គយច្រកទ្វារអន្តរជាតិម៉ឺនជ័យនៅតែមានការ បើកដៃឲ្យឈ្មួញធំៗ នាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់?

ទិវាគ្រូបង្រៀន៥តុលារដ្ឋាភិបាលដាក់ចេញការពង្រឹងការងារខាងគ្រូក្រៅរដ្ឋាភិបាលសុំឲ្យគិតពីជីវភាពគ្រូនិងប្តឹងអន្តរជាតិរៀងទឹកដី!

បង្ក្រាបទីតាំង Online Scam នៅក្រុងប៉ោយប៉ែត ឃាត់ខ្លួនជនសង្ស័យជិត ៦០០នាក់ នៅព្រះសីហនុឃាំត់ខ្លួន៤៤នាក់

បន្ទាប់ពីចាប់ខ្លួនមន្ត្រីនគរបាលអន្តោប្រវេសន៍ព្រលានយន្តហោះនិងមេឃុំព្រែកខ្សាច់ACU រកឃើញមេខ្លោងឆបោកជនជាតិចិនម្នាក់ផ្ទេរលុយ ២៥០លានដុល្លារទៅគណនីគ្រីបតូក្រៅប្រទេស!

សហរដ្ឋអាមេរិកប្តេជ្ញាចិត្តក្នុងការរារាំង និងបង្ក្រាបបណ្តាញឧក្រិដ្ឋកម្មឆ្លងដែន និងប្រយុទ្ធប្រឆាំងនឹងការជួញដូរផលិតផលថ្នាំជក់ខុសច្បាប់!

អាមេរិករឹតបន្តឹងទិដ្ឋាការបុគ្គល៣២នាក់ពាក់ព័ន្ធដែលពាកពន្ធ័នឹង Prince Group របស់ Chen Zhiតែមិនប្រកាសឈ្មោះ

ធនាគារ ឈីហ្វដែលទើបសម្ពោធជាផ្លូវការទីស្នាក់ការកណ្ដាលថ្មី កាលពីឆ្នាំ២០២៥ត្រូវបានធនាគាជាតិដាក់ឲ្យស្ថិតនៅក្រោមការត្រួតពិនិត្យ៣ខែ!

ជាច្រើនទៀត

ចំនួនអ្នកទស្សនា

ថ្ងៃនេះ 10684 នាក់

ម្សិលមិញ 9639 នាក់

សរុប 20700855 នាក់

វៀតណាមបោសម្អាតផ្ទៃក្នុងក្រោមរូបភាពបង្ក្រាបបទល្មើសពុករលួយ!

21-September-2026 / ព័ត៌មានអន្តរជាតិ

វៀតណាម៖ លោក ង្វៀន វ៉ាន់ ទូ (Nguyễn Văn Tú) មេគណបក្សកុម្មុយនិស្ត រាធានីហាណូយ ត្រូវបានចាប់ខ្លួន ក្នុងសំណុំរឿងពុករលួយ នៅចុងសប្តាហ៍កន្លងទៅនេះ។ ការចាប់ខ្លួនមនុស្សមានឥទ្ធិពលក្នុងបក្សកុម្មុយនីស្ត គឺស្របពេលថ្ងៃតែមួយ ដែលតុលាការក្រុងហាណូយ បានប្រកាសដាក់ទោសជាប់ពន្ធនាគារអស់មួយជីវិត ទៅលើអតីតរដ្ឋមន្ត្រីក្រសួងព័ត៌មានវៀតណាម ពីបទល្មើសពុករលួយសូកប៉ាន់។ នេះបើតាមប្រភពពី អ្នកសារព័ត៌មានវៀតណាមប្រចាំក្រុងហាណូយ។ a corup vn1

លោក វូ វ៉ាន់ តាវ (Vo Van Tao)បានវាយតម្លៃថា៖«នាយកខុទ្ទកាល័យបក្សកុម្មុយនិស្ត ប្រចាំរដ្ឋធានីហាណូយ លោក ង្វៀន វ៉ាន់ ទូ (Nguyễn Văn Tú)គឺធ្លាប់ធ្វើជាប្រធានការិយាល័យវិនិយោគក្រុងហាណូយ។ ការចាប់ខ្លួនគាត់ គឺស្ថិតក្នុងក្របខណ្ឌវិធានកម្ចាត់អំពើពុករលួយដែលបានចាប់ផ្តើមធ្វើឡើងជាច្រើនខែមកហើយ។

ចំពោះសំណុំរឿងពុករលួយទិញក្រុមហ៊ុនខាងប្រព័ន្ធផ្សព្វផ្សាយ គឺយើងបានដឹងថាមានជាប់ពាក់ព័ន្ធនឹងមនុស្សជាច្រើន ដែលដណ្តើមគ្នាចង់បានតំណែងជា អនុរដ្ឋមន្ត្រីក្រសួងការពារជាតិ។ ក្នុងចំណោមអ្នកប្រជែងគ្នានេះ ក៏មាន អភិបាលក្រុងហាណូយ ម្នាក់ផងដែរ។ ហើយដើម្បីសម្រេចបំណងនេះ គឺពួកគេខ្លះ បានទម្លាយឯកសារ និងរឿងសម្ងាត់របស់គូបដិបក្ខ នៅតាមទំព័រកាសែត។

រឿងនេះ យើងច្រើននិយាយជាញឹកញយថាជា «សង្គ្រាមផ្ទៃក្នុងបក្ស»។ តាមគំនិតផ្ទាល់ខ្លួន ខ្ញុំយល់ថា ប្រធានាធិបតីវៀតណាម ង្វៀន ហ្វ៊ូជុំ ជាអគ្គលេខាបក្ស ក៏បានពិចារណាច្បាស់លាស់ដែរ ថាអំពើពុករលួយស៊ីរូង គឺនឹងធ្វើឱ្យគណបក្សរំលំរលាយ។ ដូច្នេះ ចំពោះលោកប្រធានាធិបតី បើសិនជាមានករណីអំពើពុករលួយ គឺត្រូវតែកម្ចាត់ ត្រូវតែផ្តន្ទាទោសចំពោះជនជាប់ចោទ គឺដូចករណីជាក់ស្តែង ដូចសំណុំរឿងលោកអតីតរដ្ឋមន្ត្រីឃោសនាការអ៊ីចឹង។ ក៏ប៉ុន្តែ រឿងប្រជែងអំណាចនៅក្នុងបក្សដ៏ស្មុកស្មាញបែបនេះ ពេលខ្លះ ប្រមុខរដ្ឋក៏មិនបានជ្រាបដឹងអស់ដែរ។

ទោះជាយ៉ាងណាក៏ដោយ ចំពោះករណីបទល្មើសពុករលួយ សម្រាប់ពលរដ្ឋវៀតណាមភាគច្រើន គឺគេសង្ឃឹមថា ប្រព័ន្ធយុត្តិធម៌នឹងស្រាវជ្រាវវែកមុខជនល្មើស រហូតដល់ទីបំផុត បើទើបជាត្រូវចាប់ខ្លួន និងផ្តន្ទាទោសចំពោះថ្នាក់ដឹកនាំកំពូលៗទាំងបួននាក់របស់រដ្ឋក៏ដោយ ក៏គួរតែធ្វើដែរ ប្រសិនបើពួកគេបានប្រព្រឹត្តអាក្រក់ពុករលួយមែននោះ»។

សូមបញ្ជាក់ដែរថា៖លោក ង្វៀន បាក សឺន (Nguyễn Bắc Son) អតីតរដ្ឋមន្ត្រីក្រសួងព័ត៌មានវៀតណាម ចន្លោះឆ្នាំ២០១១ ដល់២០១៦ ដែលជាមនុស្សឥទ្ធិពលមួយរូប ក្នុងគណៈកម្មការកណ្តាលរបស់មជ្ឈិមបក្សកុម្មុយនិស្តវៀតណាម ត្រូវសមត្ថកិច្ចចាប់ឃុំខ្លួនកាលពីខែកុម្ភៈឆ្នាំ២០១៨។អនុប្រធានរបស់លោកអតីតរដ្ឋមន្ត្រីព័ត៌មាន គឺលោក ជើង មិញ ទួន (Trương Minh Tuấn) ដែលបានឡើងកាន់តំណែងជារដ្ឋមន្ត្រីព័ត៌មាន រហូតដល់ថ្ងៃចាប់ខ្លួន នៅខែកក្កដា២០១៩ក៏បានតុលាការកាត់ទោសកាលពី ទី២៨ធ្នូកន្លងទៅនេះ ឲ្យជាប់ពន្ធនាគារ ចំនួន១៤ឆ្នាំ ។

មនុស្សពាក់ព័ន្ធ និងមន្ត្រីរដ្ឋការ ដែលឃុតឃិតក្នុងរឿងសូកប៉ាន់ ប្រមាណជាង១០នាក់ទៀត ត្រូវទទួលទោស ចាប់ពី២ឆ្នាំរហូតដល់២៣ឆ្នាំ។ សំណុំរឿងពុករលួយ នេះ គឺទាក់ទងនឹងការទិញក្រុមហ៊ុនសោតទស្សន៍ឯកជន ដែលបានបណ្តាលនាំឱ្យខាតបង់ថវិការដ្ឋ ប្រមាណជាង៣០០លានដុល្លារ។
បើតាមរូបភាពនេះគឺជាយុទ្ធនាការប្រឆាំងនឹងអំពើពុករលួយនៅជួរគណបក្សនិងជួររដ្ឋាភិបាលវៀតណាម។ ក៏ប៉ុន្តែបើតាម អ្នកសង្កេតការណ៍វិញ បានវាយតម្លៃថា «មិនត្រឹមតែបោសសម្អាតអំពើពុករលួយប៉ុណ្ណោះទេ តែក៏ជាការប្រកួតប្រជែងអំណាចគ្នា នៅផ្ទៃក្នុងបក្សកុម្មុយនិស្តវៀតណាមផងដែរ»។ a corup vn