វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1536 នាក់
ម្សិលមិញ 10264 នាក់
សរុប 14140718 នាក់
ភ្នំពេញ៖ មានសេចក្តីរាយការណ៍ថាលោកឧត្តមសេនីយ៍ទោ ទេព ចិត្រា និងលោកឧត្តមសេនីយ៍ទោ ពេជ្រ សុផាន់ មានតួនាទីជាមេបញ្ជាការរង កងពលតូចលេខ៧០នៅពីក្រោយមុខរបរកាត់ត តម្លើងរថយន្តខុសបទដ្ឋានបច្ចេកទេស នៅក្នុងបញ្ជាការដ្ឋាន កងពលតូចលេខ៧០ ផ្នែកខាងក្រោយប៉ែកខាងឆ្វេងបន្ទាយ ។
ការលេចចេញពតិមាននេះគឺកើតឡើងក្រោយពីមានពតិមានក្រុមទាហ៊ានកងពលតូចលេខ៧០ព្រួតវាយអ្នកកាសែតរងរបួសប្លន់យកទូរសព្ទ័កាលពីយបថ្ងៃទី៣វិច្ឆិកាដោយសារថតបានសកម្មភាពអាក្រក់របស់ពួកគេ។
ទាក់ទងរបររកស៊ីកាត់តឡានប្រភពពីក្រុមជាងនៅទីនោះឲ្យដឹងថា៖ ជាប្រភេទរថយន្តទំនើប កាត់មួយកំណាត់ៗ ដូចជារថយន្ត កាមរីហៃព្រីត ស៊េរីឆ្នាំ២០០៧,កាមរីស៊េរី២០១៧ ,ឡង់គ្រឺស័រ ឡិចសុិស ចាប់ពីស៊េរីឆ្នាំ២០០៣ ដល់ឆ្នាំ២០១៨ ,រថយន្តហាយឡែនឌឺរចាប់ពីស៊េរីឆ្នាំ២០០២ឡើងទៅ។
គេលួចបានរាយការណ៍មកថា៖ កន្លែងតំលើងរថយន្តខុសបទដ្ឋានបច្ចេកទេសក្នុងបញ្ជាការដ្ឋាន កងពលតូចលេខ៧០ បានដំណើរជាយូរឆ្នាំមកហើយ។ ក្នុងនោះគ្រប់គ្រងដោយមនុស្ស២នាក់ គឺលោកឧត្តមសេនីយ៍ទោ ទេព ចិត្រា និងលោកឧត្តមសេនីយ៍ទោ ពេជ្រ សុផាន់ មានតួនាទីជាមេបញ្ជាការរង កងពលតូចលេខ៧០ នេះតែម្តង។
ទីតាំងតម្លើងរថយន្តខុសបទដ្ឋានបច្ចេកទេសនេះគេធ្វើរោងដំបូលស័ង្កសី ពណ៍ឈាមជ្រូក របងបិទជិត ទ្វារដែកបិទស័ង្កសីពណ៍ខៀវ ដោយយករថយន្ត(ខម) និងរថយន្តពន្លត់អគ្គិភ័យអង្គភាពមកចតបាំងពីមុខ ជៀសវាងភ្ញៀវពីខាងក្រៅចូលទៅដឹងពីសកម្មភាពនេះ។ យ៉ាងហោចណាស់ក៏ក្នុង១ខែតម្លើងបាន១០០គ្រឿង ក្នុងនោះតម្លើងរួច១គ្រឿងៗ ត្រូវបង់លុយអោយអ្នកគ្រប់គ្រងនៅក្នុងបញ្ជាការដ្ឋាន កងពលតូចលេខ៧០ ចំនួន៦០០ដុល្លារ។ ក្រៅពីករណីតម្លើងរថយន្តកាត់ត នៅទីនោះក៏ជាកន្លែងទទួលរក្សាទុករថយន្តទំនើបៗអត់ពន្ធនាំចូល ឬអោយអ្នកលក់ អ្នកទិញទៅមើលចចារតថ្លៃគ្នា បញ្ចៀសការបង្ក្រាបណាមួយពីសមត្ថកិច្ចគយ។
ក្រៅពីកន្លែងតម្លើងក្នុងបន្ទាយនេះក៏ មានទីតាំងរបស់គាត់មួយទៀតនៅផ្ទះ២ល្វែង ទល់មុខ បញ្ជាការដ្ឋាន កងពលតូចលេខ៧០ ក្នុងភូមិចុះពីផ្លូវជាតិលេខ៣ជិត៥០០ម៉ែត្រ ជាកន្លែងលាក់ទុករថយន្តទំនើបៗគ្មានពន្ធនាំចូល,រថយន្តកាត់ត ទំនើបៗ សម្រាប់ទុកយកទៅតម្លើង និងលក់ចេញ។
ទាក់ទងពតិមាននេះលោកឧត្តមសេនីយ៍ទោ ទេព ចិត្រា មេបញ្ជាការរង កងពលតូចលេខ៧០ បានបដិសេធប្រាប់កាសែតតាមទូរស័ព្ទថា៖ ករណីនេះមិនមែនជាកន្លែងគាត់ទេ ហើយគាត់ធានាថាអត់បានពាក់ព័ន្ធក្នុងរឿងនេះដែរ។ដូចគ្នាដែរលោកឧត្តមសេនីយ៍ទោ ពេជ្រ សុផាន់ មានតួនាទីជាមេបញ្ជាការរង កងពលតូចលេខ៧០ ទទួលស្គាល់ថាជាកន្លែងក្មេងៗ កូនចៅទេ ហើយក៏បានឈប់ដំណើរការ៣ខែទៅ។ លោកឧត្តមសេនីយ៍ត្រី ពិត បញ្ញា ស្នងការរង នគរបាលរាជធានីភ្នំពេញ ទទួលបន្ទុក នគរបាលប្រឆាំងបទល្មើសសេដ្ឋកិច្ចបានអោយដឹងថា៖ បើមានមែន ទីតាំងកន្លែងនោះគឺគ្មានអំណោយផលចុះបង្ក្រាបទេ ព្រោះជាទីតាំងយោធា មិនងាយធ្វើការទេ។