មេពេទ្យសត្វ ខេត្តកំពង់ឆ្នាំង បានឃាត់រថយន្តយីឌុបធុនយក្សចំនួន២គ្រឿងដឹកសត្វមាន់ជម្រុះពី ប្រទេសថៃយកមករក្សាទុកនៅមន្ទីរកសិកម្មកខេត្ត !! សង្ស័យចរចាតម្លៃមិនត្រូវ
17-December-2025 / ព័ត៌មានជាតិ
(កំពង់ឆ្នាំង)៖ រថយន្តយីឌុបខ្នាតយក្យធំៗចំនួន២គ្រឿងដឹកសត្វមាន់មកពីប្រទេសថៃ តាមផ្លូវជាតិលេខ៥ ត្រូវកម្លាំងជំនាញការិយាល័យផលិតកម្មបសុព្យាបាលខេត្តស្ទាក់ចាប់យកមករក្សាទុកនៅមន្ទីរកសិកម្មខេត្តដែលគេសង្ស័យថាមកពីចរចាតម្លៃមិនត្រូវគ្នាព្រោះឡានយក្សចឹងៗមិនមែនដឹកតែម្តងហ្នឹងណា។
នៅព្រឹកថ្ងៃទី២៨ ខែកញ្ញាឆ្នាំ២០១៨មាន ប្រជាពលរដ្ឋខ្លះបានលួចខ្សឹប អោយដឹងថា៖ «កន្លងមក រថយន្តដឹកសត្វមាន់ ទារ ជ្រូក តាមផ្លូវជាតិលេខប្រាំមាន សឹងតែរាល់ថ្ងៃតែ មិនដែលឃើញមានសមត្ថកិច្ចជំនាញ (ពេទ្យសត្វ)ឬប៉ូលីសសេដ្ឋកិច្ចឬប៉េអឹម ដែលមានស្នាក់រាយបណ្កាក់គ្នាដូចខ្យងតាមដងផ្លូវជាតិលេខ៥ឃាត់ឬចាប់បានម្ដងណាឡើយ ព្រោះគេបានសង្កេតឃើញថាមានអ្នករត់ការ ម្នាក់មាឌធំ សម្បុខ្មៅ ជិះរថយន្តម៉ាក ហាយលិនឌើ ពណ៍សរ មិនចាំស្លាកលេខ បានបើកបរតាមដងផ្លូវជាតិលេខប្រាំហើយពេលខ្លះបាននិយាយទូរស័ព្ទ ឮៗថា៖ ,បងឯងចាំយកលេខកូតតាមវិងទៅ ដាក់អោយដូចរាល់ដងហ្នឹង , ហៅហើយក៏ជិះរថយន្តទៅបាត់។តែ នៅថ្ងៃទី២៨ ខែកញ្ញា ឆ្នាំ២០១៨គេ បាត់មិនឃើញបុរស់ម្នាក់ដែលជិះរថយន្ត ម៉ាក ហាយលិនឌើ រូបនោះមកទៀតបែជាឃើញមានកម្លាំងជំនាញ ពេទ្យសត្វឃាត់រថយន្ត ដឹកសត្វមាន់ពីរគ្រឿងខាងលើ យកទៅខេត្តវិញតែម្តង»។
តៃកុងរថយន្តដឹកសត្វមាន់ បានប្រាប ថា៖ «ពួកគាត់បានបើករថយន្តដឹកសត្វមាន់ចេញពីចំណុចបឹងឆ្នាំងស្រុកកំរៀង ខេត្តបាត់ដំបងធ្វើដំណើរតាមដងផ្លូវជាតិលេខប្រាំរហូតមក ស្រាបតែមកដល់ស្រុកកំពង់ត្រឡាច ខេត្តកំពង់ឆ្នាំង ក៏ត្រូវកម្លាំងរបស់ការិយាល័យផលិតកម្មបសុព្យាបាល(ពេទ្យសត្វខេត្តកំពង់ឆ្នាំង) ឃាត់ចាប់នាំយកមករក្សាទុក្ខនៅមន្ទីរកសិកម្ម រុក្ខាប្រម៉ាញ់និងនេសាទខេត្ត ដើម្បីត្រួតពិនិត្យ។ ពួកគាត់អ្នកបើកបររថយន្តអត់ដឹងថា៖ ថៅកែគេដោះស្រាយយ៉ាងណានោះទេ ពួកគាត់ដឹងតែយកទឹកស្រោចលើសត្វមានទាំងនោះខ្លាចវាងាប់អស់ព្រោះគេឃាត់តាំងពីម៉ោង៩ព្រឹកមកម្លេះ»។
-សូមបញ្ចាក់ថា៖រហូតមកដល់ម៉ោង៥នឹង២០នាទីថ្ងៃទី២៨ ខែកញ្ញា ឆ្នាំ២០១៨ ដ៏ដែលនោះរថយន្តដឹកសត្វមាន់ទាំងពីគ្រឿងខាងលើនៅកន្លែងដដែលមិនទាន់អនុញ្ញាតិអោយចេញទៅបានឡើយទោះមានអាចម៌មានស្អុយពេញបរិវេណមន្ទីរកសិកម្មនិងមាន សត្វមាន់ ងាប់ខ្លះហើយកដោយរ។
ទោះជាយ៉ាងណាគេបានឃើញមាន បុរស់ម្នាក់មាឌធំ សម្បុរខ្មៅជិះ រថយន្ត ម៉ាក ហាយលិនឌើពណ៍សរ បើកចុះឡើងជាថ្មីសង្ស័យអ្នករត់ការដោះរថយន្តពីគ្រឿងនេះ ។
លោក ហ៊ុនលីអនុប្រធាប្រធានការិយាល័យផលិតកម្មបសុព្យាបាលទទួបន្ទុកត្រួតពិនិត្យផលអនុផលពីសត្វ ពេលអ្នកសារព័ត៌មានទូរស័ព្ទចូលដើម្បីសុំបទសម្ភាសន៍លោកឆ្លើយថារវល់។
គួររម្លឹកថាកាលពីថ្ងៃទី២៦ខែកញ្ញាឆ្នាំ២០១៨កន្លងទៅ កម្លាំងជំនាញពេទ្យសត្វខេត្តកំពង់ឆ្នាំងក៏បានចាប់រថយន្តយីឌុបដឹកសត្វមាន់មួយគ្រឿងផងដែរនៅចំណុចដំរីសប៉ុន្តែមិនបានប៉ន្មានម៉ោងទេក៏ត្រូវដោះលែងវិញបាត់ជាថ្នូរនិងទឹប្រាក់ព័យជាច្រើលានរៀលផងដែរ។
សរុបត្រួសៗទៅគ្រាន់តែនៅក្នុងមួយខែកញ្ញា/ឆ្នាំ២០១៨ នេះមន្ទីរកសិកម្មខេត្តកំពង់ឆ្នាំងបានធ្វើការដោះលែងរថយន្តយីឌុបដឹកបទល្មើសទាំងដឹកសត្វមាន់ ទាំងដឹងអុស អស់ចំនួន៥គ្រឿងហើយក្នុងនោះមានរថយន្តយីឌុបដឹកសត្វមាន់ចំនួន៣គ្រឿង និងរថយន្តយីឌុបដឹកអុសស្ទ៊ែរដែលកម្លាំងកងរាជអាវុធហត្ថខេត្តចាប់បញ្ជូនអោយជំនាញរដ្ឋបាលព្រៃឈើចំនួន២គ្រឿងផងដែរដោយសង្ស័យលួចបង្កប់ឈើប្រណិត(អុសពីលើឈើពីក្រោម) ។
ចំពោះរថយន្តយីឌុបដឹកអុសស្ទ៊ែ២គ្រឿងដែលកងរាជអាវុធហត្ថចាប់បញ្ជូនអោយនោះគឺបានដោះលែងបាត់ហើយ។
ការពិន័យចំពោះរថយន្តយីឌុបដឹកមាន់វិញក៏មិនខុសប្លែកគ្នាប៉ុន្មាននោះដែល។នេះបើយោងតាមកាសែតក្នុងស្រុកដែលបានធ្វើការចុះផ្សាយចំពោះការពិន័យលើកាដោះលែងរថយន្តដឹកមាន់១គ្រឿងដែលឃាត់ចាប់បាននៅដំរីដកាលពីថ្ងៃទី២៦ ខែកញ្ញាកន្លងទៅម្ចាស់រថយន្តត្រូវតម្លល់លុយពិន័យដល់ទៅជាង១៥លានរៀលឯនោះមិនដឹងថាលុយដ៏ច្រើនសន្ធឹកសន្ធាប់នេះបានហូរចូលទៅក្នុកញ្ចប់ថវិការដែឬអត់នោះទេ៕
