វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3571 នាក់
ម្សិលមិញ 6677 នាក់
សរុប 14151147 នាក់
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានថ្លែងនៅថ្ងៃទី២៥ ខែវិច្ឆិកា ឆ្នាំ២០២០ ក្នុងពិធីជួបសំណេះសំណាល ជាមួយ«មេធាវីស្ម័គ្រចិត្តសម្តេចតេជោសែន» នៅវិមានសន្តិភាព ឲ្យដឹងថា ពាក្យបណ្តឹងរបស់សម្តេចប្រើប្រាស់ពេលវេលា សម្រាប់ដំណើរការជាង៣ឆ្នាំឯណោះ។ដូច្នេះមិនគួរមិនគួរមានការលើកឡើងថា ដំណើរការសំណុំរឿងនៅកម្ពុជាយូរបែបនេះ ឬបែបនោះទេ។
សម្តេចតេជោ បានបន្ថែមថា គ្មាននរណាមិនសិទ្ធិទៅបង្ខំតុលាការនោះឡើយ ហើយបើតុលាការនៅបារាំងគេមិនអាចបង្ខំបាន នៅកម្ពុជាក៏គ្មាននរណាទៅបង្ខំតុលាការបាននោះដែរ។ ការលើកឡើងនេះ បានធ្វើឡើងបន្ទាប់ពីមានជនបរទេសមួយចំនួនថា នីតិវិធីដំណើរការរឿងក្តីរបស់តុលាការកម្ពុជាមានភាពយឺតយ៉ាវ។«រឿងក្តីខ្ញុំនៅបារាំងតុលាការកំណត់ថ្ងៃទី១ ខែកញ្ញា ឆ្នាំ២០២២។ នែក! គ្រាន់តែជាបណ្តឹងបរិហារកេរ្តិ៍ ប្តឹងតាំងពីឆ្នាំ២០១៩ តុលាការទើបកំណត់ថ្ងៃសវនការ នៅម៉ោង ១៖៣០នាទី។ អញ្ចឹងរឿងអី ដែលពួកបរទេសនានាមកនិយាយថា ឲ្យការកាត់ក្តីលើសំណុំរឿងមួយចំនួន នៅភ្នំពេញឲ្យបានឆាប់។ យើងទៅបង្ខំតុលាការម៉េចកើត បើយើងគ្មានលទ្ធភាពទៅបង្ខំតុលាការនៅបារាំងទេ គេក៏គ្មានលទ្ធភាពមកបង្ខំតុលាការនៅភ្នំពេញដែរ»។
សម្តេចតេជោ ហ៊ុន សែន បានរំលឹកថា សម្តេចបានឈ្នះក្តីពីកាសែតហ្វីការ៉ូ នៅទីក្រុងប៉ារីស កាលពីឆ្នាំ១៩៩៧ ដោយទទួលបានថវិកាសំណង ៥ម៉ឺនហ្វ្រង់ តែចំណាយ ១សែន ២ម៉ឺនហ្វ្រង់។សូមបញ្ជាក់ផងដែរថា កាលពីថ្ងៃទី២០ ខែសីហា ឆ្នាំ២០១៩ សម្តេចតេជោ ហ៊ុន សែន តាមរយៈមេធាវីរាជរដ្ឋាភិបាលកម្ពុជា និងមេធាវីបារាំង បានសម្រេចដាក់ពាក្យបណ្តឹងជាផ្លូវការ ប្តឹងទណ្ឌិត សម រង្ស៉ី ពីបទ «បរិហារកេរ្តិ៍ជាសាធារណៈលើបុគ្គល» ទៅកាន់តុលាការទីក្រុងប៉ារីស នៃប្រទេសបារាំង៕