វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 6095 នាក់
ម្សិលមិញ 6001 នាក់
សរុប 13878925 នាក់
ព្រះសីហនុ៖ ផ្លូវសម្តេចអគ្គមហាសង្ខរាជសង្ឃទេពវង្ស ព្រៃនប់-ស្ទឹងហាវ ម្តុំជិតវត្តថ្មដា ត្រង់ចំណុចជាប់ស្ពានទី៥និងជាប់ស្ពានទី៨ស្ថិតក្នុងឃុំជើងគោត្រូវបាន បាក់ស្រុតនៅរសៀលថ្ងៃទី២ ខែសីហា ឆ្នាំ២០២០នេះ ដោយទឹកហូរច្រោះ ក្រោយមានភ្លៀងធ្លាក់ខ្លាំង ដែលតម្រូវអោយផ្អាកបណ្តោះអាសន្ន រថយន្តធុនធំឆ្លងកាត់ ប៉ុន្តែសម្រាប់រថយន្តធុនតូចអោយដំណើរការខ្លះៗដោយពិនិត្យជាក់ស្តែង ។
មន្ត្រីជំនាញសាធារណការខេត្តកំពុងពិនិត្យនិងរៀបចំជួសជុលផ្លូវនេះហើយ។បច្ចុប្បន្នបានដាក់ថ្ម ចាក់ដីជួសជុលជាបណ្តោះអាសន្នខ្លះវិញហើយ ដើម្បីបង្ការគ្រោះថ្នាក់ផ្សេងៗ មុននឹងជួសជុលជាផ្លូវ ការ។ ទោះជាយ៉ាងនេះក្តី ចរាចរណ៍រថយន្តធំឆ្លងកាត់ផ្លូវនេះ នៅតែផ្អាកជាបណ្តោះអាសន្នសិន។
នៅ រសៀលថ្ងៃទី០២ ខែសីហា ឆ្នាំ២០២០ កម្លាំងមូលដ្ឋានកងរាជអាវុធហត្ថស្រុកកំពង់សីលា ចុះជួយសម្រួលចរាចរណ៍ បញ្ជៀសការកកស្ទះ រក្សាសណ្តាប់ធ្នាប់ និងប្រមូលដើមឈើបាក់ដួលរលំនៅលើដងផ្លូវជាតិលេខ៤ សហការណ៍នឹងកម្លាំងគណ:បញ្ជាការឯកភាពរដ្ឋបាលស្រុក ដោយជួបនូវខ្យល់កន្ត្រាក់បោកបក់ខ្លាំង ត្រង់ចំណុចចន្លោះគីឡូម៉ែត្រលេខ ១១២-១១៣ ស្ថិតក្នុងភូមិស្ទឹងច្រាល ឃុំអូរបាក់រទេះ ស្រុកកំពង់សីលា ខេត្តព្រះសីហនុ។
ដោយឡែកករណីខ្យល់ភ្លៀងនេះក៏បង្កឲ្យ មានផ្ទះប្រជាពលរដ្ឋចំនួន០៤ខ្នងផ្សេងទៀត នៅក្រុម៥ភូមិ១ ឃុំទំនប់រលក ស្រុកស្ទឹងហាវ ខេត្តព្រះសីហនុ រងការខូចខាត របើកស័ង្កសីដំបូលផ្ទះ ដោយសារខ្យល់កន្ត្រាក់ផងដែរ ប៉ុន្តែសំណាងមិនមានមនុស្សរងគ្រោះនោះទេ ។
ក្រសួងធនធានទឹក និងឧតុនិយម បានឲ្យដឹងថា កម្ពុជា រងឥទ្ធិពលព្យុះស៉ីនឡាគូមកពីសមុទ្រចិនខាងត្បូង ដែលវិវត្តទៅជាវិសម្ពាធទាប នាំឲ្យមានភ្លៀងធ្លាក់ និងខ្យល់កន្ដ្រាក់ចាប់ពីថ្ងៃទី០១ ខែសីហាដល់ថ្ងៃទី០៥ ខែសីហា ឆ្នាំ២០២០ នៅតំបន់មួយចំនួន។
*ទី១៖ បណ្តាខេត្តនៅតំបន់ជាប់ជួរភ្នំដងរែក និងខ្ពង់រាបភាគឦសាន នឹងអាចមានភ្លៀងធ្លាក់ច្រើនកើនឡើងជាបន្តបន្ទាប់ ប្រឈមខ្ពស់នឹងជំនន់ទឹកភ្លៀង (Flash Flood)
*ទី២៖ តំបន់មាត់សមុទ្រ និងនៅលើផ្ទៃសមុទ្រ នឹងអាចមានភ្លៀងធ្លាក់ច្រើន ប្រឈមខ្ពស់នឹងជំនន់ទឹកភ្លៀង(Flash Flood) រួមជាមួយខ្យល់បក់បោកខ្លាំង និងរលកសមុទ្រខ្ពស់ៗ
*ទី៣៖ តំបន់ផ្សេងៗទៀត អាចនឹងមានភ្លៀងធ្លាក់ ពីតិចទៅមធ្យម។
បន្ថែមពីនេះ ក្រសួងធនធានទឹក បានណែនាំឲ្យប្រជាពលរដ្ឋ ពិសេសប្រជានេសាទ និងអ្នកធ្វើដំណើរតាមសមុទ្រទាំងអស់ បង្កើនការយកចិត្តទុកដាក់ ប្រុងប្រយ័ត្នខ្ពស់ ដើម្បីចៀសវាងនូវគ្រោះថ្នាក់ផ្សេងៗ ដែលអាចកើតមានឡើងជាយថាហេតុ