វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5075 នាក់
ម្សិលមិញ 5304 នាក់
សរុប 14144601 នាក់
មណ្ឌលគិរី : កាលពីថ្ងៃទី ២៦កញ្ញា មានពលរដ្ឋមកពីភូមិ ពូឡេះ ឃុំដាក់ដាំ ស្រុកអូរាំង ខេត្តមណ្ឌលគិរី យ៉ាងហោចណាស់ជាង២រយគ្រួសារ បានលើកគ្នាធ្វើការតវ៉ានៅសាលាឃុំ ប្រឆាំងទៅនឹងការចុះលេខបញ្ជីក្បាលដី រំលោភយកដីរបស់ពួកគាត់ ទៅឱ្យអ្នកមានទ្រព្យធនម្នាក់ ដែលរស់នៅទីក្រុងភ្នំពេញ ។
ក្រុមអ្នកភូមិបានចោទស្ថាប័នមន្ទីរសុរិយោដីខេត្តនេះថា បានឃុបឃិតគ្នាហើយលួចចុះនិយមកា លើដីដែលពួកគាត់កំពុងកាន់កាប់អាស្រ័យផលទៅឲ្យឧកញ៉ា ធាង ទ្រី ដែលវាគឺជារឿងដ៏អយុត្តិធម៌បំផុតមិនអាចទទួលយកបាន ។ពួកគាត់បានទាមទារឲ្យមានការចុះលេខបញ្ជីក្បាលដីឡើងវិញដោយមានតម្លាភាពត្រឹមត្រូវ ដើម្បីឲ្យប្រាកដថា អ្នកណាជាម្ចាស់ដីពិតប្រាកដ ជាផ្នែកនៃការឈានទៅបញ្ចប់ភាពប្រទាំងប្រទើសរវាងម្ចាស់ដីនៅលើដី និងម្ចាស់ដីនៅលើប្លង់ នៅលើបញ្ជី ។ មិនទាន់ដឹងថាមានលទ្ធផលយ៉ាងណានោះទេ?៕