វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 867 នាក់
ម្សិលមិញ 3717 នាក់
សរុប 14149200 នាក់
ភ្នំពេញ ៖ ដោយអនុវត្តតាមបទបញ្ជារបស់នាយឧត្តមសេនីយ៍ ស ថេត អគ្គស្នងការនគរបាលជាតិ និងឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ កម្លាំងការិយាល័យព្រហ្មទណ្ឌកម្រិតស្រាល បានចុះបង្ក្រាបទីតាំងទទួលផលចោរកម្មមួយកន្លែង នៅសង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ កាលពីថ្ងៃទី២០ ខែកុម្ភៈ ឆ្នាំ២០២៤ ដោយរកឃើញម៉ូតូចំនួន៣១គ្រឿង និងផ្លាកលេខចំនួន១១២សន្លឹក ។
នាយកដ្ឋាននគរបាលព្រហ្មទណ្ឌ សូមប្រកាសធ្វើការ និងអំពាវនាវដល់សាធារណៈជន ពិសេសជនរងគ្រោះដែលធ្លាប់បាត់បង់ម៉ូតូ ឬផ្លាកលេខដោយអំពើចោរកម្ម សូមបងប្អូនកាន់ឯកសារទៅផ្ទៀងផ្ទាត់នៅនាយកដ្ឋាននគរបាលព្រហ្មទណ្ឌ ស្ថិតក្នុងបរិវេណអគ្គស្នងការដ្ឋាននគរបាលជាតិ(នៅជាប់ស្ពានអាកាសក្បាលថ្នល់) ឬទំនាក់ទំនងលេខទូរស័ព្ទ ០៩២ ៨៩៩ ៩១៩ របស់លោកវរសេនីយ៍ឯក ឡេង ប៊ុនហួរ នាយការិយាល័យព្រហ្មទណ្ឌកម្រិតស្រាល ដើម្បីមកទទួលយកម៉ូតូ ឬផ្លាកលេខរបស់បងប្អូនវិញ ។
ការចុះបង្ក្រាបកុងស៊ីបញ្ចាំនេះ ធ្វើឡើងកាលពីវេលាម៉ោងប្រមាណ៣និង៣០នាទីរសៀល ថ្ងៃទី២០ ខែកុម្ភៈ ឆ្នាំ២០២៤ នៅចំណុចកុងស៊ីបញ្ចាំ និងទិញលក់ម៉ូតូ ស្ថិតនៅផ្ទះលេខ៤៩B ផ្លូវលេខ១៩២ ភូមិ៤ សង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ ។តាមព័ត៌មានឱ្យដឹងថា ការចុះឆែកឆេរដកហូតម៉ូតូនេះ ត្រូវគេដឹងថា ធ្វើឡើងបន្ទាប់ពីមានចម្លើយសារភាពពីជនសង្ស័យម្នាក់ ដែលបានទិញផ្លាកលេខម៉ូតូពីកុងស៊ីបញ្ចាំខាងលើ ហើយក៍បានយកទៅបង្ហោះលក់ជាសាធារណៈ ។ នៅក្នុងការចុះបង្ក្រាបឆែកឆេរនេះដែរ ម្ចាស់កុងស៊ីទំនងជាដឹងខ្លួនទាន់ បានគេចខ្លួនបាត់មុនពេលដែលសមត្ថកិច្ចចុះទៅដល់ ។
តាមព័ត៌មានបង្ហើបឱ្យដឹងថា ក្នុងប្រតិបត្តិការ សមត្ថកិច្ចដកហូតម៉ូតូសង្ស័យមិនប្រក្រតីចំនួន៣១គ្រឿង ផ្លាកលេខម៉ូតូ១១២សន្លឹក កាតគ្រីម៉ូតូ៧២ អត្តសញ្ញាណប័ណ្ណ១១ច្បាប់ សំបុត្រកំណើត៣ច្បាប់ ធុងខ្យល់សម្រាប់កឹបផ្លាកលេខ១ និងកូនសោមួយចំនួនទៀត បញ្ជូនទៅកាន់នាយកដ្ឋានព្រហ្មទណ្ឌក្រសួងមហាផ្ទៃ ដើម្បីចាត់ការតាមនីតីវិធី ៕ប្រភពនគរបាល