វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 356 នាក់
ម្សិលមិញ 6677 នាក់
សរុប 14147932 នាក់
បារាំង៖ប្រធានាធិបតីបារាំងលោកអេម៉ានុយអែលម៉ាក្រុន( Emmanuel Macron) បានសម្តែងនូវសុទិដ្ឋិនហយមថាអនាគតរបស់ប្រទេសរុស្ស៊ីត្រូវបានផ្សារភ្ជាប់ជាមួយ អឺរ៉ុប ។ នេះបើតាមការចុះផ្សាយដោយសារព័ត៌មាន TASS នៅថ្ងៃទី២០ ខែសីហានេះ។
បន្ទាប់ពីជួបប្រជុំជាមួយសមភាគីរុស្ស៊ីគឺលោកវ្លាឌីមៀពូទីន( Vladimir Putin) នៅឯបន្ទាយប្រ៊ីហ្កានកន( Bregancon )អស់រយៈពេល ២ម៉ោងកន្លះ លោក ម៉ាក្រុន(Macron) បានសរសេរនៅលើបណ្តាញសង្គម Tweeter របស់លោកថា“ ខ្ញុំជឿជាក់ថាអនាគតរបស់ប្រទេសរុស្ស៊ី មានទំនាក់ទំនងល្អយ៉ាងពេញលេញជាមួយប្រទេសនៅតំបន់អឺរ៉ុប“។
លោក Macron ឲ្យដឹងថា កិច្ចពិភាក្សាជាមួយលោកពូទីនក៏បានផ្តោតលើស្ថានភាពជុំវិញ ភ្លើងឆេះនៅស៊ីបេរី និងការសាយភាយ ក្នុងតំបន់។ លោកក៏បានសង្កត់ធ្ងន់ថា “ប្រទេសរុស្ស៊ីកំពុងដោះស្រាយជាមួយនឹងផលវិបាកដ៏ធ្ងន់ធ្ងរនៃការប្រែប្រួលអាកាសធាតុ។ ខ្ញុំរីករាយដែលបានសំរេចចិត្តផ្តល់សច្ចាប័នលើកិច្ចព្រមព្រៀងអាកាសធាតុទីក្រុងប៉ារីសដែលជាចលនានិមិត្តរូបដ៏សំខាន់មួយហើយយើងគួរតែដើរតាមគន្លងនោះ” ។
មេដឹកនាំទាំងពីរក៏បានសម្តែងការប្តេជ្ញាចិត្តក្នុងការបង្កើតស្ថេរភាពរយៈពេលវែងនៅលីប៊ី និងរៀបចំសណ្តាប់ធ្នាប់ ឡើងវិញមួយនេះ។ ចំពោះបញ្ហានៅស៊ីរីវិញលោក Macron បានសង្កត់ធ្ងន់លើភាពចាំបាច់នៃបទឈប់បាញ់ជាបន្ទាន់នៅខេត្ត Idlib ស្របតាមកិច្ចព្រមព្រៀងដែលសម្រេចបាននៅឯកិច្ចប្រជុំ Sochi នាថ្ងៃទី ១៧ ខែកញ្ញាឆ្នាំ ២០១៨ កន្លងទៅ។សូមបញ្ជាក់ដែរថាចំណងមិត្តភាពស្អិតល្មួតរវាងបារាំងនិងអាមឹរិកមានភាពកកល្អកចាប់តាំងពីអាមេរិកលោកដូណា់ត្រាំដកខ្លួនចេញពីកិច្ចព្រមព្រៀងស្តីបំរែបំរួលធាតុអាកាសដែបរាំងជាអ្នកផ្តួចផ្តើម។
គួរជម្រាបជូនដែរថា កិច្ចពិភាក្សារវាងប្រធានាធិបតីរុស្ស៊ីនិងបារាំងមានរយៈពេលជាង ២ ម៉ោងកន្លះគីនេះភាគីទាងពីរមិនចេញនូវសេចក្តីថ្លែងការណ៍ជាផ្លូវការណាមួយដល់អ្នកសារព័ត៌មាននោះឡើយ។
សូមបញ្ជាក់ដែរថាកាលពីឆ្នាំ២០១៧ លោកប្រធានាធិបតីបារាំង បានទទួលជួបលោកពូទីននៅវាំងវែកសៃត៍ ទីពីរនៅក្រុងសាំងប៉េស្ត្រាស្បួរប្រទេសរុស្ស៊ី នៅឆ្នាំ២០១៨។ នេះដោយមិនរាប់អំពីការជួបបែបទ្វេភាគី នៅពេលមានជំនួបផ្សេងៗដូចជា ជំនួបហ្សេ២០នៅអូសាកា កាលពីខែមិថុនា ឬនៅប្រេស៊ីលកាលពីខែធ្នូឆ្នាំ២០១៨ផង។ជំនួបថ្ងៃនេះ មានអត្ថន័យខ្លាំង ព្រោះវាប្រព្រឹត្តទៅតែ៥ថ្ងៃប៉ុណ្ណោះ មុនការបើកជំនួបកំពូលហ្សេ៧ នៅប្រទេសបារាំង និងដែលបារាំងជាប្រធានផ្លាស់វេនទៀត។ ក្រុមហ្សេ៧ដែលជាប្រទេសមហាឧស្សាហកម្មដំបូងគេនៅលើពិភពលោក រួមមានសហរដ្ឋអាមេរិក បារាំង អង់គ្លេស អាល្លឺម៉ង់និងអ៊ីតាលី។ រុស្ស៊ីត្រូវបានគេដកចេញពីក្រុមមហាអំណាចតាំងពីឆ្នាំ២០១៤ និងមិនអាចចូលរួមក្នុងជំនួបកំពូលនៅចុងសប្តាហ៍នេះបានទេ។
កម្មវត្ថុនៃជំនួបម៉ាក្រុង-ពូទីនមានច្រើន តែមិនមែនជាចង់គៀងគ នាំរុស្ស៊ីឱ្យមកត្រឡប់ចូលក្នុងមហាអំណាចវិញទេ។ តាមការពិត លោកម៉ាក្រុង ចង់បង្ហាញពិភពលោកថាបារាំងជាមេកើយ លោកចង់ផ្តល់តម្លៃនិងភាពសំខាន់ទៅលើការពិគ្រោះយោបល់ជាមួយរុស្ស៊ី លើសំណុំរឿងអន្តរជាតិសំខាន់ៗ និងចង់ស្ទង់ជំហររុស្ស៊ី មុននឹងទៅបើកជំនួបហ្សេ៧ ក្នុងអត្ថន័យការពារនយោបាយពហុជាតិនិយម។
ថ្វីបើបារាំងនិងរុស្ស៊ីមានទស្សនៈវិស័យខុសគ្នាស្រលះ រុស្ស៊ីមានទំនាក់ទំនងយ៉ាងស្មុគស្មាញបំផុតជាមួយអឺរ៉ុបក៏ដោយ ក៏បារាំងនៅតែចាត់ទុក និងបានចាត់ទុករុស្ស៊ីជាដៃគូមួយដែលមិនគួរមើលរំលងឡើយ ហេតុដូច្នេះបានជាប្រមុខដឹកនាំបារាំងទទួលជួបលោកពូទីន ដើម្បីឱ្យរុស្ស៊ីក៏មានឱកាសបង្ហាញគំនិត បង្ហាញជំហរជុំវិញបញ្ហាទាំងឡាយដែលហ្សេ៧នឹងពិគ្រោះពិភាក្សាគ្នា និងបញ្ជាក់ថា គឺបារាំង (អឺរ៉ុប) មិនមែនទេចិនទេជាដៃគូដ៏សក្តិសមរបស់រុស្ស៊ី ។