វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4841 នាក់
ម្សិលមិញ 9706 នាក់
សរុប 14083084 នាក់
ក្រុងប៉ោយប៉ែត ៖ ទូដែកដាក់ឯកសារនិងទ្រព្យសម្បត្តិចំនួន៧ទូរបស់ក្រុមហ៊ុនកាស៊ីណូទាំងពីរក្រោយពីអគ្គិភ័យបានឆាបឆេះនៅច្រកទ្វារអន្តរជាតិប៉ោយប៉ែតត្រូវបានក្រុមជំនាញរុះរើរកឃើញមានសុវត្ថិភាពល្អ។
លោកលី សារី អភិបាលរងខេត្តបន្ទាយមានជ័យ ដែលទទួលការងារជាអនុប្រធានសម្របសម្រួលក្រុមការងាររុះរើអគារកាស៊ីណូខាងលើបានប្រាប់ថាៈ ក្រុមការងារបច្ចេកទេសរុះរើដែលខាងក្រុមហ៊ុនកាសុីណូ យកមកធ្វើការមានទាំងថៃនិងកម្ពុជា បាននិងកំពុងចាប់ផ្តើមរុះរើហើយ ដោយចែកជាពីរក្រុម គឺមួយក្រុមរុះរើគ្រឿងដែក និងមួយក្រុមទៀតរុះរើប្រភេទបេតុង ។លោកបន្តថា ក្នុងការរុះរើនេះបានរកឃើញទូដែកដាក់ឯកសារនិងទ្រព្យសម្បត្តិ ចំនួន៧ទូ របស់ក្រុមហ៊ុនកាស៊ីណូទាំងពីរ។ សម្រាប់រយៈពេលនៃការរុះរើ លោកមិនអាចកំណត់ជាក់លាក់បានទេ តែតាមការវាយតម្លៃរបស់ក្រុមម៉ៅការរុះរើ អាចប្រើពេល៤ខែ ។
មុនការរុះរើសំណង់អគារខាងលើ ផ្លូវដែលឆ្លងកាត់ច្រកទ្វារអន្តរជាតិត្រូវបានហ៊ុមព័ទ្ធដោយស័ង្កសីបិទជិត ដោយផ្លូវចូលច្រកអន្តរជាតិប៉ោយប៉ែតពីខាងកើតនៃរង្វង់មូលក៏ត្រូវបានបិទមិនឱ្យមានការចេញចូលឬចរាចរក្រៅពីក្រុមការងាររុះរើឡើយ ដើម្បីកុំឱ្យមានគ្រោះថ្នាក់ជាយថាហេតុផ្សេងៗដល់អ្នកធ្វើដំណើរឆ្លងកាត់។សូមបញ្ជាក់ថាអគ្គិភ័យបានឆាបឆេះអគារកាស៊ីណូដាយមេនរីសត Royal G Club ឬ Grand Diamond City និងកាស៊ីណូ Casino Poipet Resort នាក្រុងប៉ោយប៉ែត កាលពីយប់ម៉ោង ១១ និង ៣០ នាទី ឈានចូលថ្ងៃទី ២៩ ខែធ្នូ ហើយរលត់ គ្រប់គ្រងបានទាំងស្រុងនៅម៉ោង ៤ ទៀបភ្លឺ ថ្ងៃទី ៣០ ខែធ្នូ ឆ្នាំ ២០២២ និងបិទបញ្ចប់ការសង្គ្រោះរុករកជនរងគ្រោះនៅល្ងាចថ្ងៃទី ៣០ ខែធ្នូ ឆ្នាំ ២០២២។ ក្នុងនោះ ខូចខាតសំណង់ ៣ អគារធំៗ ស្ពានថ្មើរជើងឆ្លងផ្លូវ ២ និងទ្រព្យសម្បត្តិ លុយកាក់យ៉ាងច្រើន.បណ្តាលឱ្យមនុស្សស្លាប់សរុបចំនួន២៦នាក់ និងអ្នករបួសចំនួន៥៧នាក់ ។តាមរយៈនៃការរុះរើដែលប្រើពេលរហូតដល់ទៅ៤ខែ ក៏អាចធ្វើឱ្យការចរាចររថយន្តដឹកទំនិញតាមច្រកទ្វារអន្តរជាតិប៉ោយប៉ែតត្រូវបង្វែរទៅចេញចូលតាមច្រកអន្តរជាតិស្ទឹងបត់-បានណងអ៊ាន(ថៃ)ដែលកំពុងតែស្ថាបនាច្រករផងដែរ ។ក្រោយការឆេះកាស៊ីណូនេះគេមិនដឹងទេថានឹងមានការសាងសង់ឡើងវិញដែរឬអត់នោះទេព្រោះថាភ្ញៀវចូលលេងនឹងអាចថយចុះដោយសារនៅក្នុងប្រទេសថៃក្នុងគោលនយោបាយទាក់ទាញទេសចរណ៍អាជ្ញាធរថៃក៏បានបើកឲ្យមានកាស៊ីណូនៅក្នុងប្រទេសផងដែរ។