វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3375 នាក់
ម្សិលមិញ 10264 នាក់
សរុប 14142557 នាក់
ភ្នំពេញ : នៅថ្ងៃទី០៤ ខែសីហា ឆ្នាំ២០២១ លោកអ៊ុំប្រុស មឿង សាន វ័យ៦៦ឆ្នាំ ទីលំនៅបច្ចុប្បន្នផ្ទះលេខ01AEo ផ្លូវ86 ភូមិ22 សង្កាត់ស្រះចក ខណ្ឌដូនពេញ រាជធានីភ្នំពេញ មុខរបរមន្ត្រីនគរបាលចូលនិវត្តន៏ ជាសមាជិកសមាគមអតីតយុទ្ធជនកម្ពុជា មិនសុខចិត្តនឹងមិនយល់ព្រមទទួលយកការដោះស្រាយរបស់ក្រុមហ៊ុននិងគណៈកម្មការដោះស្រាយដីតំបន់បឹងកក់ ឱ្យរូបលោកដោយមិនសមហេតុសមផលនោះទេ។
លោកអ៊ុំ មឿង សាន បានបញ្ជាក់ថាដីរបស់លោកអ៊ុំមានចំនួន ១៧៥០ ម៉ែត្រការ៉េ គណៈកម្មការដោះស្រាយដីតំបន់បឹងកក់និងក្រុមហ៊ុនដោះស្រាយឲ្យលោកបានតែ៥៩ម៉ែត្រការ៉េតែប៉ុណ្ណោះ(មិនបាន5%) ហើយលោកមិនឯកភាពនូវការដោះស្រាយនេះទេ។លោក មឿង សាន សុំស្នើឲ្យសម្ដេចក្រឡាហោម ស ខេង ឧបរដ្ឋមន្ត្រីក្រសួងមហាផ្ទៃ និងឯកឧត្តម អភិបាលរាជធានីភ្នំពេញមេត្តាជួយអន្តរាគមន៍រឿងដីធ្លីជូនលោកផង។ព្រោះនៅពេលបច្ចុប្បន្ននេះលោកបាត់បង់កម្លាំងពលកម្មធ្លាក់ខ្លួនមានជំងឺនិងពិការ។
និវត្តន៌ជនវ័យជរាហើយថែមទាំងពិការទៀតផងរូបនេះបានបញ្ជាក់បន្ថែមថា នៅឆ្នាំ១៩៧៩ លោកបានបម្រើការងារជាមន្ត្រីនគរបាល រហូតមកដល់ឆ្នាំ២០១៣លោកបានចូលនិវត្តន៍មកដល់បច្ចុប្បន្ននេះ លោកជាសមាជិកសមាគមអតីតយុទ្ធជនកម្ពុជា ហើយលោកនឹងធ្វើលិខិតស្នើសុំទៅ ឯកឧត្តមអភិបាលរាជធានីភ្នំពេញនិងសម្ដេចក្រឡាហោមឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃដើម្បីជួយអន្តរាគមន៍និងដោះស្រាយរឿងដីធ្លីជូនលោកឲ្យបានសមរម្យដោយក្តីអនុគ្រោះ៕