គ្រាប់មីនតោន១គ្រាប់ ដែលអ្នកកាសែតដឹកយកមកប្រគល់អោយប៉ូលីសប៉ុស្តិអូរស្មាច់ឥឡូវមន្ត្រីស៊ីយកហើយ នៅឡើយតែអ្នកកាសែតត្រូវបន្តឃុំខ្លួនក្នុងគុក ទៅវិញ ???
01-March-2025 / សន្តិសុខសង្គម
ភ្នំពេញ ÷ឯកឧត្តម ហេង រតនា អគ្គនាយកស៊ីម៉ាក បានអោយអ្នកសារព័ត៌មានដឹងថា ÷ នៅថ្ងៃទី០៨ ខែកុម្ភៈ ឆ្នាំ ២០២៥ នៅប៉ុស្តិនគរបាលរដ្ឋបាលអូរស្មាច់ នៃក្រុងសំរោង ខេត្តឧត្តរមានជ័យ កម្លាំងជំនាញអង្គភាពស៊ីម៉ាក់បានទៅទទួលយកគ្រាប់មីនតោនប្រភេទ M6 ផលិតនៅសហរដ្ឋអាម៉េរិក ។ តាមរបាយការណ៍ មានអ្នកសារព័ត៌មាន បានទៅយកគ្រាប់មីននេះពីតំបន់បន្ទាត់ព្រំដែនកម្ពុជា-ថៃ ដឹកយកមកដាក់លើតុក្នុងប៉ុស្តិប៉ូលីសតែម្តង ។
ឯកឧត្តម ហេង រតនា បានបញ្ជាក់ថា: បងប្អូនសារព័ត៌មានចូលរួមយ៉ាងសកម្មជួយវិស័យមីននេះសំខាន់ណាស់ ក្នុងផ្សព្វ ផ្សាយជូនប្រជាពលរដ្ឋ អោយបានយល់ដឹងពីគ្រោះថ្នាក់ដោយ សារគ្រាប់មីននិងគ្រាប់យុទ្ធភណ្ឌមិនទាន់ផ្ទុះក្នុងសម័យសង្គ្រាម ។ ឯកឧត្តម ហេង រតនា សូមអំពាវនាវជាថ្មីដល់ប្រជាពលរដ្ឋទាំងអស់ " កុំប៉ះពាល់ ឬបោស សម្អាត ឬលើកដាក់គ្រាប់មីននិងគ្រាប់យុទ្ធភណ្ឌមិនទាន់ផ្ទុះសំណល់ សង្គ្រាម អាចបង្កគ្រោះថ្នាក់ដល់ខ្លួនឯង និងអ្នកដទៃ ក៏ដូចជាសន្តិសុខសង្គមជាតិ ។ ឯកឧត្តម ហេង រតនាបន្តថា បច្ចុប្បន្ននេះមានកម្លាំងស្មគ្រ័ចិត្តអង្គភាព ស៊ិម៉ាក់ មានចំនួនជាង១ម៉ឺន នាក់ ក្នុងទូទាំងប្រទេស និងកម្លាំងនគរបាលប៉ុស្តិទាំងអស់ជាភ្នាក់ងារទទួល និងផ្តល់ព័ត៌មានមកអង្គភាពស៊ីម៉ាក់ ដើម្បីចាត់ បញ្ជូនអ្នកបច្ចេកទេសឆ្លេីយតបតាមសំណូមពរ ។
ប៉ុន្តែ អ្នក កាសែត មាតុភូមិ គឺលោក ទឺ ពិទូ និង លោក ពែក ពុយ ត្រូវ បានតំណាងអយ្យការសាលាដំបូងចោទប្រកាន់ ពីបទ : បោះ បង់វត្ថុគ្រឿងផ្ទុះ ដែលអាចនាំអោយគ្រោះថ្នាក់ដល់បុគ្គល ប្រព្រឹត្តនៅចំណុចភូមិអូរស្មាច់ សង្កាត់អូរស្មាច់ ក្រុងសំរោង ខេត្តឧត្តរមានជ័យ កាលពីថ្ងៃទី ០៦ ខែកុម្ភ: ឆ្នាំ២០២៥ ។ បទ ល្មើសព្រហ្មទណ្ឌ ដែលបញ្ញត្តិផ្តន្ទាទោស តាមមាត្រា៤៩១ នៃក្រមព្រហ្មទណ្ឌ តាមដីកាសន្និដ្ឋានបញ្ជូនរឿងអោយស៊ើបសួរលេខ: ០២២ដសបស ចុះថ្ងៃទី០៨ខែកុម្ភ:ឆ្នាំ២០២៥ បញ្ជូនទៅចៅក្រមស៊ើបសួរ នៃសាលាដំបូងខេត្តឧត្តរមានជ័យ ដើម្បីចាត់ការបន្តតាមនីតិវិធី ។ នេះបើយោងតាមសេចក្តីប្រកាសព័ត៌មាន របស់អ្នកនាំពាក្យអយ្យការអមសាលាដំបូងខេត្តឧត្តរ មានជ័យ នៅថ្ងៃទី០៨ ខែកុម្ភ: ឆ្នាំ២០២៥ ។
ជុំវិញការឃាត់ ខ្លួន និងចោទប្រកាន់នេះ បានធ្វើអោយមហាជន ពិសេសបងប្អូនអ្នកសារព័ត៌មានទូទាំងប្រទេស សំដែងការសោកស្តាយ និង អាណិតអាសូរជាពន់ពេកទៅលើលោក ទឺ ពិទូ និង លោក ពែក ពុយ ព្រោះថា លោកទាំងពីរ នាក់នេះមាន បំណងល្អ ស្មោះត្រង់ ដោយដឹកគ្រាប់មីនតោនចំនួន១គ្រាប់ ដែលប្រទះឃើញម៊ីនដាក់ចោលនៅលើដីក្បែរខ្សែបន្ទាត់ព្រំដែនកម្ពុជា-ថៃក្នុង ភូមិសាស្ត្រសង្កាត់អូរស្មាច់ ក្រុងសំរោង ខេត្តឧត្តរមាន ជ័យក៏ យកមកប្រគល់អោយសមត្ថកិច្ចនគរបាលប៉ុស្តិ៍រដ្ឋបាលសង្កាត់អូរស្មាច់ ថែរក្សាទុកជូនក្រុមមន្ត្រី ជំនាញស៊ីម៉ាក់ ។
ករណីនេះ ក្នុងនាមថ្នាក់ដឹកនាំអង្គភាព គេហទំព័រ មាតុភូមិ សូមសំណូមពរ និងទទូចអង្វរចំពោះថ្នាក់ដឹកនាំ ស្ថាប័ន អយ្យការអមសាលាដំបូងខេត្តឧត្តរមានជ័យ ដែលមានឆន្ទានុសិទ្ធិសម្រេចសេចក្តី សូមលោកមេត្តា សណ្តោសប្រណី លើកលែងការចោទប្រកាន់ ចំពោះលោក ទឺ ពិទូ និង លោក ពែក ពុយ និងដោះលែងពួកគាត់អោយមានសេរីភាពវិញ ហើយអប់រំណែនាំ និងធ្វើកិច្ចសន្យាអោយបញ្ឈប់ការប្រព្រឹត្ត បទល្មើសផ្សេងៗទៀត ទៅថ្ងៃមុខ បានហើយ ៕ ដោយ ស៊ុន សុផល Tel:012953824/016953222/0885534100
