មហាសន្និបាតរណសិរ្សសាមគ្គី អភិវឌ្ឍន៍មាតុភូមិកម្ពុជា លើកទី៦ អបអរ សមិទ្ធផល រាជរដ្ឋាភិបាល សម្តេចតេជោ ហ៊ុន សែន និងផ្លាស់ប្តូក្បាលម៉ាស៊ីន
ភ្នំពេញ៖ អង្គមហាសន្និបាតរណសិរ្សសាមគ្គី អភិវឌ្ឍន៍មាតុភូមិកម្ពុជាលើកទី៦ បានដំណើរការអស់រយៈ ពេលមួយព្រឹក នាថ្ងៃទី១៥ ខែវិច្ឆិកា ឆ្នាំ២០២៣ នៅរាជធានីភ្នំពេញ ក្រោមអធិបតីភាពដ៏ខ្ពង់ខ្ពស់របស់ សម្តេចអគ្គមហាពញាចក្រី ហេង សំរិន ប្រធានកិត្តិយសគណបក្ស ប្រជាជនកម្ពុជា និងជាប្រធានកិត្តិយស ក្រុមប្រឹក្សាជាតិរណសិរ្សសាមគ្គី អភិវឌ្ឍន៍មាតុភូមិកម្ពុជា សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និងជាអធិបតីកិត្តិយសក្រុម ប្រឹក្សាជាតិរណសិរ្សសាមគ្គី អភិវឌ្ឍន៍មាតុភូមិ កម្ពុជា ដោយមានការយាង និមន្ត និងអញ្ជើញចូលរួមពីសំណាក់សម្តេចព្រះអគ្គមហាសង្ឃរាជទាំងពីរគណៈ សម្តេចព្រះសង្ឃនាយក សម្តេច ព្រះសង្ឃនាយករង ព្រះរាជាគណៈគ្រប់ឋានានុក្រម ថ្នាក់ ដឹកនាំ សមាជិក សមាជិកាព្រឹទ្ធសភា រដ្ឋសភា រាជរដ្ឋាភិបាល ថ្នាក់ដឹកនាំតាមបណ្តាក្រសួង-ស្ថាប័ន រាជធានី-ខេត្ត ព្រមទាំង តំណាងអង្គការ សមាគមនានាដែលជាសមាជិកក្រុមប្រឹក្សាជាតិរណសិរ្ស និងភ្ញៀវកិត្តិយសសរុបចំនួន ជាង ៥០០ អង្គ/នាក់។
ជាលទ្ធផល អង្គមហាសន្និបាតបានបំពេញការងារដោយជោគជ័យតាម របៀបវារៈដែលបានកំណត់ និងសូមដាក់ចេញនូវសេចក្តីសម្រេចចិត្តសំខាន់ៗមយយចំនួនដូចជា៖ បានឯកភាពទាំង ស្រុងលើរបាយការណ៍ និងការវាយតម្លៃនូវលទ្ធផលសកម្មភាពការងាររបស់រណសិរ្សគ្រប់ថ្នាក់ក្នុងរយៈពេល១៧ឆ្នាំ ពីឆ្នាំ ២០០៦ ដល់ឆ្នាំ២០២៣ និង កំណត់ទិសដៅ កម្មវិធី សកម្មភាពការងារនាពេលខាងមុខ ស្របតាមការវិវឌ្ឍថ្មីនៃសភាពការណ៍របស់ ប្រទេសជាតិ ដែលកំពុងឈានទៅមុខយ៉ាងរលូនលើមាគ៌ាសន្តិភាព និងការអភិវឌ្ឍ។
អង្គមហាសន្និបាត បានអនុម័តជ្រើសតាំង សម្តេចអគ្គមហាពញាចក្រី ហេង សំរិន ជាប្រធានកិត្តិយសក្រុមប្រឹក្សាជាតិរណសិរ្សសាមគ្គី សម្ដេចមហាបវរធិបតី ហ៊ុន ម៉ាណែត ជាគណៈអធិបតី កិត្តិយស សម្ដេចកិត្តិសង្គហបណ្ឌិត ម៉ែន សំអន ជាប្រធាន និង លោកហ៊ុន ម៉ានី ជាអនុ ប្រធាន នៃក្រុមប្រឹក្សាជាតិរណសិរ្សសាមគ្គី អភិវឌ្ឍន៍មាតុភូមិកម្ពុជា និងឥស្សរជនចំនួន ៤៤អង្គ/នាក់ ផ្សេងៗទៀត។
អង្គមហាសន្និបាត សូមសម្តែងនូវការដឹងគុណយ៉ាងជ្រាលជ្រៅបំផុតចំពោះសម្តេចអគ្គមហាពញាចក្រី ហេង សំរិន ដែលបានបូជាទាំងកម្លាំងកាយ ស្មារតី និងបញ្ញាញាណ ដឹកនាំអង្គការរណសិរ្ស ឱ្យមាន ដំណើរការ និងវឌ្ឍនភាពក្នុងរយៈកាលកន្លងមក និងសូមប្ដេជ្ញាបន្តជ្រោងទង់រណសិរ្សមហាសាមគ្គី ជាតិ សំដៅប្រមូលផ្ដុំកម្លាំងប្រជាជាតិខ្មែរទាំងមូល ព្រមទាំងកត្តាអនុគ្រោះនានាទាំងខាងក្នុង និងក ប្រទេស ដើម្បីអភិវឌ្ឍ មាតុភូមិ ឲ្យចម្រើនជឿនលឿន សម្បូរសប្បាយក្នុងសន្តិភាព សេរីភាព ប្រជាធិបតេយ្យ យុត្តិ ធម៌ និងភាពថ្លៃថ្នូរ ស្របតាមកម្មវិធី និងគោលនយោបាយរបស់គណបក្ស និងរាជរដ្ឋាភិបាល។
អង្គមហាសន្និបាត ក៏សូមថ្លែងអំណរ គុណយ៉ាងជ្រាលជ្រៅជូនចំពោះបណ្តាប្រទេសជាមិត្តជិតឆ្ងាយ ជាពិសេសបក្សកុម្មុយនីស្តវៀតណាម ក៏ដូចជាជូនចំពោះរដ្ឋាភិបាល កងទ័ព និងប្រជាជនវៀត ណាម ដែល បានឆ្លើយតបទៅនឹងការអំពាវនាវរបស់រណសិរ្សសាមគ្គី សង្គ្រោះជាតិកម្ពុជា ក្នុងការតស៊ូរំដោះប្រទេស និង ប្រជាជនកម្ពុជា ពីរបបប្រល័យពូជ សាសន៍ ។
អង្គមហាសន្និបាត សូមសម្តែងនូវកតញ្ញូតាធម៌ដ៏ជ្រាលជ្រៅជាទីបំផុតចំពោះឥស្សរជនអ្នកស្នេហា ជាតិគ្រប់រូប ជា ពិសេស សម្តេចអគ្គមហាពញាចក្រី ហេង សំរិន និងសម្តេចអគ្គមហាសេនាបតីតេជោ ហ៊ុន សែន ដែលជាអគ្គស្ថាបនិកដ៏ឧត្ដុង្គឧត្តមរបស់អង្គការរណសិរ្ស គឺជាបុព្វការីដ៏មានគុណូបការៈបំផុត ដែលបានធ្វើពលី កម្មសាច់ស្រស់ ឈាមស្រស់ ប្រកបដោយមហាវីរភាពក្នុងបុព្វហេតុរំដោះជាតិ មាតុ ភូមិ និង ប្រជាជនចេញពីរបបប្រល័យពូជសាសន៍ និងបានខិតខំស្តារ កសាង និងអភិវឌ្ឍប្រទេសជាតិរហូតមានការ រីកចម្រើនដូចសព្វថ្ងៃ។សូមបញ្ជាក់ថារណសិរ្សសាមគ្គី អភិវឌ្ឍន៍មាតុភូមិកម្ពុជាសព្វថ្ងៃត្រូវបានបង្កើតឡើងកាលពីថ្ងៃទី២ធ្នូឆ្នាំ១៩៧៨នៅក្នុងទឹកដីរំដោះដោយមានឈ្មោះរណសិរ្សសាមគ្គីសង្គ្រោះជាតិកម្ពុជា។ក្រោយមកផ្លាសឈ្មោះជារណសិរ្សសាមគ្គីកសាងការពារមាតុភូមិកម្ពុជា។បន្ទាប់មកជារណសិរ្សសាមគ្គីអភិវឌ្ឈន៍ជាតិកម្ពុជា៕
.jpg&h=97&w=146)
