វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2228 នាក់
ម្សិលមិញ 6677 នាក់
សរុប 14149804 នាក់
ប៉ៃលិន៖ ទារកតូចម្នាក់ទម្ងន់២.៧គីឡូក្រាម សម្បុរសណ្តែកបាយ ត្រូវបានប្រជាពលរដ្ឋនៅក្នុងភូមិដើរទៅកាប់ផ្លែចេកក្បែរចំការ ប្រទះឃើញ ដេកគ្របស្លឹកដំឡូងពីលើ មានទាំងឈាមហូរចេញពីផ្ចិត តែឃើញនៅមានដង្ហើម កាលពីវេលាម៉ោង៧ និង៣០នាទីព្រឹកថ្ងៃទី០២ ខែមករា ឆ្នាំ២០២៤ ស្ថិតនៅចំណុចចំការដំឡូងមី ក្នុងភូមិព្រៃមង្គល សង្កាត់អូរតាវ៉ៅ ក្រុងប៉ៃលិន ខេត្តប៉ៃលិនក៏ជួយសង្គ្រោះនិងរាយការណ៍ប្រាប់អ្នកជិតខាងឱ្យរាយការណ៍ជូនមេភូមិ និងសមត្ថកិច្ចនគរបាលឱ្យចុះពិនិត្យភ្លាមៗ។
ប្រភពព័ត៌មានបានឱ្យដឹងថា ៖ អ្នកដែលប្រទះឃើញទារកមាន ឈ្មោះ គុម ស្រីលីន ភេទស្រី រស់នៅក្នុងភូមិខាងលើ។ ក្រោយពីប្រទះឃើញ ដោយសារតែនាងមានជីវភាពក្រីក្រខ្វះខាត ក៏ប្រគល់ឱ្យ ទៅមេការស្តង់ដំឡូងមីម្នាក់ ឈ្មោះ វ៉ិត សុខលី អាយុ៣៤ឆ្នាំ ប្រពន្ធ ឈ្មោះ ទិត្យ ឆវ័ន្ត អាយុ៣១ឆ្នាំ មានកូនស្រី២នាក់ កូនទី១. អាយុ៨ឆ្នាំ កូនទី២. អាយុ៦ឆ្នាំ ជាមេការស្តង់ដំឡូងមី។ រីឯទារកដែលទើបសុំពីស្ត្រីដែលរើសបាន ត្រូវបានពួកគេដាក់ឈ្មោះ ថា លី សុខសំណាង។
ប្រភពបន្តទៀតថា ក្រោយពីរើសបានប្រទះឃើញទារកដ៏កំសត់ខាងលើ រួចមក ដោយសារតែជីវភាពកូនរបស់គាត់មានការខ្វះខាត និងមានកូនច្រើន ទើបប្រគល់ឱ្យទៅមេការស្តង់ដំឡូងមីខាងលើយកទៅចិញ្ចឹមធ្វើជាកូនបង្កើតរបស់ខ្លួនតែម្តង។បើតាមការរៀបរាប់ពីមេការស្តង់ដំឡូងមីម្នាក់ ឈ្មោះ វ៉ិត សុខលី អាយុ៣៤ឆ្នាំ ប្រពន្ធ ឈ្មោះ ទិត្យ ឆវ័ន្ត អាយុ៣១ឆ្នាំ មានកូនស្រី២នាក់ក្នុងបន្ទុកបានឱ្យដឹងថា ៖ មូលហេតុដែលពួកគាត់សុំទារកដែលទើបនឹងរើសបានយកទៅចិញ្ចើមធ្វើជាកូនបង្កើត ព្រោះតែគ្រួសាររបស់ពួកគាត់មានតែកូនស្រី។ ដូច្នេះ ចង់បានកូនប្រុសម្នាក់ទៀតឱ្យបានបីនាក់។ ហើយពួកគាត់សន្យាថា នឹងមើលថែរក្សាទារកខាងលើឱ្យបានល្អ ក្លាយទៅជាកូនរបស់ខ្លួន ដោយយកទៅចុះសំបុត្រកំណើត និងបញ្ចូលក្នុងសៀវភៅគ្រួសារ។
ចំណែកអ្នកភូមិ បានរៀបរាប់ទាំងការអាណិតអាសូរដល់ទារកខាងលើថា ៖ មិនគួរណាម្តាយមានចិត្តដាច់បែបនេះ ដោយយកកូនបង្កើតរបស់ខ្លួនទៅបោះចោលនៅក្នុងព្រៃចំការដំឡូងមី។ នេះសំណាងហើយ ដែលមានអ្នកប្រទះឃើញ ទាន់ពេល បើសិនជាឆ្កែអ្នកភូមិឃើញអាចនឹងហែកខ្ទេចខ្ទីគ្មានសល់នោះទេ។ បើតាមពួកគាត់សន្និដ្ឋាន ស្ត្រីដែលហ៊ានបោះកូនរបស់ខ្លួនចោលនេះ មិនមែនជាអ្នកភូមិរបស់ពួកគាត់ឡើយ គឺអាចជាស្ត្រីអ្នកដំណើរមកពីឆ្ងាយ ដោយសារតែភាពខ្វះខាត ឬក្រីក្រ ហើយក៏អាចជាស្ត្រីដែលខឹងនឹងប្តីរត់ចោល ទើបដាច់ចិត្តបោះកូនប្រុសរបស់ខ្លួនចោលដោយគ្មានសោកស្តាយអ្វី បន្តិចនោះឡើយ៕