណ្ដាក្រុមហ៊ុនទាំងនោះ មិនឲ្យមាន ការលួចកាប់ឈើក្រៅដែនដីសម្បទានរបស់ខ្លួន អូសចូលក្រុមហ៊ុនបន្លំជាឈើស្របច្បាប់ ដែលនេះជាបញ្ហាចម្បងមួយ ។ បើតាមលោកចៅហ្វាយខេត្តមណ្ឌលគិរីក្រុមហ៊ុនថាច់ហ្វូតក្រុមហ៊ុនម៉ាស្ទរ័ខេរសាន់របស់ឧកញ៉ាសឹងសំអុលក្រុមហ៊ុលឹមរ៉ូយ៉ាល់គឺសុទ្ធតែជាក្រុមល្អបង់ពន្ធចូលរដ្ឋ១០០ភាគរយទាំងឈើឈរនិងឈើកាប់?!។ចំណែកដីសម្បទានសង្គមកិច្ចអតីតយុទ្ធជនក៏កំពុងប្រមូលអនុផលព្រៃឈើដើម្បីបង់ពន្ធចូលរដ្ឋននិងសង់ផ្ទះជូនគ្រួសារយុទ្ធជនដែរ។
សូមបញ្ជាក់ថា៖បើតាម ពលរដ្ឋរស់នៅក្នុងស្រុកកោះញែក បានបង្ហើបឲ្យដឹងទៀតថា៖កន្លងមកមាន ឈ្មួញឈើដុះស្លែធំៗ ជាច្រើននាក់ បានកាប់ឈើ ខាងក្រៅ ដឹកចូលក្រុមហ៊ុន លឹម រ៉ូយ៉ាល់ក្រុប ឲ្យទៅជាឈើមានច្បាប់ ដែលរួមមាន១-ឈ្មោះឧកញ៉ា សី ទី២-មេឈ្មួញឈ្មោះ លក្ខ័ ទី៣-មេឈ្មួញ វីដា ទី៤.មេឈ្មួញឈ្មោះចយ និងទី៥.មេឈ្មួញឈ្មោះ មុន្នី មេឈ្មួញឈើដុះស្លែ ទាំង៥នាក់នេះល្បីរន្ទឺ នៅខេត្តភូមិភាគឦសានសមត្ថកិច្ច កោតក្រែង ខ្លាចអំណាចដុល្លារ មិនសូវហ៊ានបង្ក្រាបនោះទេ?!។
បើតាមការអះអាងរបស់លោកស្វាយសំអ៊ាងចៅហ្វាយខេត្តមណ្ឌលគីរីគឺជាការវាបកចំៗចំពោះអ្នកកាសែតថាជាពួកចោលម្សៀតគ្មានបានការចេះតែថាមានបទល្មើសព្រៃឈើ។នេះមិននិយាយថាមស្តេចក្រឡាហោមសខេងនិយាយគ្មានការពិត្យនោះទេ។
សូមបញ្ជាក់ថានៅក្នុងកិច្ចប្រជុំបូកសរុបសកម្មភាព និងលទ្ធផលបោះឆ្នោតជ្រើសតាំងតំណាងរាស្ត្រនីតិកាលទី៦ នៅខេត្ត បាត់ដំបង កាលពីថ្ងៃទី២៣ ខែកញ្ញា ឆ្នាំ២០១៨ សម្ដេច ស ខេង មានប្រសាសន៍ថា “ទាក់ទងទៅនឹង ការគេថតផ្កាយរណបអត់មានលាក់អីជិតទេ គេឡាយឲ្យយើងមើលម៉ង់ អាដឹកឈើនៅទីណា ចេញពី ទីណា គេឡាយឲ្យមើលម៉ង់។ បើតាមដឹងនៅមណ្ឌលគីរី ឥឡូវសូមផ្ដាំទៅអភិបាលខេត្តមណ្ឌលគីរី សូមឲ្យមើលបើមិនមើលចៅហ្វាយខេត្តហ្នឹង ក៏មានរឿងដែរ មិនត្រឹមតែមើលទេ គឺដោះស្រាយ”។
រដ្ឋមន្ត្រីក្រសួងមហាផ្ទៃបន្ដថា រហូតដល់ពេលនេះ ការប្រមូលឈើនៅតំបន់បាតអាងខេត្តស្ទឹងត្រែង ប្រមូលលែងបានហើយ ខណៈបាតអាងមានទឹកជ្រៅជាង៧០ម៉ែត្រ។ សម្ដេចថា មានជនខិលខូច មួយចំនួនបានយកលេះថា ទៅសំអាតបាតអាងប៉ុន្ដែផ្ទុយទៅវិញ នាំគ្នាទៅកាប់ព្រៃឈើនៅតំបន់ផ្សេងៗ ហើយយកមកដាក់លាក់នៅបាតអាង ស្របពេលវារីអគ្គិសនីបានសាងសងរួចរាល់ផងដែរ។
ជាមួយគ្នានេះដែរ សម្ដេច ស ខេង ក៏បានជំរុញឲ្យធ្វើវិសោនកម្មច្បាប់គ្រប់គ្រងព្រៃឈើ ដើម្បីការពារ ធនធានធម្មជាតិព្រៃឈើ ដែលមានផលប៉ះពាល់យ៉ាងខ្លាំង នាពេលបច្ចុប្បន្ន ព្រោះច្បាប់ការពារព្រៃឈើ ពុំបានផ្ដល់អំណាចដល់អាជ្ញាធរនិងសមត្ថកិច្ចដែនដីទេ ដែលជាហេតុធ្វើឲ្យជនខិលខូចមួយ ចំនួនកាប់ ឈើខុសច្បាប់ នាំចេញជាបន្តបន្ទាប់ធ្វើឲ្យប៉ះពាល់បរិស្ថាន និងធនធានធម្មជាតិរបស់កម្ពុជា។
