លោកពូទីនតឈ្នះឆ្នោតភ្លូកទឹកភ្លូកដីរហូតជិត ៩០% ក្រោយពីកម្ចាត់បេក្ខជនប្រឆាំង!
03-April-2024 / ព័ត៌មានអន្តរជាតិ
រុស្ស៊ី៖ ដំណើរការបោះឆ្នោតរយៈពេល ៣ថ្ងៃក្នុងប្រទេសរុស្ស៊ីបានបញ្ចប់ទៅកាលពីល្ងាចថ្ងៃអាទិត្យ ខណៈគណៈកម្មាធិការរៀបចំការបោះឆ្នោតរុស្ស៊ី ទើបបញ្ចប់ការរាប់សន្លឹកឆ្នោតនៅថ្ងៃចន្ទម្សិលមិញ បង្ហាញពីជ័យជម្នះយ៉ាងច្រើនលើសលប់របស់មេដឹកនាំចាំផ្ទះ លោកប្រធានាធិបតីវ្លាឌឺមៀពុទីន ទៅលើគូប្រជែងរបស់លោកចំនួន ៣រូបផ្សេងទៀតដោយគ្មានមេបក្សប្រឆាំងលោកអាឡិចសីណាវ៉ាលនី ធ្វើឲ្យលោកពូទីនទទួលបានសំឡេងឆ្នោតសរុបរហូតដល់ ៨៧.២៨ % ។
លទ្ធផលឆ្នោតរបស់លោកពុទីននៅពេលនេះ គឺជាភាពជោគជ័យយ៉ាងសម្បើមមិនធ្លាប់មាននៅក្នុងប្រវត្តិសាស្ត្រដឹកនាំរយៈពេលជាង ២០ឆ្នាំរបស់លោក ខណៈពលរដ្ឋរុស្ស៊ីសរុបចំនួន ៧៧% បានចូលរួមបោះឆ្នោត ដោយចំនួននេះ ជាចំនួនមួយដ៏ច្រើនមិនធ្លាប់មានសម្រាប់ប្រទេសរុស្ស៊ី ចាប់តាំងពីក្រោយសម័យសហភាពសូវៀត។ជ័យជម្នះរបស់លោកពុទីនក្នុងពេលនេះដែរ ទទួលបានការស្វាគមន៍ពីបេក្ខភាពប្រកួតលម្អរបស់លោកចំនួន ៣រូបដែលបានឈរឈ្មោះក្នុងការបោះឆ្នោត រួមមាន លោកនីកូឡៃ ខារីតូណូវ (Nikolai Kharitonov) ជាអ្នកនយោបាយកុម្មុយនីស្ត និងលោកលីអូនីដ ស្លាត់ស្គី (Leonid Slutsky) ជាអ្នកនយោបាយសេរីនិយម និងលោក វ្លាឌីស្លាវ ដាវ៉ាន់កូវ (Vladislav Davankov) ជាមេដឹកនាំមកពីគណបក្សប្រជាជនរុស្ស៊ី ។
បេក្ខជន ៣ រូបដែលឈរឈ្មោះនៅលើសន្លឹកឆ្នោតរួមមានលោក Vladislav Davankov ជាអនុប្រធានសភារបស់រុស្ស៊ី និងជាសមាជិកនៃគណៈកម្មាធិការបក្សប្រជាជនថ្មី, លោក Leonid Slutsky មេដឹកនាំគណបក្សប្រជាធិបតេយ្យសេរីនិយម (LDPR) ជាបក្សនៅខាងវិមានក្រឹមឡាំង និងមួយរូបទៀតគឺលោក Nikolai Kharitonov បេក្ខភាពមកពីបក្សកុម្មុយនីស្ត ក៏ធ្លាប់ប្រកួតប្រជែងជាមួយលោក ពូទីន ផងដែរកាលពីឆ្នាំ ២០០៤ ។អ្នកនយោបាយទាំង៣រូបនេះគឺសុទ្ធសឹងតែជាអ្នកគាំទ្រនូវគោលនយោបាយរបស់វិមានក្រឹមឡាំង រួមទាំងភ្លើងសង្គ្រាមនៅអ៊ុយក្រែនផងដែរ ។ លោក ពូទីន ដែលមានវ័យ ៧១ ឆ្នាំបានប្រកាសឈរឈ្មោះជាបេក្ខភាពប្រធានាធិបតីរបស់គណបក្សរួបរួមរុស្ស៊ីកាលពីខែធ្នូ ឆ្នាំ២០២៣ កន្លងទៅ ។
សម្រាប់ពេលខាងមុខលោកពូទីនក៏នឹងមានសិទ្ធិឈរឈ្មោះអាណត្តិបោះឆ្នោតឆ្នាំ ២០៣០ ផងដែរ បន្ទាប់ពីការកែប្រែធម្មនុញ្ញនៃការកំណត់អាណត្តិឈរឈ្មោះបោះឆ្នោតកាលពីឆ្នាំ ២០២០ ។ លោក ពូទីន ដែលជាប់ឆ្នោតជាប្រធានាធិបតីលើកដំបូងកាលពីឆ្នាំ ២០០០ កំពុងក្លាយខ្លួនជាមេដឹកនាំរស្ស៊ីដែលកាន់អំណាចយូរបំផុតផងដែរ ចាប់តាំងមេដឹកនាំផ្តាច់ការសូវៀតលោក ចូសេហ្វ ស្តាលីន ។មេគណបក្សប្រឆាំងរុស្ស៊ីដ៏មានឥទ្ធិពលគឺលោកអាឡិចសីណាវ៉ាលនីត្រូវបានកម្ចាត់ចោលបាត់ហើយមុនពេលការបោះឆ្នោតមកដល់តែប៉ុន្មានសប្តាហ៍។ក្នុងការបោះឆ្នោតកាលពីអាណត្តិមុនបានបង្ហាញថា បេក្ខជនទាំង ៣ រូបនេះហាក់ដូចជាមិនអាចតដៃជាមួយនឹងលោក ពូទីន បានឡើយ ជាក់ស្ដែងការបោះឆ្នោតកាលពីឆ្នាំ ២០១៨ គណបក្សកុម្មុយនីស្តបានត្រឹមតែកំដររោងប៉ុណ្ណោះ ពោលទទួលបានសំឡេង ១១.៨ ភាគរយ ធៀបនឹងសំឡេងគាំទ្រ ៧៦.៧ ភាគរយរបស់លោក ពូទីន ។
នៅក្នុងការអបអរអំពីជ័យជម្នះរបស់លោកទៅកាន់ពលរដ្ឋរុស្ស៊ី លោកពុទីនបានសង្កត់ធ្ងន់អំពីភាពចាំបាច់ក្នុងការបង្រួបបង្រួមប្រជាជាតិរុស្ស៊ីដើម្បីកិច្ចការពារប្រទេស និងការអភិវឌ្ឍន៍បច្ចេកវិទ្យា រួមទាំងកសាងប្រព័ន្ធហិរញ្ញវត្ថុដោយឯករាជ្យឡើងវិញ ដើម្បីជៀសផុតពីការប្រើប្រាស់ឥទ្ធិពលទណ្ឌកម្មរបស់ក្រុមប្រទេសលោកខាងលិច។ បន្ថែមពីនេះ លោកក៏បានបង្ហើបអំពីផែនការកែប្រែប្រព័ន្ធពន្ធលើប្រាក់ចំណូលរបស់ពលរដ្ឋ ដែលបច្ចុប្បន្នមានអត្រាចំនួន ១៣% និងបានកើតឡើងដំបូងតាំងតែពីឆ្នាំ ២០០១ ។គណៈកម្មាធិការរៀបចំការបោះឆ្នោតរុស្ស៊ី (CEC) បានឲ្យដឹងថា គ្រប់ពលរដ្ឋរុស្ស៊ីដែលមានអាយុចាប់ពី ១៨ ឆ្នាំឡើងទៅដែលមិនមានទោសទណ្ឌជាប់ពន្ធនាគារ គឺអាចអញ្ជើញទៅបោះឆ្នោតបាននៅតាមការិយាល័យបោះឆ្នោតប្រមាណ ៩៦,០០០ កន្លែង ចាប់ពីម៉ោង ៨ ព្រឹកតទៅ ខណៈឆ្នាំ ២០២៤ នេះមានអ្នកមានសិទ្ធិបោះឆ្នោតសរុបចំនួន ១១២.៣ លាននាក់ បូកទាំងនៅក្នុងទឹកដីរុស្ស៊ី និងនៅតំបន់អ៊ុយក្រែនដែលក្ដោបក្ដាប់ដោយរុស្ស៊ី ខណៈ ១.៩ លាននាក់ផ្សេងទៀតគឺជាអ្នកបោះឆ្នោតនៅក្រៅប្រទេស ។
ពាក់ព័ន្ធនឹងការបោះឆ្នោតក្នុងតំបន់អ៊ុយក្រែនដែលរុស្ស៊ីកំពុងក្ដោបក្ដាប់នោះ គឺនឹងប្រព្រឹត្តទៅនៅតំបន់ចំនួន ៤ ដូចជាតំបន់ Donetsk, Luhansk, Zaporizhzhia និង Kherson ដែលសុទ្ធសឹងតែត្រូវបានរុស្ស៊ីដាក់បញ្ចូលជាទឹកដីរបស់ខ្លួន បន្ទាប់ពីសង្គ្រាមលុកលុយពេញទីក្នុងឆ្នាំ ២០២២ កន្លងទៅ ខណៈពេលនេះតំបន់ទាំងនោះបានបោះឆ្នោតជាបណ្ដើរៗហើយ ពោលចាប់តាំងសប្ដាហ៍មុនមកម្ល៉េះ ។ចំណែកការបោះឆ្នោតជ្រើសរើសប្រធានាធិបតីរុស្ស៊ីនៅក្រៅប្រទេសនឹងប្រព្រឹត្តទៅក្នុងការិយាល័យបោះឆ្នោតចំនួន ២៨៨ ក្នុង ១៤៤ ប្រទេស ។ ទន្ទឹមនោះ នេះក៏ជាការបោះឆ្នោតជ្រើសរើសប្រធានាធិបតីលើកដំបូងផងដែរ ដែលរុស្ស៊ីដាក់ឲ្យមានការបោះឆ្នោតតាមអនឡាញ ខណៈជម្រើសនេះនឹងមាននៅក្នុងតំបន់ចំនួន ២៧ របស់រុស្ស៊ី និងនៅតំបន់គ្រីមៀផងដែរ ដែលរដ្ឋាភិបាលទីក្រុងមូស្គូបានដាក់បញ្ចូលដោយឯកតោភាគីកាលពី ១០ ឆ្នាំមុន ។
យោងតាមគណៈកម្មាធិការរៀបចំការបោះឆ្នោតរុស្ស៊ី (CEC) បានឲ្យដឹងថា គ្រប់ពលរដ្ឋរុស្ស៊ីដែលមានអាយុចាប់ពី ១៨ ឆ្នាំឡើងទៅដែលមិនមានទោសទណ្ឌជាប់ពន្ធនាគារ គឺអាចអញ្ជើញទៅបោះឆ្នោតបាននៅតាមការិយាល័យបោះឆ្នោតប្រមាណ ៩៦,០០០ កន្លែង ចាប់ពីម៉ោង ៨ ព្រឹកតទៅ ខណៈឆ្នាំ ២០២៤ នេះមានអ្នកមានសិទ្ធិបោះឆ្នោតសរុបចំនួន ១១២.៣ លាននាក់ បូកទាំងនៅក្នុងទឹកដីរុស្ស៊ី និងនៅតំបន់អ៊ុយក្រែនដែលក្ដោបក្ដាប់ដោយរុស្ស៊ី ខណៈ ១.៩ លាននាក់ផ្សេងទៀតគឺជាអ្នកបោះឆ្នោតនៅក្រៅប្រទេស ។
ពាក់ព័ន្ធនឹងការបោះឆ្នោតក្នុងតំបន់អ៊ុយក្រែនដែលរុស្ស៊ីកំពុងក្ដោបក្ដាប់នោះ គឺនឹងប្រព្រឹត្តទៅនៅតំបន់ចំនួន ៤ ដូចជាតំបន់ Donetsk, Luhansk, Zaporizhzhia និង Kherson ដែលសុទ្ធសឹងតែត្រូវបានរុស្ស៊ីដាក់បញ្ចូលជាទឹកដីរបស់ខ្លួន បន្ទាប់ពីសង្គ្រាមលុកលុយពេញទីក្នុងឆ្នាំ ២០២២ កន្លងទៅ ខណៈពេលនេះតំបន់ទាំងនោះបានបោះឆ្នោតជាបណ្ដើរៗហើយ ពោលចាប់តាំងសប្ដាហ៍មុនមកម្ល៉េះ ។
ចំណែកការបោះឆ្នោតជ្រើសរើសប្រធានាធិបតីរុស្ស៊ីនៅក្រៅប្រទេសនឹងប្រព្រឹត្តទៅក្នុងការិយាល័យបោះឆ្នោតចំនួន ២៨៨ ក្នុង ១៤៤ ប្រទេស ។ ទន្ទឹមនោះ នេះក៏ជាការបោះឆ្នោតជ្រើសរើសប្រធានាធិបតីលើកដំបូងផងដែរ ដែលរុស្ស៊ីដាក់ឲ្យមានការបោះឆ្នោតតាមអនឡាញ ខណៈជម្រើសនេះនឹងមាននៅក្នុងតំបន់ចំនួន ២៧ របស់រុស្ស៊ី និងនៅតំបន់គ្រីមៀផងដែរ ដែលរដ្ឋាភិបាលទីក្រុងមូស្គូបានដាក់បញ្ចូលដោយឯកតោភាគីកាលពី ១០ ឆ្នាំមុន ។
