
វីដេអូ
តាមដានសង្គម

ចំនួនអ្នកទស្សនា
ថ្ងៃនេះ 7594 នាក់
ម្សិលមិញ 7641 នាក់
សរុប 18986285 នាក់
ខេត្តកំពង់ស្ពឺ៖ កម្លាំងកងរាជអាវុធហត្ថស្រុកគងពិសីបានធ្វើការឃាត់ខ្លួនបុរសជាកូនម្នាក់ដែលគ្មានកំណើតដឹងតែពីគំរាមសម្លាប់ម្ដាយនិងបំផ្លិចបំផ្លាញទ្រព្យសម្បត្តិនៅក្នុងផ្ទះ កាលពីវេលាម៉ោង១០និង៤០នាទីយប់ ថ្ងៃទី៥ ខែមីនា ឆ្នាំ២០២៦ នៅចំណុចក្នុងភូមិបាំងណា ឃុំជង្រុក ស្រុកគងពិសី ខេត្តកំពង់ស្ពឺ។
ក្រោយពីបានទទួលពាក្យបណ្ដឹងតាមទូរស័ព្ទរបស់ម្ដាយបុរសត្រូវឃាត់ខ្លួនខាងលើរួចមកកម្លាំងមូលដ្ឋានកងរាជអាវុធហត្ថស្រុកគងពិសី ដែលដឹកដោយលោក វរសេនីយ៍ត្រី ទុំ សារិទ្ធ មេបញ្ជាការមូលដ្ឋានស្រុកគងពិសី បានចុះទៅដល់ទីតាំងកន្លែងកើតហេតុភ្លាមៗ ហើយបានធ្វើការឃាត់ខ្លួនជនសង្ស័យម្នាក់មានឈ្មោះ ម៉ី ណាឃីម ភេទប្រុស អាយុ៣០ឆ្នាំ មុខរបរមិនពិតប្រាកដ រស់នៅក្នុងភូមិបាំងណា ឃុំជង្រុក ស្រុកគងពិសី ខេត្តកំពង់ស្ពឺ។
មន្ត្រីអាវុធហត្ថស្រុកគងពិសីបានឲ្យដឹងថាបើតាមការរៀបរាប់របស់ម្ដាយជនសង្ស័យកូនប្រុសគាត់ឈ្មោះ ម៉ី ណាឃីម ភេទប្រុស អាយុ៣០ឆ្នាំ មុខរបរមិនពិតប្រាកដ តែងតែគំរាមសម្លាប់ និងតែងតែបំផ្លិចបំផ្លាញទ្រព្យសម្បតិ្តក្នុងផ្ទះបណ្ដាយរងការខូចខាត។ ដោយទ្រាំនូវទង្វើរបស់កូនប្រុសលែងបានម្ដាយក៏ដាច់ចិត្តដាក់ពាក្យប្ដឹងឲ្យសមត្ថកិច្ចធ្វើការឃាត់ខ្លួនយកទៅអប់រំនិងកសាងសំណុំរឿងចាត់ការតាមផ្លូវច្បាប់។
មន្ត្រីកងរាជអាវុធហត្ថស្រុកគងពិសីបានបញ្ជាក់ថាក្រោយឃាត់ខ្លួនជនសង្ស័យខាងលើដកហូតវត្ថុតាងរួមមាន÷ ពូថៅចំនួន០១ និងឧបករណ៍ជក់គ្រឿងញៀនមួយចំនួនផងដែរ។ក្រោយឃាត់ខ្លួនជនសង្ស័យ រួមជាមួយនឹងវត្ថុតាងត្រូវបានបញ្ជូនទៅបញ្ជាការដ្ឋានកងរាជអាវុធហត្ថខេត្តកំពង់ស្ពឺ ដើម្បីកសាងសំណុំរឿងចាត់ការបន្តតាមផ្លូវច្បាប់ ៕