វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2626 នាក់
ម្សិលមិញ 6001 នាក់
សរុប 13875456 នាក់
ខេត្តព្រះសីហនុ៖នៅវេលាម៉ោង១០និង៣០នាទីព្រឹក ថ្ងៃទី២៣ ខែកញ្ញា ឆ្នាំ២០១៨ អគ្គិភ័យបានឆាបឆេះក្លឹបកំសាន្តជនជាតិចិនយីហោ«ដុងហ្វាងអ៊ិនធើធេនមិន» មានទីតាំងស្ថិតនៅតាមបណ្តោយវិថីឯករាជ្យ ត្រង់ចំណុចជាប់នឹងកាស៊ីណូ (ជីង ប៉ី ) ក្បែររង្វង់មូលតោ០២ ស្ថិតក្នុងក្រុម១៧ ភូមិ០៤ សង្កាត់លេខ០៤ក្រុង.ខេត្តព្រះសីហនុ។
សមត្ថកិច្ចដែលចុះអន្តរាគមន៍ពន្លត់បានធ្វើការសន្និដ្ឋាន ថា ករណីខាងលើបណ្តាលមកពីឆ្លងចរន្តអគ្គីសនី។ រថយន្តពន្លត់អគ្គីភ័យជាច្រើនគ្រឿង បានប្រើប្រាស់អស់រយៈពេលប្រមាណជា០២ម៉ោងក្នុងការបាញ់ទឹកពន្លត់ ទើបរលត់ទៅវិញនៅវេលាម៉ោង១២គត់។ទោះជាយ៉ាងណាហេតុការណ៍ខាងលើមិនបណ្តាលឲ្យមានរងរបួស ឬបាត់បង់អាយុជីវិតមនុស្សទេ.។
ប៉ុន្តែការសន្និដ្ឋានពីការខូចខាតទ្រព្យសម្បត្តិសមត្ថកិច្ចមិនទាន់ធ្វើការសន្និដានបាននៅឡើយទេ ដោយហេតុថានៅក្ខាងក្នុងក្លឹប វាស្មុគ្រស្មាញងងឹតសូន្យសុងដោយសារចរន្តភ្លើងត្រូវបានកាត់ផ្តាច់ការពារដល់ការឆ្លងចរន្តឆក់ដល់សមត្ថកិច្ច ដែលចុះជួយអន្តរាគមន៍។
គួររំលឹកឲ្យដឹងឡើងវិញដែរថា ករណីអគ្គិភ័យឆាបឆេះគ្រឿងក្នុងក្លឹបកំសាន្តនៅពេលវេលាខាងលើជាលើកទី០២ បន្ទាប់ពីករណីអគ្គិភ័យឆាបឆេះគ្រឿងក្នុងក្លឹបកំសាន្ត( L.V) នាពេលកន្លងមក ដែលបណ្តាលឲ្យអ្នកចម្រៀង រូបស្រស់ជាបុរសសំបូរស្នេហ៍ ម្នាក់ ត្រូវបានអគ្គិភ័យឆាបឆេះរលេះរលួយសាច់ ហើយបានស្លាប់ក្រោយពេលដែលក្រុមគ្រួសារបានបញ្ជូនទៅព្យាបាលនៅឯប្រទេសវៀតណាម។