» កីឡាករ​កម្ពុជា​និង​គ្រូ​ដែល​ទៅ ចូលរួម​កីឡា​ស៊ី​ហ្គេម​បាន​ម្នាក់​៥០០​ដុល្លារ​តែ​ហាម កុំ​បំពាន​វិធានការ​ប្រកួត និង​កុំ​ប្រើប្រាស់​សារធាតុ​លើក​កម្លាំង​! » មេដឹកនាំ​បក្សប្រឆាំង​ស្រីលង្កា​ចូលចិត្តចិន​ជាប់ឆ្នោត​ជា​ប្រធានាធិបតី​ថ្មី » តេ​ជោ​សែន​៖​លុយ​បាន​ពី​ប្រេងកាត​នឹង​យកទៅ​ប្រើ​សម្រាប់តែ​ការកសាង​ហេ​ដ្ឋា​រចនា​សម្ព​ន្ធ័​តែប៉ុណ្ណោះ​! » ជម្រាបជូន​ឯកឧត្តម វ៉េង សាខុន រដ្ឋមន្ត្រី​ក្រសួងកសិកម្ម រុក្ខាប្រមាញ់​និង​នេសាទ​និង​ឯកឧត្តម​អេង ជា​សាន្ត​ប្រតិភូ​រាជរដ្ឋាភិបាល​ទទួលបន្ទុក​រដ្ឋបាល​ជលផល​ស្ដីអំពី​ករណីរ​បទល្មើស​នេសាទ​កំពុង​ចាប់ផ្តើម​កើតមាន​យ៉ាង​អានាធិបតេយ្យ​ក្នុង​បឹង​ទន្លេសាប​ហើយ​! » កម្ពុជា​កាន់ទុក្ខ​សម្ដេច​រាជបុត្រី ព្រះរៀម នរោត្តម បុប្ផា​ទេវី​ទូទាំងប្រទេស​ » គុក​ព្រៃ​ស ថ្មី​ទំនើប ចាំ​ទទួល​ស្វាគមន៍​អ្នកទោស​តែ​មន្ត្រី​សិទ្ធមនុស្ស​ថា​ប្រ​យ​ត្ន័​មានការ​រើសអើង​! » ទ្រង់​នរោត្តម​ចក្រាវុធ​បញ្ចេញស្នាដៃ​ដេញ​មន្ត្រី​ចេញពី​គណបក្ស​ហ្វ៊ុនស៊ិនប៉ិច​៤​នាក់​ថែមទៀត​! » កាស៊ីណូ​ឃ្វី​ន​ច្រក​ដូង​បើក​ឲ្យ​ពលរ​ដ្ធ​ខ្មែរ​ចូល​លេង សម​ត្ត​កិច្ច​បាន​តុង​ប៉ុន្មាន​ដែរ​? » កូនស្រី​ភ្លោះ​អ្នកតា​កែវ​ចូល​រោងការ​ក្នុង​ថ្ងៃ​តែមួយ​! » សម្តេច​តេ​ជោ​៖​រឿង​អ្នក​ចាញ់បោក​ប្រកាស​លែង​នៅ​ខេត្តកំពត​តែប្រកាសថា​អាច​ប្រមូល​វិញ​នៅ​ខេត្ត​ព្រះសីហនុ​! » ទូត​អាមេរិក​សង្ឃឹមថា​ប្រជាពលរដ្ឋ​ខ្មែរ​នឹង​បាន​ស្តាប់​វិទ្យុ​អាស៊ីសេរី​និង​វី​អូ​អេ​តាមរយៈ​វិទ្យុ​ក្នុងស្រុក​ » ម្សៀ​ឬ​ទ្ធី​នាយ​ផ្នែ​រដ្ឋបាល​ព្រៃឈើ​ស្រុក​ទឹកផុស​ធើ​ឆ្អី​បានជា​បណ្តោយ​ឲ្យ​ឈ្មួញ​ជា​មន្ត្រី​ប៉េអឹម​ដឹកឈើ​ទាំង​ថ្ងៃ​ចឹ​ង​? » រឿង​លោក កឹម សុខា ជិត​ចប់​ហើយ ក្រោយ​ដំណើរការ​នីតិវិធី​ជាង​២​ឆ្នាំ​  » សាលា​រាជធានី​ឯកភាព​ប្លង់​សំណង់​ស្ពាន​ថ្មើ​ជើង​ស្តុ​ប​សន្ធរ​មុខ​ » តេ​ជោ​ចិត្តល្អ​ចំពោះ​អ្នក​ចាញ់បោក​សមរង្ស៊ី​ពេល​សម្ពោធ​រោងចក្រ​ស៊ីម៉ង់​តិ៍ «​ថៃ​ប៊ុន​រ៉ុង​» នៅ​ខេត្តកំពត

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 3643 នាក់

ម្សិលមិញ 7625 នាក់

សរុប 3336515 នាក់

កម្លាំងប្រដាប់អាវុធ​ខេត្តបាត់ដំបង​និង​បន្ទាយមានជ័យ​បញ្ចេញ​សាច់ដុំ​ត្រៀម​បង្ក្រាប​ក្រុម​លោក​សមរង្ស៊ី​បង្ក​ការ​ព្រួយខ្លាចមានហឹង្សា​!?

 

 

​បន្ទាយមានជ័យ​បាត់ដំបង​៖​កងកម្លាំងប្រដាប់អាវុធ​រាប់រយ​នាក់ ដែលមាន​អាវុធ​គ្រប់​ដៃ​ធ្វើដំណើរ​ថ្មោះ​ជើង​និង​តាម​ឡាន​តាម​ដងផ្លូវ​ក្នុង​ទី​រួម​ខេត្ត​អាជ្ញាធរខេត្ត​បន្ទាយមានជ័យ និង​ខេត្តបាត់ដំបង នៅ​ព្រឹក​ថ្ងៃទី​១ វិច្ឆិកា​ដើម្បី​ការពារ​ពិធីបុណ្យ​ហូប​អំបុក​ការពារជាតិ​សាសនា​ព្រះមហាក្សត្រ​ដែល​ដាក់ចេញ​ដោយ​ប្រមុខ​រាជរដ្ឋាភិបាល​។a army bb2 

​សកម្មភាព​នេះ​បើទោះជា​មាន​សេចក្តីជូនដំណឹង​ថា​កុំ​ឲ្យ​ភ័យព្រួយ​ក៏ដោយ​ក៏​ប្រជាពលរដ្ឋ​មួយចំនួន​បានចេញ​ស្វាគមន៍​ជូន​ទឹក​មី​កញ្ចប់​ក៏ដោយ​ក៏មាន​ប្រជាពលរដ្ឋ​មួយចំនួន​ផ្សេងទៀត​​រស់នៅ​ខេត្ត​ទាំងនេះ​ព្រួយបារម្ភ ខ្លាច​ការបញ្ចេញ​កងក​ម្លាំ​ង​ដ៏​ច្រើន​នេះ​បង្ក​ឲ្យ​មាន​អំបើ​ហឹ​ង្សា ព្រោះ​វា​ស្រប​ពេលដែល​គម្រោង​ថ្ងៃ​ធ្វើ​មាតុភូមិនិវត្តន៍​របស់​ប្រធានស្ដីទី​គណបក្ស​សង្គ្រោះ​ជាតិ​លោក សម រង្ស៊ី ដែល​ប្រកាសថា​ចូល​ស្រុក​ថ្ងៃ​៩​វិច្ឆិកា​។​

​ប្រជាពលរដ្ឋ​នៅឯ​ខេត្តបាត់ដំបង បាន​ប្រាប់​កាសែត​ពី​រឿង​បញ្ចេញ​កងកម្លាំង​ជាច្រើន​នាក់​តាម​ដងផ្លូវ​ថា នៅ​ខេត្តបាត់ដំបង មាន​អ្នកស្រុក​ខ្លះទៅ​ហែហម និង​ជូន​បន្លែ​ត្រី​សាច់ ទឹក​សុទ្ធ និង​គ្រឿង​ហូបចុក​មួយចំនួនទៀត​តាម​ដងផ្លូវ​ក៏មាន ប៉ុន្តែ​ក៏មាន​ពលរដ្ឋ​មួយចំនួន​ភ័យខ្លាច ហើយ​នាំគ្នា​ទៅ​ដក​ប្រាក់​ពី​ធនាគារ ដើម្បី​ដាក់​ជាប់​ខ្លួន​ទុក​ប្រើប្រាស់​ខ្លាច​ប្រទេស​កើត​ចលាចល​នៅពេល​ខាងមុខ​៖ «​ព្រោះ​ធ្វើឱ្យប៉ះពាល់​ដល់​ប្រជាពលរដ្ឋ មិនជា​ហែ​យ៉ាងម៉េច របៀប​គំរាម​ពលរដ្ឋ ហើយ​ខ្ញុំ​មិន​សប្បាយចិត្ត​សោះ វា​ដូច​ប្រទេស​មាន​ភ័យ​អាសន្ន​រដ្ឋាភិបាល​មិនគួរ​ធ្វើ​អីចឹង​ទេ ព្រោះ​ធម្មតា​កងទ័ព​ត្រូវការពារ​ពលរដ្ឋ ដល់ពេល​គាត់​ធ្វើបែបនេះ​ហាក់ដូចជា​បង្អើល​ពលរ​ដ្ឋ​ធ្វើឱ្យ​ភ័យខ្លាច​មិនដឹង​ជា​ហ្វឹកហាត់​យកទៅ​បាញ់​អី​ខ្ញុំ​ឆ្ងល់​ដែរ បើ​កាំភ្លើង​សព្វបែបយ៉ាង​បែបនេះ​ងាប់​ហើយ​»​។​

​គេហទំព័រ​ហ្វេ​ស​ប៊ុ​ក​ទីបញ្ជាការដ្ឋាន​កងរាជអាវុធហត្ថ​ខេត្តបន្ទាយមានជ័យ​ឱ្យដឹងថា កងកម្លាំង​ដែល​ហែ​ក្បួន​នោះ រួមមាន កងរាជអាវុធហត្ថ​ខេត្ត ទាហាន និង​នគរបាល ខេត្តបន្ទាយមានជ័យ នៅ​ថ្ងៃទី​១ វិច្ឆិកា​ហ្វឹកហាត់​រួមគ្នា ដើម្បី​បង្កើន​ការថែរក្សា​សន្តិសុខ សណ្ដាប់ធ្នាប់​សាធារណៈ និង​សុវត្ថិភាព​នៅក្នុង​ខេត្ត​។ ការហ្វឹកហាត់​នេះ មានការ​ចល័ត​កម្លាំង​ចេញពី​ទីបញ្ជាការដ្ឋាន​ទិស​ទី​១ និង​ទីបញ្ជាការដ្ឋាន​កងរាជអាវុធហត្ថ​ខេត្តបន្ទាយមានជ័យ ឆ្ពោះទៅ​ស្នងការដ្ឋាន​នគរបាល​ខេត្ត​ផងដែរ​។​

​អាវុធហត្ថ​ខេត្ត​បញ្ជាក់ទៀតថា ការហ្វឹកហាត់​នេះ ដើម្បី​បង្កើន​សមត្ថភាព ការពារជាតិ សាសនា ព្រះមហាក្សត្រ របស់​រដ្ឋាភិបាល​សព្វ​ថ្ងៃ​។​
​រីឯ​គេហទំព័រ​ហ្វេ​ស​ប៊ុ​ក​ស្នងការដ្ឋាន​នគរបាល​ខេត្តបាត់ដំបង​ឱ្យដឹង​នៅ​ថ្ងៃទី​១ វិច្ឆិកា​ថា កម្លាំង​នគរបាល កងរាជអាវុធហត្ថ និង​ទាហាន​ទាំងនោះ បែង​ចែកជា ៤​ក្រុម ដើម្បី​ត្រៀម​ចុះ​ល្បាត និង​អន្តរាគមន៍​ក្នុង​ខេត្តបាត់ដំបង ដែលមាន​ជាង ៤០០​នាក់​។ ក្នុងនោះ​កម្លាំង​ប៉ូលិស​នៃ​ស្នងការដ្ឋាន​នគរបាល​ខេត្ត ទាហាន​ភូមិភាគ​៥ ទាហាន​សឹក​រង​ខេត្ត និង​កងរាជអាវុធហត្ថ​ខេត្តបាត់ដំបង​។​

​ក្រៅពី​ការបញ្ចេញ​កងកម្លាំងប្រដាប់អាវុធ​នៅ​ទី​រួម​ខេត្ត​នេះហើយ នៅតាម​ច្រកព្រំដែន​កម្ពុជា​-​ថៃ​ក្នុង​ខេត្តបាត់ដំបង បន្ទាយមានជ័យ ប៉ៃលិន និង​ខេត្តឧត្ដរមានជ័យ ក៏មាន​កងកម្លាំង​ចន្លោះ​ពី ១០​ទៅជិត​១០០​នាក់ ពង្រាយ​នៅ​គ្រប់​ច្រកព្រំដែន​ដែរ ជាពិសេស នៅ​ច្រកទ្វារព្រំដែន​ច្រក​ប៉ោយប៉ែត ខេត្តបន្ទាយមានជ័យ ច្រក​ដូង​ក្នុង​ខេត្តបាត់ដំបង និង​ច្រក​អូ​ស្មាច់​ខេត្តឧត្ដរមានជ័យ​ជាដើម សុទ្ធ​តែមាន​ប៉ូលិស ទាហាន និង​មន្ត្រី​កងរាជអាវុធហត្ថ​ប្រដាប់​ដោយ​កាំភ្លើង​គ្រប់​ដៃ ឈរ​នៅតាម​មាត់ច្រក​ព្រំដែន​..​។​

​កាលពី​ថ្ងៃទី​៣១​តុលា​លោក សម រង្ស៊ី ប្រធានស្ដីទី​គណបក្ស​ស​ង្គ្រោះ​ជាតិ​បានចេញ​វី​ឌី​អូ​ឃ្លី​ប​ជា​ភាសា​អង់គ្លេស​ដ៏​កម្រ​មួយ ដែល​លោក​អះអាងថា ជា​វីដេអូ​ដែល​លោក​នៅមាន​សេរីភាព​។ លោក សម រង្ស៊ី អំពាវនាវ​ទៅកាន់​សហគមន៍​អន្តរជាតិ មុនពេល​លោក​ត្រឡប់​ទៅ​កម្ពុជា​វិញ​នៅ​ថ្ងៃទី​៩ វិច្ឆិកា​ថា​“​លោក​បាន​ត្រៀមខ្លួន​រួចរាល់ វិល​ត្រលប់​ទៅ​កម្ពុជា​វិញ ទោះបីជា​ត្រូវ​លះបង់​ជីវិត​ក៏ដោយ គឺ​ដើម្បី​ស្ដារ​លទ្ធិប្រជាធិបតេយ្យ​“​។​

​នៅក្នុង​វី​ឌី​អូ​ឃ្លី​ប​ ដែល​បង្ហោះ​នៅលើ​បណ្ដាញ​សង្គម​ហ្វេ​ស​ប៊ុ​ក​របស់លោក នៅ​ថ្ងៃទី​៣១ តុលា​នោះ លោក សម រង្ស៊ី ផ្ដែផ្ដាំ​សារ​ចុងក្រោយ ទៅកាន់​មនុស្ស​ទាំងអស់​លើ​ពិភពលោក ទាំង​អ្នក​ដែល​ធ្លាប់​ស្គាល់​លោក និង​អ្នក​មិនដែល​ស្គាល់​លោក​ថា​៖ «​ពេលនេះ គឺជា​ពេលវេលា​មួយ ដែល​លោកអ្នក អាច​មើលឃើញ​រូបខ្ញុំ (​សម រង្ស៊ី​) ជា​លើក​ទី​១ ហើយក៏​អាចជា​លើកចុងក្រោយ​ដែរ ដែល​ឃើញ​លោក​នៅ “​មានជីវិត និង​សេរីភាព​“»​។​

​ក្រុម​មេដឹកនាំ​ពលករ​ខ្មែរ​នៅក្រៅ​ប្រទេស ដែលមាន​និន្នាការ​គាំទ្រ​គណបក្ស​សង្គ្រោះ​ជាតិ អំពាវនាវ​ឲ្យ​កងកម្លាំងប្រដាប់អាវុធ កំពុង​ល្បាត​នៅតាម​ព្រំដែន កម្ពុជា ថៃ កុំ​វាយ​បង្ក្រាប ឬ​បាញ់ប្រហារ​ពលករ​ខ្មែរ នៅ​ថ្ងៃទី​០៩ វិច្ឆិកា​។ ពួកគេ អះអាងថា ពលករ​ខ្មែរ ទាំងអស់ អមដំណើរ លោក សម រង្ស៊ី វិល​ទៅ​ប្រទេស​កម្ពុជា ដើម្បី​ស្ដារ​លទ្ធិប្រជាធិបតេយ្យ និង​ដើម្បី​ទាមទារ​ផលប្រយោជន៍​ឲ្យ​កងកម្លាំងប្រដាប់អាវុធ​។​a army bb3 a army bb4 a army bb5 a army bb a army bb1