ដកតំណែង និងបន្ថយឋានន្តរស័ក្តិប៉ូលិសខេត្តស្ទឹងត្រែង ៦រូប ក្នុងនោះមានសកមងការរងមួយរូបទាក់ទងការឃុបឃឹតជនបរទេសចូលស្រុក!
19-January-2026 / ព័ត៌មានជាតិ
ខេត្តស្ទឹងត្រែង ៖ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានចេញប្រកាសសម្រេចដកហូតមុខតំណែង នគរបាលបាលខេត្តស្ទឹងត្រែង ចំនួន៦រូប ក្នុងនោះមានម្នាក់ថ្នាក់ឧត្តមសេនីយ៍ត្រី (ផ្កាយ១) មានតួនាទីជាស្នងការរងទទួលការងសរព្រុំដែនដោយផ្អែកលើមូលហេតុ លើសបទវិន័យនគរបាលជាតិកម្មជាតិ ។
យោងតាមប្រកាសស្តីពីការអនុវត្តទណ្ឌកម្មខាងវិន័យចំពោះមន្ត្រីនគរបាលជាតិ ចេញកាលពីថ្ងៃទី១២ ខែមករា ឆ្នាំ២០២៦ ត្រូវបានអនុវត្តទណ្ឌកម្មខាងវិន័យចំពោះ ឧត្តមសេនីយ៍ត្រី ចាន់ សុផា អត្តលេខ ០២០៤៦ តាមរូបភាពដកហូតមុខតំណែង ពីស្នងការរង ទទួលការងារព្រំដែន នៃស្នងការដ្ឋាននគរបាលខេត្តស្ទឹងត្រែង ចំណុះអគ្គស្នងការដ្ឋាននគរបាលជាតិ ឱ្យមកជាមន្ត្រី ដោយមូលហេតុ ល្មើសបទវិន័យនគរបាលជាតិ ។
ផ្អាកការងាបណ្តោះអាសន្នរវរសេនីយ៍ទោ ចាន់ សុធា អត្តលេខ ៥៦៩៤៥ មេបញ្ជាការរង វរសេនាតូចនគរបាលការពារព្រំដែនគោកលេខ៧០១ នៃស្នងការដ្ឋាននគរបាលខេត្តស្ទឹងត្រែង ចំណុះអគ្គស្នងការដ្ឋាននគរបាលជាតិ មូលហេតុ ល្មើសបទវិន័យនគរបាលជាតិ។
មន្ត្រីនគរបាលចំនួន ៤រូបទៀត នៃស្នងការដ្ឋាននគរបាលខេត្តស្ទឹងត្រែង ក៏ត្រូវដកហូតមុខតំណែង និងបន្ថយឋានន្តរស័ក្តិ ចំនួន ១ថ្នាក់ ក្នុងនោះរួមមាន ៖
១. វរសេនីយ៍ត្រី ទិព្វ និទ្ធី អត្តលេខ ៥៦៩៧២ ពីមេបញ្ជាការរងរសេនាតូចនគរបាល ការពារព្រំដែនគោកលេខ៧០១ ត្រូវមកជាមន្ត្រី និងបន្ថយ ឋានន្តរស័ក្តិចំនួន ១ថ្នាក់ ឱ្យមកនៅត្រឹមថ្នាក់អនុសេនីយ៍ឯក ។
២. អនុសេនីយ៍ឯក ឋាន វិចិត្រ អត្តលេខ ៧១៥៦៩ ពីនាយរងផ្នែកសុខាភិបាល នៃវរសេនា តូចនគរបាលការពារព្រំដែនគោកលេខ៧០១ ឱ្យមកជាមន្ត្រី និងបន្ថយឋានន្តរស័ក្តិចំនួន ១ថ្នាក់ ឱ្យមកនៅត្រឹមថ្នាក់ អនុសេនីយ៍ទោ ។
៣. អនុសេនីយ៍ទោ សៅ សុភាព អត្តលេខ ៧១៦០៩ ពីនាយរងប៉ុស្តិ៍នគរបាលការពារព្រំដែន គោកណាអូង នៃវរសេនាតូចនគរបាលការពារព្រំដែនគោក លេខ៧០១ ឱ្យមកជាមន្ត្រី និងបន្ថយឋានន្តរស័ក្តិចំនួន ១ថ្នាក់ ឱ្យមកនៅត្រឹមថ្នាក់ អនុសេនីយ៍ត្រី ។
៤. អនុសេនីយ៍ត្រី ចាន់ សុភ័ក្រ អត្តលេខ ៩៥៧៥៣ មន្ត្រី ឱ្យមកនៅត្រឹមថ្នាក់ ព្រិន្ទបាលឯក។
ក្នុងចំណោមមន្ត្រីប៉ូលិសទាំង៥រូបខាងលើ មាន២រូប ជាឪពុក និងកូនបង្កើត គឺលោកឧត្តមសេនីយ៍ត្រី ចាន់ សុផា និងលោកអនុសេនីយ៍ត្រី ចាន់ សុភ័ក្រ ។
គេមិនដឹងថាល្មើសវិនយ័ហ្នឹងជាស្អីទេតែបើតាមអ្នកនាំពាក្យក្រសួងមហាផ្ទៃលោកទូចសុខៈបានឲ្យដឹងថាជាប់ពាក់ពន្ធ័បទល្មើសជនបរទេសឆ្លងដែន។លោកបណ្ឌិត ទូច សុឃៈ អ្នកនាំពាក្យរងក្រសួងមហាផ្ទៃ នៅថ្ងៃទី២០ ខែមករា ឆ្នាំ២០២៦នេះ បានចេញមកបញ្ជាក់បន្ថែមថា នគរបាលខេត្តស្ទឹងត្រែង ចំនួន៦នាក់ ដែលត្រូវបានដកហូតតំណែង និងបន្ថយឋានន្ដរស័ក្ដិ គឺពាក់ព័ន្ធជាមួយករណីនាំមនុស្សឆ្លងដែនខុសច្បាប់ពីប្រទេសឡាវ ចូលមកប្រទេសកម្ពុជា។
បើតាមលោក ទូច សុឃៈ, ក្រៅពីនគរបាលទាំង៦នាក់ សមត្ថកិច្ចក៏បានស្រាវជ្រាវរកឃើញជនជាតិឡាវចំនួន៤នាក់ ដែលជាមេក្លោងធំ ក្នុងការនាំមនុស្សចូលប្រទេសកម្ពុជាដោយខុសច្បាប់។ ខណៈក្រសួងមហាផ្ទៃ បានបញ្ជូនអត្តសញ្ញាណជនជាតិឡាវទាំង៤នាក់ ទៅកាន់សមត្ថកិច្ចឡាវដើម្បីបន្ដនីតិវិធីស្រាវជ្រាវចាត់ការតាមច្បាប់របស់ឡាវ។
អ្នកនាំពាក្យរងក្រសួងមហាផ្ទៃរូបនេះ បានបន្ដទៀតថា នៅសល់កងកម្លាំងចំនួន២នាក់ទៀត ដែលមិនស្ថិតក្រោមក្របខ័ណ្ឌក្រសួងមហាផ្ទៃ គឺក្រសួងបានសម្រេចបញ្ជូនទៅក្រសួង ស្ថាប័នសាមី អនុវត្តបទវិន័យកងកម្លាំង និងវិធានការច្បាប់។
.jpg&h=97&w=146)
