វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5348 នាក់
ម្សិលមិញ 6001 នាក់
សរុប 13878178 នាក់
ខេត្តកំពង់ឆ្នាំង៖ កម្លាំងនគរបាលប្រឆាំងបទល្មើសគ្រឿងញៀន នៃស្នងការដ្ឋាននគរបាលខេត្តកំពង់ឆ្នាំង សហការជាមួយកងកម្លាំងមន្ទីរប្រឆាំងបទល្មើសគ្រឿងញៀន ក្រសួងមហាផ្ទៃ បានចុះបង្ក្រាបគ្រឿងញៀនទ្រង់ទ្រាយធំនៅក្នុងភូមិធ្នុងកំបុត ឃុំក្រាំងដីមាស ស្រុករលាប្អៀរបានជាង២គីឡូក្រាមកាលពីថ្ងៃទី១១សីហារហូតដល់១៦សីហា។
ប្រតិបត្តិការដែល មានការសម្របសម្រួលពីលោក អ៊ិត សុធា ព្រះរាជអាជ្ញាអមសាលាដំបូងខេត្តកំពង់ឆ្នាំង សមត្តកិច្ចបានឃាត់ខ្លួនជនសង្ស័យម្នាក់មានឈ្មោះ វណ្ណៈ បញ្ញាវឌ្ឍន៍ អាយុ២៦ឆ្នាំ មុខរបរ បុគ្គលិករតនាគារសាខាខេត្តកំពង់ឆ្នាំង មានទីលំនៅភូមិធ្នង់កំបុត ឃុំក្រាំងដីមាស ស្រុករលាប្អៀរ។សមត្ថកិច្ចចុះឆែកលំនៅដ្ឋានជនសង្ស័យរកឃើញថ្នាំញៀនប្រភេទមេតំហ្វាតាមីន(ICE) ចំនួន១៦កញ្ចប់លាក់ទុកលើពិដាននិង៩កញ្ចប់ទៀតលាក់ទុកក្នុងទូ ក្នុងបន្ទប់ជនសង្ស័យ សរុបថ្នាំញៀនទាំងអស់មានចំនួន២៥កញ្ចប់ ក្នុងមួយកញ្ចប់ៗទម្ងន់១០០ក្រាម ទម្ងន់សរុប ២,៥ គីឡូក្រាម, ជញ្ជីងថ្លឹងថ្នាំញៀនចំនួន៥គ្រឿង, ឧបករណ៍អ៊ុតស្បោងចំនួន១ និង ឧបករណ៍សម្រាប់វេចខ្ចប់(ស្បោង១ដុំ) ។ក្រោយឃាត់ខ្លួន និងឆែករកឃើញវត្ថុតាងបទល្មេីសជាក់ស្តែង ជនសង្ស័យរួមនិងវត្ថុតាងត្រូវបានសមត្កិច្ចធ្វេីការនាំខ្លួនរៀបចំចាត់ការតាមនីតិវិធីបានបញ្ចប់ការស៊ើបអង្កេត នៅថ្ងៃទី១៦ ខែសីហា ឆ្នាំ២០២២ ។