វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 866 នាក់
ម្សិលមិញ 6359 នាក់
សរុប 14087499 នាក់
ភ្នំពេញ៖ នៅថ្ងៃទី១៤ ខែកុម្ភៈ ឆ្នាំ២០២០សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជានឹង ទទួលជួបស្វាគមន៍ដោយផ្ទាល់ជាមួយអ្នកដំណើរនៅលើនាវាទេសចរណ៍ Westerdam ដែលលោកអនុញ្ញាតិឲ្យចូលចតនៅកំពង់ផែក្រុងព្រះសីហនុបន្ទាប់ពីបានតេលតោលគ្មានកន្លែងច្រកអស១២ថ្ងៃ។
តាមរយៈសារនៅលើ Facebook នាយប់ថ្ងៃទី១៣ ខែកុម្ភៈ ឆ្នាំ២០២០នេះ សម្តេចសសេរថា៖អរគុណសន្តិភាព! ដោយសារតែកម្ពុជាមានសន្តិភាពទើប ខ្ញុំហ៊ានសម្រេចចិត្តទទួលយកនាវា ទេសចរណ៏ដ៏ធំដែលគ្មានកន្លែងចូលចតឱយមកចូលចតនៅកំពង់ផែរក្រុងព្រះសីហនុដើម្បីជួយដល់អ្នកដែលស្ថិតនៅលើ នាវាអស់រយះពេល១៣ថ្ងៃ មកហើយឱយបានវឹលត្រឡប់ទៅប្រទេសពួកគេវិញដោយសុវត្ថិភាព។
ព្រឹកស្អែកថ្ងៃ១៤កុម្ភះ២០២០ខ្ញុំនឹងទៅស្វាគមន៍ពួកគេនៅខេត្តព្រះសីហនុក្នុងឋានះជាម្ជាស់ផ្ទះដែលមានសាមគ្គីភាពនិងការទទួលខុសត្រូវ។
សុំអរគុណអង្គការសុខភាពពិភពលោក និងប្រទេសនាៗដែលមានពលរដ្ឋខ្លួនស្ថិតនៅលើនាវាដែលបានផ្តល់នូវការជឿទុកចិត្តដល់កម្ពុជា។
ជួយគ្នាក្នុងគ្រាក្រស្គាល់មិត្តល្អក្នុងពេលលំបាក។
នាវាទេសចរណ៍ខ្នាតយក្ស របស់សហរដ្ឋអាមេរិក ឈ្មោះ Westerdam ដែលផ្ទុកមនុស្សជាង២២៥៧នាក់ បានចូលចតនៅកំពង់ផែខេត្តព្រះសីហនុ នៅព្រឹកទី១៣ ខែកុម្ភៈ ឆ្នាំ២០២០ បន្ទាប់ពីបានទទួលការអនុញ្ញាតពីរាជរដ្ឋាភិបាលកម្ពុជាដោយមានការទទួលបដិសណ្ឋារកិច្ចពី រដ្ឋមន្ត្រីកម្ពុជា រួមមាន លោក ស៊ុន ចាន់ថុលសាធារនៈការ លោក ម៉ម ប៊ុនហេងសុខាភិបាល លោក ថោង ខុនទេសចរណ៍ លោកអភិបាលខេត្ត គួច ចំរើន រួមទាំងមន្ត្រីស្ថានទូតអាមេរិក បានទៅស្វាគមន៍ចំពោះការមកដល់នាវានេះផងដែរដោយមានទាំងមន្ត្រីជំនាញ គ្រូពេទ្យផង ខណៈប្រទេស និងកោះចំនួន៦មិនអនុញ្ញាតឲ្យចូលចត ព្រោះតែខ្លាចពីជំងឺរលាកសួតប្រភេទថ្មី Covid-19។
លោក គួច ចំរើន អភិបាលខេត្តព្រះសីហនុ បានរៀបចំដាក់វិធានការការពារច្បាស់ណាស់ដោយមិនឱ្យមានមនុស្សចូលទៅជិត ឬអ្នកដំណើរក្នុងនាវាទេសចរណ៍ Westerdam ចេញចូលដោយសេរីនោះទេ លុះត្រាណាតែមានការពិនិត្យពីក្រុមគ្រូពេទ្យត្រឹមត្រូវ។
លោក Patrick Murphy ឯកអគ្គរដ្ឋទូតសហរដ្ឋអាមេរិក ប្រចាំនៅព្រះរាជាណាចក្រកម្ពុជា បានកោតសរសើរដល់កម្ពុជា ដែលបានអនុញ្ញាតឲ្យនាវា Westerdam របស់ក្រុមហ៊ុន Holland America Line ចូលចត នៅកំពង់ផែខេត្តព្រះសីហនុ នាថ្ងៃទី១៣ ខែកុម្ភៈ ឆ្នាំ២០២០ នេះ។ ក្នុងសារតាម Twitter លោកឯកអគ្គរដ្ឋទូត Murphy ក៏បានលើឡើងដូចក្រសួងសុខភិបាលដែរថា អ្នកទេសចរនៅលើនាវា Westerdam ត្រូវបានធ្វើតេស្ត ហើយលទ្ធផល គឺមិនមាននរណាម្នាក់ កើតជំងឺរលាកសួត កូរ៉ូណា ទេ។
នៅលើបណ្ដាញសង្គមហ្វេសប៊ុកនៅថ្ងៃទី១៣កុម្ភៈនេះស្ថានទូតសហភាពអឺរ៉ុប ប្រចាំកម្ពុជាថា “ក្រុមមួយចំនួនមកពីស្ថានទូត នៃប្រទេសជាសមាជិកសហភាពអឺរ៉ុប ដែលបច្ចុប្បន្នកំពុងស្ថិតនៅក្នុងក្រុងព្រះសីហនុ ដើម្បីផ្តល់ជំនួយ ដល់អ្នកដំណើរនិង នាវិកនៃនាវាទេសចរណ៍ MS Westerdam។ នាវានេះបានចូលចតនៅកំពង់ផែក្រុង ព្រះសីហនុកាលពីព្រឹកមិញ ដែលមានមនុស្សចំនួន ២,២៥៧ នាក់ក្នុងនោះមានពលរដ្ឋអឺរ៉ុប ចំនួន ២៦០ នាក់មកពីប្រទេសជាសមាជិកសហភាពអឺរ៉ុបចំនួន ២០ ប្រទេសផ្សេងគ្នា”។ប្រតិភូសហភាពអឺរ៉ុបប្រចាំនៅកម្ពុជា សូមថ្លែងអំណរគុណដល់ អាជ្ញាធរកម្ពុជាដែលបានផ្តល់សិទ្ធិឱ្យនាវា Westerdam ចូលចត និងសូមសម្តែងនូវការអាណិតអាសូរ ចំពោះអ្នកដំណើរនិង សមាជិកនាវិកនៃនាវាទាំងអស់ ដោយសង្ឃឹមថាពួកគាត់ នឹងធ្វើមាតុភូមិ និវត្តន៍ប្រកបដោយសុវត្ថិភាពនាពេលឆាប់ៗ ។
សម្រាប់ប្រទេសថៃដែលមុននេះហាមមិនឲ្យកប៉ាល់ចូលចតវិញប៉ូលិសអន្តោប្រវេសន៍ថៃបាននិងកំពុងធ្វើកិច្ចសហប្រតិបត្តិការ យ៉ាងជិតស្និទ្ធជាមួយរាជរដ្ឋាភិបាលកម្ពុជា ជុំវិញរឿងនាវាទេសចរណ៍ វែស្ទឺរដាម (Westerdam) ដែលត្រូវបានអនុញ្ញាតឱ្យចូលចតនៅខេត្តព្រះសីហនុរបស់កម្ពុជា នៅថ្ងៃព្រហស្បតិ៍នេះតែម្តង។ នេះបើតាមសម្តីមេបញ្ជាការកងពលទី ៣ នៃប៉ូលិសអន្តោប្រវេសន៍លោក អាឆាយ៉ុន ក្រៃថុង (Archayon Kraithong) ដកស្រង់ចេញផ្សាយដោយសារព័ត៌មានថៃ The Nation នៅល្ងាចថ្ងៃព្រហស្បតិ៍ ទី១៣ ខែកុម្ភៈ ឆ្នាំ២០២០។
លោក Archayon បានគូសបញ្ជាក់យ៉ាងដូច្នេះថា «កប៉ាល់នៅតែបន្តស្ថិតនៅផ្ទៃទឹកសមុទ្រនៅឡើយ ខណៈបុគ្គលិកសុខាភិបាលនៅក្នុងតំបន់ បានឡើងលើកប៉ាល់នោះដើម្បីត្រួតពិនិត្យ និងតាមដានអ្នកដំណើរព្រមទាំងនាវិកទាំងអស់។ យើងបានស្នើសុំរដ្ឋាភិបាលកម្ពុជា នូវបញ្ជីឈ្មោះអ្នកដំណើរដែលចង់ឆ្លងកាត់ ឬចូលក្នុងប្រទេសថៃ ក៏ដូចជាលទ្ធផលត្រួតពិនិត្យសុខភាពរបស់ពួកគេផងដែរ»។ក្រុមភ្ញៀវទេសចរណ៍មួយចំនួននឹងត្រូវចាកចេញតាមយន្តហោះទៅកាន់ប្រទេសដើមរបស់គេវិញ។