គយច្រកទ្វារអន្តរជាតិម៉ឺនជ័យនៅតែមានការ បើកដៃឲ្យឈ្មួញធំៗ នាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់?

ទិវាគ្រូបង្រៀន៥តុលារដ្ឋាភិបាលដាក់ចេញការពង្រឹងការងារខាងគ្រូក្រៅរដ្ឋាភិបាលសុំឲ្យគិតពីជីវភាពគ្រូនិងប្តឹងអន្តរជាតិរៀងទឹកដី!

បង្ក្រាបទីតាំង Online Scam នៅក្រុងប៉ោយប៉ែត ឃាត់ខ្លួនជនសង្ស័យជិត ៦០០នាក់ នៅព្រះសីហនុឃាំត់ខ្លួន៤៤នាក់

បន្ទាប់ពីចាប់ខ្លួនមន្ត្រីនគរបាលអន្តោប្រវេសន៍ព្រលានយន្តហោះនិងមេឃុំព្រែកខ្សាច់ACU រកឃើញមេខ្លោងឆបោកជនជាតិចិនម្នាក់ផ្ទេរលុយ ២៥០លានដុល្លារទៅគណនីគ្រីបតូក្រៅប្រទេស!

សហរដ្ឋអាមេរិកប្តេជ្ញាចិត្តក្នុងការរារាំង និងបង្ក្រាបបណ្តាញឧក្រិដ្ឋកម្មឆ្លងដែន និងប្រយុទ្ធប្រឆាំងនឹងការជួញដូរផលិតផលថ្នាំជក់ខុសច្បាប់!

អាមេរិករឹតបន្តឹងទិដ្ឋាការបុគ្គល៣២នាក់ពាក់ព័ន្ធដែលពាកពន្ធ័នឹង Prince Group របស់ Chen Zhiតែមិនប្រកាសឈ្មោះ

ធនាគារ ឈីហ្វដែលទើបសម្ពោធជាផ្លូវការទីស្នាក់ការកណ្ដាលថ្មី កាលពីឆ្នាំ២០២៥ត្រូវបានធនាគាជាតិដាក់ឲ្យស្ថិតនៅក្រោមការត្រួតពិនិត្យ៣ខែ!

ជាច្រើនទៀត

ចំនួនអ្នកទស្សនា

ថ្ងៃនេះ 5483 នាក់

ម្សិលមិញ 9639 នាក់

សរុប 20695654 នាក់

នាយករដ្ឋមន្ត្រីប្រតិកម្មព័ត៌មានខ្ចីលុយចិនជីកព្រែកហ្វូណន់

21-September-2026 / ផ្សេងៗ

ភ្នំពេញ៖ ថ្លែងក្នុងពិធីសម្ពោធដាក់ឱ្យប្រើប្រាស់ ប្រព័ន្ធបង្ហូរទឹកកខ្វក់នៅបឹងជើងឯកក្នុងរាជធានីភ្នំពេញ នាព្រឹកថ្ងៃទី២៧ ខែធ្នូ ឆ្នាំ២០២៣ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានចាត់ទុក ការផ្សព្វផ្សាយរបស់កាសែត The Cambodia Daily ដោយដាក់ប្រភពពីមន្ត្រីក្រសួងសេដ្ឋកិច្ចថា «រដ្ឋាភិបាលកម្ពុជាខ្ចីថវិកាចិន ៥ពាន់លានដុល្លារ ដើម្បីសាងសង់គម្រោងព្រែកជីកហ្វូណនតេជោ»នោះ គឺជាព័ត៌មានប្រឌិតតាមការស្រមៃ ។សម្តេចធិបតីថាលោកមិនជឿថា មានមន្ត្រីជាន់ខ្ពស់ក្រសួងសេដ្ឋកិច្ច ល្ងង់ដល់ថ្នាក់មិនស្គាល់គម្រោង BOT (Build-Operate-Transfer)នោះទេ។ a manet bot

ប្រតិកម្មបកស្រាយរបស់សម្តេចធិបតី ហ៊ុន ម៉ាណែត បានធ្វើឡើងបន្ទាប់ពីសារព័ត៌មានអនឡាញ The Cambodia Daily បានចុះផ្សាយអត្ថបទមួយ កាលពីថ្ងៃទី២៦ ខែធ្នូ ឆ្នាំ២០២៣ លើគេហទំព័ររបស់ខ្លួន និងគណនីទំព័រហ្វេសប៊ុក «The Cambodia Daily Khmer» ដោយបានលើកឡើងថា «មានមន្ត្រីជាន់ខ្ពស់ នៃក្រសួងសេដ្ឋកិច្ច និងហិរញ្ញវត្ថុ បានទម្លាយព័ត៌មានថា រដ្ឋាភិបាលកម្ពុជាមិនមែនខ្ចីលុយចិនតែ ១៧០០ លានដុល្លារអាម៉េរិកសម្រាប់សាងសង់ព្រែកជីកហ្វូណនតេជោទេ ប៉ុន្តែបានខ្ចីលុយចិនដល់ទៅ ៥ពាន់ លានដុល្លារអាម៉េរិក ដើម្បីសាងសង់ព្រែកជីក និងកំពង់ផែនានា និងដើម្បីដោះស្រាយវិបត្តិសេដ្ឋកិច្ចកម្ពុជា។»

សម្តេចធិបតីបានបញ្ជាក់ថា បញ្ហាពាក់ព័ន្ធនឹងការសាងសង់ព្រែកជីកហ្វូណននេះ គឺធ្វើតាមរយៈគម្រោង BOT ដែលវិស័យឯកជនអ្នកសាងសង់ ហើយធ្វើអាជីវកម្មក្នុងរយៈពេលណាមួយ ហើយនឹងផ្ទេរមកឱ្យរាជរដ្ឋាភិបាលនៅពេលដែលចប់កុងត្រា ដែលក្រុមហ៊ុនវិនិយោគព្រែកជីកនេះ វិស័យឯកជនទទួលខុសត្រូវក្នុងការរកប្រភពធនធានក្នុងការសាងសង់ មិនមែនរដ្ឋនោះទេ។សម្តេចបានបញ្ជាក់ថា៖ «ខ្ញុំមិនជឿថា មានមន្ត្រីរាជរដ្ឋាភិបាលជាន់ខ្ពស់ នៅក្រសួងសេដ្ឋកិច្ច និងហិរញ្ញវត្ថុ ដែលមានចំណេះដឹង សមត្ថភាព និងបទពិសោធន៍ ល្ងង់ដល់ថ្នាក់មិនស្គាល់ភាពខុសគ្នារវាងអ្វីទៅដែលហៅថាឥណទាន ដែលយើងខ្ចី និងអ្វីទៅជាគម្រោង BOT»។

សម្តេចធិបតី បានបញ្ជាក់ជូនប្រជាពលរដ្ឋកម្ពុជាថា ការខ្ចីបំណុលគឺជាកាតព្វកិច្ចរបស់រាជរដ្ឋាភិបាល ដែលត្រូវទទួលខុសត្រូវចំពោះប្រជាពលរដ្ឋ និងកូនចៅជំនាន់ក្រោយ ហើយរាជរដ្ឋាភិបាលមិនខ្ចីបរទេសរហូតដល់ជំពាក់វ័ណ្ឌកនោះទេ ដែលយើងមានច្បាប់ប្រចាំឆ្នាំ ដែលអនុញ្ញាតឱ្យកម្ពុជាខ្ចីកម្រិតណា មកទ្រទ្រង់សេដ្ឋកិច្ចយើង មកវិនិយោគលើគម្រោងណាដែលមានផលប្រយោជន៍ជាតិ ហើយធ្វើដោយតម្លាភាព។
ពាក់ព័ន្ធនឹងការផ្សព្វផ្សាយរបស់ ហ្វេសប៊ុកឌីខេមបូឌាដេលីនេះដែរ កាលពីថ្ងៃទី២៦ ខែធ្នូ ឆ្នាំ២០២៣ ក្រសួងសេដ្ឋកិច្ច និងហិរញ្ញវត្ថុ ក៏បានចេញសេចក្តីប្រកាសច្រានចោលផងដែរ ដោយចាត់ទុកថា ជាព័ត៌មានមិនពិត និងគ្មានមូលដ្ឋាន។

សូមបញ្ជាក់ថាគម្រោងផ្លូវនាវាចរណ៍ និងប្រព័ន្ធភស្តុភារកម្មទន្លេបាសាក់ ដែលត្រូវបានប្រសិទ្ធនាមថា”ព្រែកជីកហ្វូណនតេជោ” ត្រូវបានបញ្ចប់ការសិក្សាសមិទ្ធលទ្ធផល រួចរាល់គ្រោងចំណាយទុនវិនិយោគ១ ៧០០លានដុល្លារតាំងពីជំនាន់លោកឧបនាយករដ្ឋមន្ត្រីស៊ុនចាន់ថុលនៅធ្វើជារដ្ឋមន្ត្រីក្រសួងសាធារណការនិងដឹកជញ្ជូនមកម្លេះ។ តាមសិក្សា ផ្លូវទឹកនេះមានប្រវែង ១៨០គីឡូម៉ែត្រ ចាប់ផ្តើមពីព្រែកតាកែវ នៃទន្លេមេគង្គឆ្លងកាត់តាមព្រែកតាឯក នៃទន្លេបាសាក់ រួចចូលតាមព្រែកតាហ៊ីង នៃទន្លេបាសាក់ ស្រុកកោះធំ និងបន្តរហូតដល់ដៃសមុទ្រ ខេត្តកែប ដោយឆ្លងកាត់ខេត្ត ចំនួន៤រួមមាន ខេត្តកណ្ដាល តាកែវ កំពត និងកែប ។លុយខាងលើត្រូវបានប្រកាសពេលដែលសម្តេចធិនតីនាយករដ្ឋមន្ត្រីបានទៅទស្សនកិច្ចស្រុកចិនកាលពីពេលថ្មីៗហើយបានជួបប្រធានាធិបតីចិន។ a manet bot1 a manet bot2