វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3500 នាក់
ម្សិលមិញ 4292 នាក់
សរុប 14113199 នាក់
ភ្នំពេញ៖អ្នកទោសកាំង ហ្កេកអ៊ាវ ហៅ ឌុច អតីតប្រធានសន្តិបាលលេខ២១(គុកទួលស្លែងរបស់អាពតសម្រាប់សម្លាប់បញ្ញាវន្ត័) បានចែកឋានហើយ កាលវេលារំលងអាធ្រាត្រ ឈានចូលថ្ងៃទី០២ ខែកញ្ញា ឆ្នាំ២០២០ដែលត្រូវនិងថ្ងៃបុណ្យឯករាជជាតិវៀតណាម។មរណៈភាពអ្នកទោសកាំង ហ្កេកអ៊ាវ ហៅ ឌុចបង្កការចាប់អារម្មណ៍ពាសពេញពិភពលោកតាមរយៈបណ្តាញពត៍អន្តរជាតិមានធំៗ។ប៉ុន្តែអ្វីដែលជាការងឿងឆ្ងល់សពឌុចត្រូវបានបូជាយ៉ាងតក់ក្រហល់មិនដឹងថាមកបីអ្វីឡើយ?។
ឌុច បានទទួលមរណភាពនៅមន្ទីរពេទ្យមិត្តភាពខ្មែរសូវៀត នៅវេលាម៉ោង ០០៖៥១នាទីរំលងអាធ្រាត្រឈានចូលថ្ងៃទី០២ ខែកញ្ញា ឆ្នាំ២០២០ ក្នុងអាយុប្រមាណ ៧៨ឆ្នាំ ដោយសារជំងឺរលាកទងសួត និងជំងឺសួតធ្ងន់ធ្ងរ។ លុះវេលាម៉ោងប្រមាណ ១២ថ្ងៃក៏ដឹកចេញពីមន្ទីរពេទ្យមិត្តភាពខ្មែរ-សូវៀត ទៅកាន់វត្តចាក់អង្រែក្រោម ហើយក៏បូជាតែម្តង ដោយមិនមានការតម្កល់ទុកយូរនោះឡើយ។ការបូជាសពឌុចតាមបែបពុទ្ធសាសនាគឺធ្វើខុសពីបំណងឌុចដែលជាអ្នកកាន់សាសនាគ្រឹះមុតមាំ។
នៅក្នុងវត្តចាក់អង្រែក្រោមកន្លែងបូជានោះ គេឃើញមានការរៀបចំពិធីបុណ្យតិចតួច និងមានសភាពស្ងប់ស្ងាត់បំផុត ដោយមានការចូលរួមពីសាច់ញាតិបន្តិចបន្តួច និងសមត្ថកិច្ចពាក់ព័ន្ធមួយចំនួនប៉ុណ្ណោះ។ទាក់ទងនិងមរណៈភាពនេះអ្នកនាំពាក្យអយ្យការអមសាលាដំបូងខេត្តកណ្តាលបានជូនដំណឹងថា ក្រោមការដឹកនាំរបស់អយ្យការ អមសាលាដំបូងខេត្តកណ្តាល ដោយមានការ ចូលរួមជាមួយមន្ត្រីពន្ធនាគារ មន្ត្រីសុខាភិបាល ក្រុមគ្រូពេទ្យកោសលវិច័យ និងមន្ត្រីពាក់ព័ន្ធទាំងអស់ ដោយធ្វើ ការយ៉ាងយកចិត្តទុកដាក់ អង្កេតលើករណីមរណភាពរបស់ទណ្ឌិត រូបនេះ ជាលទ្ធផលទទួលបាន ការស្លាប់ នេះបណ្តាលមកពីជំងឺប្រចាំកាយ (រលាកទងសួត និងជំងឺសួតធ្ងន់ធ្ងរ ) ។ ក្រោយពីពិនិត្យចប់សព្វគ្រប់មន្ត្រី ជំនាញយើងទាំងអស់បានធ្វើការប្រគល់សាកសពទៅឲ្យក្រុមគ្រួសារ ដើម្បីធ្វើបុណ្យតាមប្រពៃណី។
កាំង ហ្កេចអ៊ាវ ហៅឌុច ថ្វីដ្បិតតែមិនមែនជាមេដឹកនាំជាន់ខ្ពស់ក្នុងរបបកម្ពុជាប្រជាធិបតេយ្យ ក៏ប៉ុន្តែ ឌុច ជាមេគុកទួលស្លែង ដែលជាប់ពាក់ព័ន្ធការធ្វើទារុណកម្ម និងសម្លាប់មនុស្សអស់ជាង ១ម៉ឺន ២ពាន់នាក់។កាំង ហ្កេកអ៊ាវ ហៅ ឌុច កើតនៅថ្ងៃទី១៧ ខែវិច្ឆិកា ឆ្នាំ១៩៤២ នៅភូមិពៅវើយ ឃុំពាមបាង ស្រុកស្ទោង ខេត្តកំពង់ធំ(៧៨ឆ្នាំ)។ ឌុច ត្រូវបានចាប់ និងឃុំខ្លួន នៅថ្ងៃទី១០ ខែឧសភា ឆ្នាំ១៩៩៩ ហើយនៅថ្ងៃទី៣០ ខែកក្កដា ឆ្នាំ២០០៧ ត្រូវបានផ្ទេរមកឃុំខ្លួន ក្នុងមន្ទីរឃុំឃាំង អង្គជំនុំជម្រះវិសាមញ្ញ ក្នុងតុលាការកម្ពុជា (អ.វ.ត.ក) ពីបទឧក្រិដ្ឋកម្មប្រឆាំងមនុស្សជាតិ កម្រិតទោសមួយជីវិត។
សព្វថ្ងៃមេដឹកនាំជាន់ខ្ពស់ខ្មែរក្រហមដែលត្រូវស្តង់ដាច្បាប់កាត់ទោសសល់តែម្នាក់ទៀតទេគឺខៀវសំផនប្រធានរដ្ឋកម្ពុជាប្រជាធិបតេយ្យ។បើចឹងក្នុងសម័យកូវិតអត់លុយជំនួយតើសាលាក្តីកាត់ទោសមេដឹកនាំខ្មែរក្រហមបង្កើតដោយកម្ពុជានិងអង្គការសហប្រជាជាតិគួបន្តរក្សាទុកទៀតដែរ?។
សូមបញ្ជាក់ថា ឌុច ត្រូវបានផ្តន្ទាទោសដោយអង្គជំនុំជម្រះសាលាដំបូង នៃ អ.វ.ត.ក នៅថ្ងៃទី២៦ ខែកក្កដា ឆ្នាំ២០១០ ពីបទឧក្រិដ្ឋកម្មប្រឆាំងនឹងមនុស្សជាតិ និងឧក្រិដ្ឋកម្មសង្គ្រាមប្រព្រឹត្តនៅគុកទួលស្លែងដោយសម្រេចផ្តន្ទាទោសដាក់ពន្ថនាគាររយៈពេល ៣៥ឆ្នាំ សងការជាប់ឃុំខុសច្បាប់ ១០ឆ្នាំនិងសំណងលើការសហការចំនួន ៦ឆ្នាំ ទោសដែលត្រូវអនុវត្តគឺ ១៩ឆ្នាំ។ ប៉ុន្តែព្រះរាជអាជ្ញាប្តឹងសាទុក្ខជំទាស់។
អង្គជំនុំជម្រះតុលាការកំពូលបានសម្រេចសេចក្តីនៅថ្ងៃទី៣ ខែកុម្ភៈ ឆ្នាំ២០១២ ដោយផ្តន្ទាទោសឌុចដាក់ពន្ធនាគារអស់មួយជីវិត។នៅថ្ងៃ០៦ ខែមិថុនា ឆ្នាំ២០១៣ កាំង ហ្កេកអ៊ាវ ហៅ ឌុច ត្រូវបានបញ្ជូនទៅកាន់ពន្ធនាគារខេត្តកណ្តាល ដើម្បីអនុវត្តទោសជាប់ពន្ធនាគារដែលនៅសល់របស់គាត់។
ទណ្ឌិត កាំង ហ្គេកអ៊ាវ ហៅ ឌុច បានធ្លាក់ខ្លួនឈឺធ្ងន់ ហើយបញ្ជូនមកសង្គ្រោះបន្ទាន់ នៅមន្ទីរពេទ្យមិត្តភាពខ្មែរ-សូវៀត កាលពីយប់ថ្ងៃទី៣១ ខែសីហា ឆ្នាំ២០២០។