អាមេរិកចាត់ទុកដំណើរទស្សនៈកិច្ចនាយករដ្ឋមន្ត្រីឥណ្ឌាថាមានសារៈសំខាន់
03-April-2024 / ព័ត៌មានអន្តរជាតិ
សហរដ្ឋអាម៉េរិក៖បន្ទាប់ពីរីះគន់លោកស៊ីជីងពីងប្រធានាធិបតីចិនថាជនផ្តាច់ការកាលពីថ្ងៃទី១៩មិថុនា ប្រធានាធិបតីអាម៉េរិក លោកចូបៃដិន និងភរិយា បានទទួលស្វាគមន៍នាយករដ្ឋមន្ត្រីឥណ្ឌា លោក ណារិនដ្រាមូឌី(Narendra Modi) នៅឯសេតវិមាន កាលពីថ្ងៃពុធទី២១មិថុនា ក្នុងដំណើរទស្សនកិច្ចលើកទីប្រាំរបស់លោកមូឌី( Modi )មកកាន់ទឹកដីសហរដ្ឋអាម៉េរិកក្នុងនាមជាមេដឹកនាំឥណ្ឌាគិតចាប់តាំងពីឆ្នាំ ២០១៤ ។ មន្ត្រីជាន់ខ្ពស់របស់សេតវិមានចាត់ទុកថា "ជាដំណើរទស្សនកិច្ចដ៏សំខាន់ បើទោះបីប្រទេសនេះមានទំនាក់ទំនងជិតស្និតជាមួយប្រទេសរុស្ស៊ីដោយដោយមិនរិះគន់ការឈ្លានពានអ៊ុយក្រែននិងមិននិយាយការពារតៃវ៉ាន់ក៏ដោយ។
ប្រជាពលរដ្ឋក្នុងរដ្ឋធានីប៉េកាំង បានប្រតិកម្មថា ការអត្ថាធិប្បាយរបស់ប្រធានាធិបតីអាម៉េរិក លោកចូបៃដិន (Joe Biden) មកលើសមភាគីចិន គឺលោកស៊ីជីនពីង (Xi Jinping) ថាជា "ជនផ្តាច់ការ" បានក្លាយជាកញ្ចក់ឆ្លុះបញ្ចាំងពីភាពក្រអឺតក្រទមរបស់សហរដ្ឋអាម៉េរិកខ្លួនឯងវិញតែម្តង ។អ្នកស្រុកម្នាក់មាននាមត្រកូលមិន (Men) បានលើកឡើងដោយសំដៅទៅលើសហរដ្ឋអាម៉េរិកថា "ពួកគេ តែងតែមានអារម្មណ៍ថាខ្លួនគេអស្ចារ្យ" ពួកគេ ប្រហែលជាមានអារម្មណ៍ថា 'ខ្លួនគេអស្ចារ្យ និងមានអំណាច។អ្នកស្រុកម្នាក់ទៀតមាននាមត្រកូលចិន (Chen) បានបញ្ចេញមតិថា សហរដ្ឋអាម៉េរិកជាប្រទេស "មានបទដ្ឋានពីរ"។ នាងបានបន្ថែមថា ពួកគេធ្វើវា សម្រាប់តែការប្រមូល ឬទាក់ទាញសម្លេងឆ្នោត នៅពេលបោះឆ្នោតជាតិតែប៉ុណ្ណោះ "។ ក្រសួងការបរទេសចិន បានឆ្លើយតបទៅកាន់មេដឹកនាំអាម៉េរិកវិញថា ការលើកឡើងរបស់លោកបៃដិន (Biden) គឺ "មិនសមហេតុផលជាទីបំផុត" ហើយ "គ្មានទំនួលខុសត្រូវ" និងបង្កហេតុជាខ្លាំង ។
ការអត្ថាធិប្បាយរបស់ប្រមុខដឹកនាំសហរដ្ឋអាម៉េរិកលោកបៃដិន(Biden)លើមេដឹកនាំចិន បានធ្វើឡើងមួយថ្ងៃបន្ទាប់ពីដំណើរទស្សនកិច្ចរបស់រដ្ឋមន្ត្រីការបរទេសសហរដ្ឋអាម៉េរិក លោកអាន់តូនី ប្លីងឃីន (Antony Blinken) នៅក្នុងរដ្ឋធានីប៉េកាំង ដើម្បីពង្រឹងទំនាក់ទំនងរវាងប្រជាជាតិទាំងពីរ (សហរដ្ឋអាម៉េរិក និងចិន)តែមិនទទួលបានលទ្ធផលល្អដូចការរពឹងទុកកាលពីថ្ងៃទី១៩មិថុនា ។ដោយឡែកសម្រាប់ប្រទេសឥណ្ឌាដែលមិនអារិះភាពជាមួយចិននិងមានទំនាក់ទំនងជិតស្និតជាមួយរុស្ស៊ីតែដោយសារប្រទេសនេះឈរចំទីតាំងល្អត្រូវបានអាមេរិកផ្តល់សារៈសំខាន់ឲ្យចូលរួមក្នុងសម្ពន្ធ័ភាពយោធាមួយហៅថា(អាមេរិកអូស្ត្រាលីនិងឥណ្ឌា)។
កាលពីដើមខែមិថុនារដ្ឋមន្ត្រីការពារជាតិឥណ្ឌាលោក Rajnath Singh បានបង្ហោះសារលើ Twitter ថា ការពិភាក្សាជាមួយរដ្ឋមន្ត្រីការពារជាតិសហរដ្ឋអាមេរិកលោក Lloyd Austin រួមមានការបញ្ចូលគ្នានូវផលប្រយោជន៍ជាយុទ្ធសាស្ត្រ និងលើកកម្ពស់កិច្ចសហប្រតិបត្តិការសន្តិសុខផងដែរ។ លោក Singh បានសសេរ សារបង្ហោះថា៖ «ភាពជាដៃគូរវាងឥណ្ឌានិងអាមេរិក មានសារៈសំខាន់ ដើម្បីធានាឱ្យតំបន់ឥណ្ឌូប៉ាស៊ីហ្វិកមួយមានការគ្រប់គ្រងទៅតាមច្បាប់ សេរីនិងការបើកចំហ។ យើងទន្ទឹងរង់ចាំធ្វើការយ៉ាងជិតស្និទ្ធជាមួយសហរដ្ឋអាមេរិក លើគ្រប់វិស័យទាំងអស់ ដើម្បីបង្កើតសមត្ថភាពនិងពង្រឹងភាពជាដៃគូយុទ្ធសាស្ត្ររបស់យើងបន្ថែមទៀត»។
ដោយបង្កើតបាននូវបរិយាកាសការទូតល្អជាមួយអាមេរិកប៉ុន្មានឆ្នាំចុងក្រោយនេះអ្នកវិនិយោគនិងក្រុមហ៊ុនធំៗនៅលើពិភពលោក មានជាអាទិ៍ក្រុមហ៊ុនបច្ចេកវិទ្យាយក្សGoogle និងApple។ ក្រុមហ៊ុនជាច្រើនក៏នាំគ្នា ជ្រើសរើសទៅតាំងទីដាក់វត្តមាននៅឥណ្ឌាដែរ តាំងពីផ្ទុះវិបត្តិកូវីដមក ព្រោះមើលឃើញទីផ្សារដ៏ធំរបស់ប្រទេសផង និងចង់កាត់បន្ថយភាពរំពឹងលើចិនផង។ ជាក់ស្តែងគ្រាន់តែទៅដល់ទីក្រុងញូវយ៉ក ក្នុងក្របខ័ណ្ឌនៃការបំពេញទស្សនកិច្ចផ្លូវរដ្ឋនៅសហរដ្ឋអាមេរិក លោកនាយករដ្ឋមន្ត្រីម៉ូឌី បានចូលរួមក្នុងកម្មវិធីជំនួបប្រជុំដ៏ធំ ជាមួយលោកអេឡិន មឺស ភ្លាម។ លោកនាយករដ្ឋមន្ត្រីឥណ្ឌា បានជំរុញឱ្យមានវិនិយោគដ៏សំខាន់មួយនៅឥណ្ឌា។ មហាសេដ្ឋី មឺស ដែលតាំងខ្លួនជាអ្នកចូលចិត្តលោកម៉ូឌី ក៏បានបង្ហាញឆន្ទៈចង់ទៅវិនិយោគនៅឥណ្ឌាដែរ ដោយគ្រាន់តែរង់ចាំរកឱកាសល្អតែប៉ុណ្ណោះ។ប៉ុន្តែម្ចាស់ក្រុមហ៊ុនទ្វីតទ័រ ត្រូវប្រឈមនឹង សកម្មជនការពារសេរីភាពនៃការបញ្ចេញមតិ ដោយសុខចិត្តលុបតាមសំណើរដ្ឋាភិបាលឥណ្ឌា នូវរាល់ការបង្ហោះសាររិះគន់។
ក្រុមអ្នករិះគន់បានចោទរដ្ឋាភិបាលលោកម៉ូឌី ថានាំឥណ្ឌាឱ្យធ្លាក់ដើរថយក្រោយក្នុងផ្នែកប្រជាធិបតេយ្យ ដោយកំរិតសេរីភាពនៃការបញ្ចេញមតិ និងដោយមិនអាចគ្រប់គ្រងការវាយប្រហារលើអ្នកសារព័ត៌មាននិងជនជាតិភាគតិចឱ្យបានត្រឹមត្រូវ។ កាលពីសប្តាហ៍មុន លោក ជេក ដ័រសី Jack Dorsey ស្ថាបនិកនិងជាអតីតអគ្គនាយកក្រុមហ៊ុនTwitter បានប្រកាសថាបណ្តាញសង្គមបានរងសម្ពាធយ៉ាងខ្លាំងពីសំណាក់អាជ្ញាធរឥណ្ឌាកំពុងកាន់អំណាច។ រដ្ឋមន្ត្រីក្រសួងបច្ចេកវិទ្យាព័ត៌មាន បានឆ្លើយតបវិញដោយចោទទ្វីតទ័រថារំលោភច្បាប់មូលដ្ឋានដដែលញយដងណាស់។
រដ្ឋបាលរបស់លោកប្រធានាធិបតីបៃដិន កំពុងតែស្ថិតនៅក្រោមសម្ពាធពីក្រុមអ្នកនយោបាយរបស់លោក ដែលចង់ឱ្យលោកយកបញ្ហាសិទ្ធិមនុស្សមកពិភាក្សាជាមួយនាយករដ្ឋមន្ត្រីឥណ្ឌា ខណៈមានការព្រួយបារម្ភជាខ្លាំងអំពីការធ្លាក់ចុះនៃលទ្ធិប្រជាធិបតេយ្យនៅក្នុងប្រទេសមួយនេះ ក្រោមការដឹកនាំរបស់គណបក្សជាតិនិយមហិណ្ឌូដែលមានទំនោរប្រកាន់រើសអើងក្រុមពលរដ្ឋម៉ូស្លីមនិងគ្រិស្តសាសនា បន្ទាប់ពីកើតមានកំណើនករណីអំពើហិង្សារើងអើងពូជសាសន៍នៅក្នុងតំបន់ Manipur នៅឯរដ្ឋភាគឦសានប្រទេសឥណ្ឌា .។
លើទំនាក់ទំនងជាមួយរុស្ស៊ីវិញក្រៅពីការទិញអាវុធនិងគេចពីការិះគន់រុស្ស៊ីដែលចូលឈ្លានពានអ៊ុយក្រែនការនាំចូលប្រេងរបស់ប្រទេសឥណ្ឌាពីប្រទេសរុស្ស៊ីបានឈានដល់កម្រិតខ្ពស់បំផុតគឺប្រហែល 1.95 លានបារ៉ែល (bpd) នៅក្នុងខែឧសភា ខណៈដែលការទិញពីអ៊ីរ៉ាក់និងអារ៉ាប៊ីសាអ៊ូឌីតបានធ្លាក់ចុះ។ប្រទេសឥណ្ឌាដែលជាអ្នកប្រើប្រាស់និងនាំចូលប្រេងធំជាងគេទីបីរបស់ពិភពលោកបានទិញប្រេងជាង 80% របស់ខ្លួននៅក្នុងទីផ្សារបរទេស។ រោងចក្រចម្រាញ់ប្រេងរបស់ខ្លួនបានប្រើប្រាស់ប្រេងរុស្ស៊ីច្រើនពេក ចាប់តាំងពីលោកខាងលិចបានដាក់ទណ្ឌកម្មលើទីក្រុងមូស្គូជុំវិញសង្គ្រាមនៅអ៊ុយក្រែន។ប្រេងរុស្ស៊ីមានចំនួនប្រហែល 40% នៃការនាំចូលប្រេងឆៅរបស់ឥណ្ឌាក្នុងខែឧសភា ឆ្នាំ 2023 ដោយកាត់បន្ថយការនាំចូលពីប្រទេសអុីរ៉ាក់មកនៅកម្រិតទាបក្នុងរយៈពេល 3 ឆ្នាំ និងពីអារ៉ាប៊ីសាអ៊ូឌីតដល់កម្រិតទាបបំផុតចាប់តាំងពីខែកញ្ញា ឆ្នាំ 2021។
ទិន្នន័យបានបង្ហាញថាការនាំចូលប្រេងសរុបរបស់ឥណ្ឌាក្នុងខែឧសភាបានកើនឡើងបន្តិចពីខែមេសាដល់ 4.8 លានបារ៉ែលក្នុងមួយម៉ោង។ ការនាំចូលពីរុស្ស៊ីត្រូវបានគេរំពឹងថានឹងនៅតែមានតម្លៃខ្ពស់ ខណៈតម្លៃប្រេងដែលនាំចូលពីរុស្ស៊ីនៅតែទាបជាងតម្លៃប្រេងនៅមជ្ឈិមបូព៌ា។ជាលទ្ធផលនៃការកើនឡើងនៃការទិញប្រេងបញ្ចុះតម្លៃរបស់រុស្ស៊ី ចំណែកនៃការនាំចូលពីមជ្ឈិមបូព៌ា ដែលជាប្រភពផ្គត់ផ្គង់ចម្បងរបស់ឥណ្ឌាបានធ្លាក់ចុះដល់កម្រិតទាបបំផុតប្រហែល 39% នៅក្នុងខែឧសភា ពីកម្រិតទាបគ្រប់ពេលវេលាប្រហែល 39 % នៅក្នុងខែឧសភា។ប្រទេសឥណ្ឌាក៏ជាសមាជិកស្ថាបន័ប្រ៊ីស(BREAS)ដែលមានប្រទេសចិនរុស្ស៊ីប្រេស៊ីលអាហ្រ្វិកខាងត្បូងនិងឥណ្ឌាសម្រាបប្រឆាំងដុល្លារនិងអឺរ៉ូផងដែរ។ប្រភព៖ Reuters, AFP
