វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2933 នាក់
ម្សិលមិញ 6677 នាក់
សរុប 14150509 នាក់
ភ្នំពេញ៖ ជាកីឡាប្រដាល់ល្បីឈ្មោះលោក ព្រំ សំណាងដែលជាកីឡាប្រដាល់លំដាប់ប្រទេស បានបើកបររថយន្តបុករះម៉ូតូកង់បី៣គ្រឿង និងម៉ូតូមួយគ្រឿងទៀត បណ្តាលឱ្យរងរបួសធ្ងន់ស្រាលមនុស្សប្រុសស្រី៥នាក់ និងបង្កការភ្ញាក់ផ្អើលកាលពីវេលាម៉ោង៣និង៣៥នាទីទៀបភ្លឺថ្ងៃទី៧ ខែមករា ឆ្នាំ២០២៤ ត្រង់ចំណុចមុខប៊ីតណាយក្លិប ស្ថិតតាមបណ្តោយផ្លូវវេងស្រេង សង្កាត់ចោមចៅទី១ ខណ្ឌពោធិ៍សែនជ័យ ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេបានឃើញកីឡាករព្រំ សំណាង បើកបររថយន្តមួយគ្រឿងម៉ាកម៉ាស្តា ពណ៌ក្រហម ពាក់ផ្លាកលេខភ្នំពេញ2BU-4078 រួមដំណើរក្នុងរថយន្តមានស្ត្រីម្នាក់ ធ្វើដំណើរតាមបណ្តោយផ្លូវវេងស្រេងក្នុងទិសដៅពីកើតទៅលិច ។ខណៈពេលមកដល់ចំណុចកើតហេតុខាងលើ បានបុកម៉ូតូកង់បីមួយគ្រឿង ដែលបើកស្របទិសគ្នានៅមុខរថយន្ត តែរថយន្តមិនទាន់អស់ល្បឿនក៏ជ្រុលទៅបុកម៉ូតូកង់បី ២គ្រឿងទៀត និងម៉ូតូស្គូពីមួយគ្រឿងទៀត នៅមុខក្លិបប៊ីតណាយ ហើយបានទៅបុកមនុស្សប្រុសស្រីឈរនៅមុខក្លិបរងរបួសយ៉ាងដំណំម្នាក់និងស្រាល៤នាក់ទៀត ។ ចំណែកម៉ូតូខ្ទាតមកកណ្តាលផ្លូវនៅពីមុខរថយន្ត ។មកដល់ពេលនេះគេមិនទាន់ដឹងថាវាសនាកីឡាប្រដាល់ព្រុំសំណាងមានសំណាងបែបណានោះទេ!៕