សមត្តកិច្ចបង្វែងដានករណីយ៍លោក បេ គឹមហេង និងភរិយាឈ្មោះ សុខ លីឆេង ម្ចាស់សំណង់អគារចំនួន ១០ កំពស់៣ជាន់ ចាប់សង់លើអតីតដីព្រៃលើភ្នំដងរែក ជាង៥ហិកតាក្នុងខេត្តឧត្តរមាន ជ័យ !!!
30-May-2025 / ព័ត៌មានជាតិ
ខេត្តឧត្តរមានជ័យ : គេហទំព័រ មាតុភូមិ www.meatophoum . com បានផ្សាយ១វគ្គ រួច មកហើយនូវព័ត៌មានស្តីអំពី " ដីព្រៃនៅលើភ្នំដងរែក ជាច្រើន ហិកតា អតីតជាជំរកកងទ័ព បានក្លាយទៅជាដីមានប្លង់កម្ម សិទ្ធិស្របច្បាប់ របស់អ្នកមានលុយ មានអំណាចយ៉ាងរំភើយ ! មកដល់ពេលនេះពុំមានប្រតិកម្មឆ្លើយតបបកស្រាយបំភ្លឺ អោយបានលំអិតមកកាន់អង្គភាពសារព័ត៌មាន មាតុភូមិ អំំពី ករណីខាងលើនេះ ពីសំណាក់អាជ្ញាធរ សមត្ថកិច្ចពាក់ព័ន្ធ នៅ ឡើយទេ? ។
មហាជន និង ប្រជា ពលរដ្ឋទូទៅ ក៏ដូចជាបងប្អូនប្រជាពលរដ្ឋរស់នៅក្នុងស្រុក អន្លុងវែង ពិសេសមន្ត្រីរាជការ ថ្នាក់ទាបៗ មិនបានទទួលផល លាភសក្ការ:ពីការវិនិយោគ អភិ វឌ្ឍន៍ដីព្រៃភ្នំដងរែក ដែលជាទ្រព្យសម្បតិ្តធម្មជាតិ របស់រដ្ឋ ពួកគាត់បានឆាត និងទូរស័ព្ទមកកាន់អង្គភាពយើង អោយបន្តស្រាវជ្រាវ ហើយផ្សព្វផ្សាយព័ត៌មាន អំពីការរំលោភយកដីព្រៃភ្នំដងរែក ធ្វើជាកម្មសិទ្ធិ ឯក ជនស្របច្បាប់បែបនេះ ? ជាថ្មីបន្តទៀត ដើម្បីអោយប្រមុខថ្នាក់ ដឹកនាំប្រទេសបានឃើញ បាន ដឹង ។ សូមរំលឹកថា : ដីព្រៃឈើលើភ្នំដងរែក អតីតជាជំរករបស់កងយោធពលខេមរភូមិន្ទលាក់ ខ្លួន ចល័តធ្វើសកម្មភាពប្រយុទ្ធគ្មាជាប់ព្រំដែនកម្ពុជា-ថៃ ស្ថិត នៅចំណុចអូរថ្ម ភូមិជាំ ឃុំត្រពាំងប្រិយ៍ ស្រុកអន្លង់វែង ខេត្តឧត្ដរមានជ័យ មានចំងាយប្រហែលជា៣គីឡូម៉ែត្រពីច្រកជាំសាងា់ំ។
បច្ចុប្បន្ននេះទីតាំងដីព្រៃរដ្ឋនេះបាន ក្លាយជាដីមានប្លង់កម្មសិទ្ធិរបស់បុគ្គលឯកជន យ៉ាងស្របច្បាប់ដោយរលូន? ។ យោងតាមឯក សារពាក់ព័ន្ធមួយចំនួន ដែលការិយាល័យនិពន្ធអង្ភភាពគេហទំព័រ មាតុភូមិ ទទួលបានពីប្រជាពលរដ្ឋ តាមរយ:តេឡេ ក្រាមបានបង្ហាញថា : ក្រសួងរៀបចំដែនដី នគរូបនីយកម្ម និងសំណង់ បានចេញលិខិត អនុញ្ញាតសាងសង់ ០១ ច្បាប់ លេខ:៤០៤ ដនស/អសណ ចុះថ្ងៃទី ១៩ ខែធ្នូ ឆ្នាំ ២០២៤ មានចុះហត្ថលេខា ដោយឈ្មោះ ទេព ធន ជារដ្ឋលេខាធិការ ជំនួសឯកឧត្តមឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដីនគរូបនីយកម្ម និងសំណង់ តាមពាក្យស្នើសុំលិខិត អនុញ្ញាតសាងសង់ ចុះថ្ងៃទី០១ ខែវិច្ឆិកា ឆ្នាំ២០២៤ របស់ឈ្មោះ បេ គឹមហេង និងលោកស្រី សុខ លី ( ប្តី-ប្រពន្ធ ) បានអនុញ្ញាតអោយសាងសង់អគារស្នាក់នៅរួម សំរាប់ជួលមានចំនួន ១០ អគារ កំពស់អតិបរមា១៩,១៦ ម៉ែត្រ មានជាន់ផ្ទាល់ដី ជាន់ទី ០១ ដល់ជាន់ទី០៣ ដំបូលប្រក់ស័ង្កសី មានផ្ទៃក្រឡាសំណង់សរុប ៥៤.១៦២,៨០ម៉ែត្រការ៉េ មានសន្ទុះប្រើប្រាស់ដី០,១៦នៅលើដីឡូតិ៍ទំហំ២៧៤.១៧៥,០០ ម៉ែត្រការ៉េ មានវិញ្ញាបនបត្រសម្គាល់ ម្ចាស់អចលនវត្ថុលេខ :២២០១០៤០៥ -០០៥៥ និងលេខ : - ០០៥៦ ស្ថិតនៅភូមិ ជើងភ្នំ ឃុំត្រពាំងប្រិយ៍ ស្រុក អន្លង់វែង ខេត្តឧត្តរមានជ័យ របស់ឈ្មោះ បេ គឹមហេង និង ប្រពន្ធឈ្មោះ សុខ លីឆេង ជាម្ចាស់សំណង់អគារ តែត្រូវបំពេញលក្ខខណ្ឌ ដូចខាង ក្រោម : សូមអានខ្លឹមសារ លិខិតអនុញ្ញាតសាងសង់របស់ក្រសួងរៀបចំដែនដីនគរូបនីយកម្ម និងសំណង់ ទាំងស្រុងនៅខាងក្រោម : ។
ប្រភពពីប្រជាពលរដ្ឋ នៅតំបន់ នោះ បានបញ្ជាក់ប្រាប់ថា : ដី លំនៅដ្ឋាន របស់ពួកគាត់ដែល កំពុងស្នាក់នៅ និងអាស្រ័យផល សព្វថ្ងៃនេះ ពុំទាន់មានប្លង់កម្ម សិទ្ធិស្របច្បាប់កាន់កាប់ ប្រើ ប្រាស់នៅឡើយទេ ទោះជាប្រមុខរាជរដ្ឋាភិបាលកម្ពុជាបានប្រកាសដាក់ដាក់ចេញនូវគោល ការណ៍ការ ស្តីអំពីការចុះបញ្ជីដីធ្លីមានលក្ខណ:ជាប្រព័ន្ធ ជូនដល់ប្រជាពលរដ្ឋទូទាំងប្រទេសហើយក្តី ។ ប៉ុន្តែការពិតជាក់ ស្តែងបែរជាបុគ្គលឯកជន អ្នក មានលុយ និង មានអំណាចមួយចំនួន បានឃុបឃិតគ្នាជាលក្ខណ:ប្រព័ន្ធ រវាងអាជ្ញាធរដែនដី និងមន្ត្រីជំនាញពាក់ព័ន្ធ គ្រប់លំដាប់ថ្នាក់ ចេញប្លង់ដីកម្ម សិទ្ធិស្របច្បាប់ និងលិខិត អនុញ្ញាតសាងសង់ ០៤-១០ អគារនៅលើដីភ្នំដងរែកបានយ៉ាងរលូន ។
បើពួគគេមិនទទយលបានផលប្រយោជន៍ពីការកាបើទន្ឬ្រានរានព្រៃយកដីរដ្ខធ្វើកម្មសិទ្ធតើវាអាចទៅរួចទេ?។ ទាក់ទិននឹង ព័ត៌មានខាងលើនេះ លោក គឹម គាវិន ប្រធានមន្ទីរដែនដីខេត្ត ឧត្តរមានជ័យ បានឆ្លើយតបបំភ្លឺ មកអង្គភាពគេហទំព័រ មាតុភូមិ តាមទូរស័ព្ទនៅព្រឹកថ្ងៃទី១៧ ខែ មករា ឆ្នាំ២០២៥ថា : សំណង់ គេៗមានច្បាប់បានគេធ្វើ ម្ចាស់ សំណង់គេមកអភិវឌ្ឍន៍ ក្នុងស្រុកយើងគេយកលុយ គេយកធនធានមកអភិវឌ្ឍន៍ នៅក្នុងស្រុកយើង មិនមានអ្វីខុសច្បាប់ទេ ដើម្បីអោយប្រជាពលរដ្ឋក្នុងស្រុកមានការងារធ្វើ មានចំណូល ដូចជាអត់មានអី ជារឿងខុសច្បាប់ទេ កន្លែងណាក៏មានសំណង់ដែរ ។ ពាក់ព័ន្ធរឿងសំណង់លើភ្នំដងរែក ដែលជាដីភោគទ្រព្យរបស់ជាតិ លោក គាវិន បានបញ្ជាក់ថា:ដីលើភ្នំដង រែក ជាច្រកអន្តរជាតិជាំសាង៉ាំ ហើយបើនិយាយពីច្រកអន្តរ ជាតិ ច្រកអន្តរជាតិជាំសាង៉ាំ ហើយបើអត់មានសំណង់ តើជាច្រកអន្តរជាតិកើតដែរ ? ហើយបើនិយាយពីច្រកអន្តរជាតិ មិន មែនមានតែប៉ុន្មានម៉ែត្រ៤ជ្រុងហ្នុងទេ តែបើជាច្រកអន្តរជាតិ ហើយ អគារសំណង់ផ្សេងៗទាំង អស់បានទាក់ទាញភ្ញៀវទេសចរ និងអ្នកវិនិយោគអោយគេមក ។
ពាក់ព័ន្ធនឹងសំនួរសួរថា : ហេតុ អ្វីបានជាក្រុមហ៊ុន ទទួលបាន ច្បាប់សាងសង់សំណង់ធ្វើកើត ហើយប្រជាពលរដ្ឋ នៅតំបន់នោះ អត់ទាន់មានប្លង់កម្មសិទ្ធិធ្វើ ? ប៉ុន្តែបែរជាលោក គាវិន បានសួរសំនួរបញ្ច្រាស់ទិសមក វិញថា: បងឯងជាអ្នក សារព័ត៌មាន បងឯងមានដី ឬអត់ ? មានផ្ទះ មានដីដែរឬអត់? លោកបន្តថា :បើបងប្អូនប្រជា ពលរដ្ឋគាត់ចង់បានកម្មសិទ្ធិដី គាត់ត្រូវមកពឹងពាក់ដល់រដ្ឋបាលសូរីយោដី ឬក៏មកពឹង ពាក់ដល់អាជ្ញាធរស្រុកមក គេរៀបចំឯកសារផ្តល់ជូនពួកគាត់ហើយបើកន្លែងហ្នឹងគេចុះបញ្ជីជាប្រព័ន្ធហើយពលរដ្ឋ ចូលរួមចុះបញ្ជីជាមួយជំនាញគេទៅនឹងទទួលបានប្លង់កម្មសិទ្ធិហើយ តែបើអត់ទៅពឹងពាក់រកគេទេ គេម៉េចធ្វើប្លង់អោយ? ។ ទោះជាសំនួរ របស់អ្នកកាសែតចង់សំដៅលើដីព្រៃភ្នំដងរែក ជាដីភោគ: របស់ជាតិយ៉ាងណា ក៏ ដោយក៏លោក គាវិន នៅតែបក ស្រាយដដែលៗថា : ដីតំបន់នោះជាច្រកអន្តរជាតិ វាជាតំបន់ សេដ្ឋកិច្ច វាមានភ្ញៀវទេសចរចេញ-ចូល វាមានទាំងទំនិញចេញ-ចូល ដូច្នេះវាត្រូវតែមាន សេវាគ្រប់ប្រភេទ វាអត់មានអី ខុសច្បាប់ទេ? គេមកអភិវឌ្ឍន៍ ខេត្តយើងនេះ យើងទទួលអបសាទរ គេ បំរើសេវា ហេដ្ឋារចនាសម្ព័ន្ធអោយគេទៅ ។
ចំពោះលោក ផួង លីណា ប្រធានមន្ទីរបរិស្ថានខេត្តឧត្តរមានជ័យ បានផ្តល់បទសំភាសន៍ខ្លី តាមទូរស័ព្ទ ដោយលោកបានបញ្ជាក់ថា : ខាងលោកទើបតែទទួលបានព័ត៌មានដូចសារព័ត៌ មានខ្លះបានផ្សាយចឹងដែរថា : ដីតំបន់ភ្នំដងរែក ក្នុងស្រុកអន្លុងវែង ឥលូវមានប្លង់កម្មសិទ្ធិ ប៉ុន្តែលោកបានបញ្ជូនមន្ត្រីរបស់មន្ទីរ បរិស្ថានខេត្តឧត្តរមានជ័យអោយចុះទៅពិនិត្យមើលទីតាំងជាក់ ស្តែង ហើយធ្វើរបាយការណ៍មកមន្ទីរ នៅពេលទទួលបានរបាយ ការណ៍ លោកនឹងផ្តល់ព័ត៌មានជូនជាបន្តទៀត ។ ដោយ ឡែកលោក ធឿន មេឃុំត្រពាំងប្រិយ៍ បានប្រាប់តាមទូរស័ព្ទថា : ទីតាំងដីនោះ អតីតជាកន្លែងកងទ័ព តែរាល់ថ្ងៃគេបាននឹងកំពុងឈូសឆាយ កាយថ្មភ្នំធ្វើសំណង់អគារ តែមិនដឹងជាគេធ្វើ បានប៉ុន្មានភាគរយហើយទេ ព្រោះមើលពីឆ្ងាយមិនឃើញទេ ហើយក៏មិនដឹងជាខាងក្រុមហ៊ុនណាដែរ មានតែថ្នាក់ដឹកនាំខាង លើៗ ដូចជាថ្នាក់ខេត្តទើបដឹងច្បាស់? ។
លោក ងួន ភារិទ្ធ អភិបាលស្រុកអន្លង់វែង មិន អាចសុំការបំភ្លឺបានទេ ព្រោះ ទូរស័ព្ទប្រព័ន្ធ 097 96 19 333 របស់លោកអភិបាលស្រុកអន្លុងវែងឆ្លើយតបប្រាប់ថា : មិនអាចទាក់ទងបានទេនៅពេលនេះ ។ដោយឡែកលោក អ៊ុន សុភក្រ អ្នកនាំពាក្យសាលាខេត្ត និងជាអភិបាលរងខេត្តឧត្តរមានជ័យ នៅព្រឹកថ្ងៃទី ១៧ ខែមករាឆ្នាំ ២០២៥ នៅពេលនិពន្ធនាយកគេហទំព័រ មាតុភូមិ ទូរស័ព្ទ ស្នើ សុំការបកស្រាយបំភ្លឺ បញ្ជាក់ អំពីករណីតើហេតុអីឈ្មួញអាចធ្វើការសាងសង់អគារនៅលើដីភ្នំដងរែក ក្នុងស្រុកអន្លុងវែងបាន?។ លោកទទួលទូរស័ព្ទ តែលោកពុំបានបកស្រាយបំភ្លឺទេដោយ លោកប្រាប់ថា:កំពុងជាប់រវល់មិនមានពេលឆ្លើយតបទេ ចាំលោកទំនេរ លោកនឹងទូរស័ព្ទឆ្លើយតបប្រាប់ រួចក៏ចុចបិទទូរស័ព្ទទៅ? ។
ចំណែកឯ នៅក្រសួងរៀបចំដែនដី នគររូបនីយកម្ម និងសំណង់ អង្គភាពគេហទំព័រ មាតុភូមិ បានព្យាយាមធ្វើការ ទំនាក់ទំនងតាមប្រព័ន្ធទូរស័ព្ទ និងតាមតេឡេក្រាម ផ្ទាល់ដៃរបស់ឯកឧត្តមឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយ កម្ម និងសំណង់ដើម្បីសុំការបំភ្លឺ ពីអ្នកនាំពាក្យរបស់ក្រសួងនេះ ឃើញមានសញ្ញាគ្រីស២ព៌ណបៃតងក្នុងតេឡេក្រាម ដែលគេសម្គាល់ថាបានចូលមើល តែពុំឆ្លើយតប ប្រាប់លេខទូរស័ព្ទរបស់អ្នកនាំពាក្យក្រសួងទេ ។ ឯក្រសួងបរិស្ថាន ដែលមានឯកឧត្តម អ៊ាង សុផល្លែត ជា រដ្ឋមន្ត្រីក្រសួងនេះ ក៏យើងពុំ មានលេខទូរស័ព្ទរបស់អ្នកនាំ ពាក្យដែរ ដើម្បីស្នើសុំការបក ស្រាយបំភ្លឺបានទេ ។ ជុំវិញករណីខាងលើនេះ លោកមេធាវី គុជ គន្ថា បានពន្យល់ប្រាប់តាមទូរស័ព្ទថា : ករណីដីព្រៃភ្នំ ដីបឹងបួរ អូរ ដីប្រឡាយ ដីស្ទឹង ដីមាត់ទន្លេ ដីមាត់សមុទ្រ ជាដីទ្រព្យសម្បត្តិរបស់រដ្ឋ ។
ប៉ុន្តែលោកមិនចាំថា : បានចែង ក្នុងមាត្រាទីប៉ុន្មានទេ ព្រោះច្បាប់មានច្រើន មានមាត្រាច្រើន ដូច្នេះសូមពិនិត្យមើលច្បាប់ស្តីពីព្រៃឈើ ។ លោកបន្តថា: ចំពោះ បុគ្គលណាដែលហ៊ានទៅរំលោភ បំពានយកដីភោគ: ទាំងនោះមកធ្វើជាកម្មសិទ្ធិផ្ទាល់ខ្លួន គឺជាការប្រព្រឹត្តខុសច្បាប់ ហើយបើ ជាមន្ត្រី មានសិទ្ធិ មានអំណាច យល់ដឹងពីច្បាប់ បែរជាចេញមុខ ស៊ីញ៉េអនុញ្ញ្ញាតអោយគេសាសង់សំណង់ អគារផ្សេងៗ លើដីភោគ: របស់រដ្ឋ គឺមន្ត្រីអ្នកចុះហត្ថលេខានោះ បានប្រព្រឹត្តខុសច្បាប់ ត្រូវតែ ទទួល ខុសត្រូវចំពោះមុខច្បាប់ ។ លោកមេធាវី គុជ គន្ថា បានបញ្ជាក់ថា: តែប្រសិនបើដីភោគ: ទាំងនោះ ត្រូវបានរដ្ឋ ជាអ្នកកំណត់ និង អនុញ្ញាតអោយយកដីទាំងនោះ ទៅសាងសង់សំណង់អគាររបស់ រដ្ឋ ដូចជា អគារសាលារៀន មន្ទីរ ពេទ្យ អគាររដ្ឋបាលខេត្ត អគារ និងសំណង់ផ្សេងៗទៀត ដូចជា សំណង់ទំនប់ ប្រឡាយ ធារា សាស្ត្រ វារីអគ្គីសនី ... ជាដើម និងការអនុញ្ញាតអោយដីភោគ: គេធ្វើការវិនិយោគ ឬ សម្បទានដីសេដ្ឋកិច្ច គឺមិនខុសច្បាប់ទេ ។
ដូច្នេះចាំមើលៗ!ថា: តើករណី ក្រសួងរៀបចំដែនដីនគររូបនីយកម្ម និង សំណង់ ចេញលិខិតអនុញ្ញាតអោយគេសាង សង់សំណង់អគារចំនួន ១០ អគារ មានកំពស់ ០៣ ជាន់ នៅលើដីភ្នំដងរែក ក្នុងស្រុកអន្លុងវែង ខេត្តឧត្តរមានជ័យនេះ មានគោលការណ៍ ឬការអនុញ្ញាតអោយសាងសង់ ពីប្រមុខរាជ រដ្ឋាភិបាលកម្ពុជា សម្តេចមហាបវរធិបតី ហ៊ុន ម៉ាណែត ដែរឬអត់ ? ។ ការិយាល័យនិពន្ធ គេហទំព័រ មាតុភូមិ រង់ចាំស្វាគមន៍ជានិច្ច ចំពោះការ បក ស្រាយបំភ្លឺព័ត៌មាន ពីគ្រប់ភាគីពាក់ព័ន្ធទាំងអស់ រៀងរាល់ ម៉ោងធ្វើការ តាមរយ : ទូរស័ព្ទលេខ: 012 953 824 / 016 953 222 / 088 55 34 100 តាមច្បាប់ ស្តីពី របបអ្នកសារព័ត៌ មាន ៕ រាយការណ៍ និងសំរួលអត្ថបទព័ត៌មាន ដោយលោក ទឺ ពិទូ និង លោក ស៊ុន សុផល
