វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 711 នាក់
ម្សិលមិញ 4140 នាក់
សរុប 14163101 នាក់
ប្រទេសភូមាន៖មនុស្ស ២៩នាក់ត្រូវបានសម្លាប់ និងរាប់សិបនាក់ផ្សេងទៀតបានរងរបួស នៅក្នុងការវាយប្រហារមួយរបស់កងទ័ពមីយ៉ាន់ម៉ាលើជំរំមួយ សម្រាប់ជនភៀសខ្លួននៅក្នុងតំបន់ភាគខាងជើងនៃប្រទេសមីយ៉ាន់ម៉ា។ ទីភ្នាក់ងារសារព័ត៌មាន AFP នៅថ្ងៃអង្គារ ទី១០ ខែតុលា ឆ្នាំ២០២៣ផ្សាយ ដោយផ្អែកលើប្រភពដែលខ្លួនទទួលបានពីអ្នកនាំពាក្យម្នាក់មកពីក្រុមប្រដាប់អាវុធជនជាតិដើមភាគតិចកាជីន (Kachin)ដែលគ្រប់គ្រងតំបន់រងការវាយប្រហារខាងលើ បានឱ្យដឹងទៀតថាការវាយប្រហារនេះកើតមានឡើងនៅម៉ោងប្រហែល ១១៖៣០នាទីកាលពីយប់ ថ្ងៃចន្ទសប្ដាហ៍នេះ។
អ្នកនាំពាក្យរូបនេះបានគូសបញ្ជាក់ដូច្នេះថា «យើងបានរកឃើញសាកសពមនុស្ស ២៩នាក់ ក្នុងនោះមានទាំងកូនក្មេង និងមនុស្សចាស់…ចំណែក មនុស្ស ៥៦នាក់ផ្សេងទៀតបានរងរបួស»។ មិនទាន់មានការបញ្ជាក់ឱ្យច្បាស់ថាតើការវាយប្រហារនោះធ្វើឡើងដោយរបៀប ណានោះទេ ដ្បិតពួកគេមិនបានឮសំឡេងយន្ដហោះចម្បាំងនោះទេ ហើយបច្ចុប្បន្នពួកគេកំពុងព្យាយាមកំណត់ថាតើយោធាមីយ៉ាន់ម៉ាបានប្រើប្រាស់ យន្ដហោះដ្រូន ក្នុងការវាយប្រហារលើជំរំជនភៀសខ្លួន ស្ថិតនៅក្បែរទីក្រុង ឡៃហ្សា (Laiza) នៅតាមបណ្ដោយព្រំដែនចិនឬក៏យ៉ាងណា? ។ករណីយ៍នេះខាង យោធាមីយ៉ាន់ម៉ាមិនទាន់បានធ្វើអត្ថាធិប្បាយអ្វីនៅឡើយទេ។
គួរបញ្ជាក់ថា កងទ័ពឯករាជ្យកាជីន (Kachin Independence Army) តែងតែផ្ទុះជម្លោះជាប្រចាំជាមួយកងទ័ពមីយ៉ាន់ម៉ា ចាប់តាំងពីមានផ្ទុះការធ្វើ រដ្ឋប្រហារយោធាទម្លាក់រដ្ឋាភិបាលស្របច្បាប់របស់លោកស្រី អោងសាន ស៊ូជី ចេញពីអំណាចកាលពីឆ្នាំ២០២១មក។ កងទ័ពមីយ៉ាន់ម៉ាវិញក៏ធ្លាប់បាន ដឹកនាំការវាយប្រហារតាមផ្លូវអាកាសលើការប្រគំតន្ត្រីមួយរៀបចំដោយកងទ័ពឯករាជ្យកាជីនផងដែរកាលពីខែតុលា ឆ្នាំ២០២២ ដោយសម្លាប់មនុស្ស យ៉ាងហោច ៥០នាក់ និង៧០នាក់រងរបួស.កន្លងមកអង្គការសហប្រជាតខាងសិទ្ធមនុស្សបានចោទជាញឹកញាប់ ទៅលើរបបសិកភូមា ថាបានបើកការវាយប្រហារដោយឥតរើសមុខ ទៅលើប្រជាជនស៊ីវីល ក្នុងកំឡុងពេលដែលរបបយោធាផ្តាច់ការនេះ ព្យាយាមបោសសំអាតចលនាបះបោរប្រឆាំង មិនថាទាំងនយោបាយ និងក្រុមជនជាតិភាគតិចបំបែកទឹកដី។ផ្អែកតាមអង្គការសិទ្ធិមនុស្ស គិតពីក្រោយរដ្ឋប្រហារមក របបសិកបានវាយបង្ក្រាប បណ្តាលឲ្យស្លាប់មនុស្ស យ៉ាងហោច៤១០០នាក់ នៅទូទាំងប្រទេស។
ចលនាបះបោរដើម្បីឯករាជ្យនៅរដ្ឋកាឈីន បានធ្វើការប្រយុទ្ធតស៊ូជាច្រើនទសវត្សមកហើយ។ ដោយសារតែការប្រយុទ្ធគ្នា រដ្ឋកាឈីនមានជនភៀសខ្លួនផ្ទៃក្នុងប្រមាណ១សែននាក់ ដែលក្នុងនេះ គឺមាន១ម៉ឺននាក់ទៅបន្ថែមក្រោយពេលរដ្ឋប្រហារ។ បើផ្អែកតាមតួលេខអង្គការសហប្រជាជាតិ។របបសិកភូមា បានចោទថាក្រុមឧទ្ទាមជនជាតិកាឈីន បានជួយបង្វឹកក្រុមប្រជាធិបតេយ្យ ដែលបានប្រមូលផ្តុំគ្នាក្រោយរដ្ឋប្រហារ។