បន្ទាប់ពីផ្ទុះរឿងឲ្យសិស្សបង់លុយថ្លៃភ្លើងអាជ្ញាធរចុះសម្របសម្រួល តែមិនបានដោះស្រាយអ្វីទេគឺនៅតែបង់២ម៉ឺនដដែលសម្រាប់៨ខែ?
10-August-2023 / ព័ត៌មានជាតិ
ភ្នំពេញ៖ ក្រោយទទួលបានព័ត៌មាន ការយល់ច្រឡំរវាងសិស្សានុសិស្ស និងគ្រូនាយករង នៃវិទ្យាល័យទួលទំពូង ដោយឲ្យសិស្សជួយចេញលុយថ្លៃបង់ទឹកភ្លើង ម្នាក់២ម៉ឺនរៀលក្នុង១ឆ្នាំនោះមក លោក ឃួង ស្រេង អភិបាលរាជធានីភ្នំពេញ បានណែនាំទៅលោក កៀង ល័ក្ស អភិបាលខណ្ឌចំការមន ចុះស្រាវជ្រាវ និងពិនិត្យលើករណីនេះ។
នៅព្រឹកថ្ងៃទី១៥ ខែកញ្ញា ឆ្នាំ២០២៣ លោក ម៉ៅ ប៉ូណែត អភិបាលរងខណ្ឌចំការមន បានដឹកនាំក្រុមការងារពាក់ព័ន្ធ ចុះសាកសួរព័ត៌មាន និងដោះស្រាយករណីសាលាវិទ្យាល័យទួលទំពូង ប្រមូលលុយសិស្សម្នាក់២ម៉ឺនរៀល ក្នុង១ឆ្នាំ ដើម្បីបង់ថ្លៃទឹកភ្លើង។លោក កុយ សេដា នាយកវិទ្យាល័យទួលទំពូង បានអះអាងថា ការប្រមូលលុយពីសិស្សនេះ គឺសាលាបានប្រជុំពិភាក្សាជាមួយមាតាបិតាសិស្សរួចហើយ ដោយសុំឲ្យជួយឧបត្ថម្ភថ្លៃទឹក ភ្លើងក្នុង១ ខែ២៥០០រៀល ក្នុងសិស្សម្នាក់ តែគ្រួសាក្រីក្រខាងសាលាមិនឲ្យឧបត្ថម្ភនោះទេ ហើយមាតា បិតាសិស្ស បានយល់ព្រមតាមសំណូមពររបស់សាលា។ ការចូលរួមនេះ បានអនុវត្តរយៈពេល៣ឆ្នាំកន្លងមកហើយ។
ដោយឡែក ចំពោះការនិយាយថា «បើមិនបង់លុយហើយភ្លើងគេផ្តាច់នោះ មានតែនាំគ្នាទៅរៀនក្រោមដើមឈើហើយ» នេះជាពាក្យនិយាយលេងជាមួយសិស្សតែប៉ុណ្ណោះ ហើយលោកនាយករងរូបនេះ ក៏បានសុំទោសផងដែរ នូវការនិយាយមិនសមរម្យបែបនេះ។បើតាមការពិនិត្យលទ្ធផលនៃការដោះស្រាយនោះគឺគ្មានទេគឺការបង់នៅតែបង់ដដែលតើ។គេមិនដឹងថាតើសាលារៀងរដ្ឋមួយហេតុអីបានជាតម្រូវឲ្យសិស្សជួយចេញថ្លៃភ្លើងចឹងនោះទេ?។ម្យ៉ាងប្រសិនបើសាលាបើកបង្រៀនគួពេលល្ងាចទៀតក៏មិនគួតម្លរូវឲ្យសិស្សបង់ដែរព្រោះបានបង់ថ្លៃរៀងគួរួចហើយតើ?។
លោក កុយ សេដា នាយកវិទ្យាល័យទួលទំពូង បានបកស្រាយបំភ្លឺថា ករណីសិស្សមិនបង់ថវិកា ឲ្យទៅរៀនក្រោមដើមឈើនោះ វាជាពាក្យសម្ដីរបស់លោកនាយករង ម៉ី សាម៉ុន បាននិយាយលេងសើចជាមួយសិស្ស និងគ្រូទេ ។លោកនាយកវិទ្យាល័យទួលទំពូង បានបញ្ចាក់ថា ការរៃអង្គាសប្រាក់នេះ គឺមានការប្រជុំយល់ព្រម ឯកភាពពីសំណាក់មាតាបិតាសិស្សចាប់តាំងពីដើមឆ្នាំសិក្សាមកម្ល៉េះ ដោយឯកភាពក្នុងសិស្សមួយនាក់ ត្រូវសុំជំនួយឧបត្ថម្ភមួយខែ ស្មើ២,៥០០រៀល ។ ថវិកានេះ គឺដើម្បីទ្រទ្រង់លើការខ្វះខាត ក្នុងការចំណាយលើសេវាអគ្គិសនី ទឹក សម្រាម ក្នុងមួយឆ្នាំសិក្សា ។
លោកនាយក ក៏បានបញ្ចាក់ទៀតថា សាលាបានប្រជុំឯកភាព ដោយមានការចូលរួមពីសំណាក់លោកប្រធានគណៈកម្មការទ្រទ្រង់សាលា មាតាបិតាអ្នកអាណាព្យាបាលសិស្ស គឺសិស្សក្រីក្រ ជួបការលំបាក យើងមិនទទួលថវិកានេះទេ។ ចំពោះមាតាបិតាសិស្ស ដែលមានកូនរៀននៅទីនេះ ចាប់ពីពីរនាក់ឡើងទៅ សាលាតម្រូវអោយបង់តែមួយនាក់ តែប៉ុណ្ណោះ ។
គួរជម្រាបថា នៅរសៀលថ្ងៃទី១៤ ខែកញ្ញា មានកូនសិស្សខ្លះដើរ ខ្លះជិះកង់ និងខ្លះទៀតជិះម៉ូតូ បាននាំគ្នារអ៊ូរទាំតាមផ្លូវថា កំពុងតែអត់លុយចាយផង ត្រូវគ្រូបង្ខំទារលុយទៀត ម្នាក់ ២ម៉ឺនរៀល គ្រូថា បើមិនបង់លុយអោយទេ ទៅរៀននៅក្រោមដើមឈើទៅ ។បើតាមការអះអាងរបស់កូនសិស្សថ្នាក់ទី១១ វេនល្ងាច បាននិយាយថា អ្នកដែលទៅប្រមូលលុយនោះ គឺលោកគ្រូនាយករងសាលាវិទ្យាល័យទួលទំពូង ព្រមទាំងនិយាយថា បើមិនបង់លុយទេ នាំគ្នាទៅរៀននៅក្រោមដើមឈើទៀតផង ពេលនោះកូនសិស្សថ្នាក់ខ្លះ បានបង់លុយ ស្ទើរគ្រប់ៗគ្នា ឯកូនសិស្សខ្លះទៀត ប្រាប់ថា ចាំថ្ងៃស្អែក ព្រោះចាំសុំលុយពីម៉ែឪ សិន ។
កូនសិស្សថ្នាក់ទី១១ និយាយទៀតថា លោកគ្រូនាយករងនោះ បានកំណត់ថា ត្រូវប្រមូលលុយយ៉ាងយូរត្រឹមថ្ងៃសៅរ៍ ខាងមុខនេះ ហើយលោកគ្រូដែលទៅទារលុយនោះ បានប្រាប់ទៀតថា ដោយសារសាលាគ្មានលទ្ធភាពបង់ថ្លៃទឹកភ្លើង ពោលគឺជំពាក់លុយទឹកភ្លើងយូរមកហើយ បើមិនបង់អោយគេទេ អគ្គិសនីនឹងមកកាត់ផ្តាច់ភ្លើងសាលាមិនខាន ។
ករណីយ៍នេះមានគនណីហ្វេប៊ុកមួយបានបញ្ចេញមតិថា៖ក្នុងនាមខ្ញុំជាសិស្សនៃវិទ្យាល័យទួលទំពូង ចំពោះការបង់ថ្លៃ ទឹកភ្លើងនេះគឺសរុប៨ខែ( 1ឆ្នាំសិក្សា ) ហើយមួយខែតែ 2500៛ទេ ដូចនេះសូមកុំមានការយល់ច្រឡំថា 1ខែ 20000៛អី។មួយវិញទៀត 20000៛សម្រាប់១ឆ្នាំសិក្សានៅថ្នាក់នីមួយៗមានអំពូល ៦ កង្ហារ ៤ បើកទាំងវេនព្រឹកនិងល្ងាចមានម៉ាស៊ីនទឹក អនាម័យឲ្យសិស្សញុំាទៀតផង។យើងគិតទៅមើលបើយើងទិញទឹក 2000៛ ឬ 1000៛ក្នុងមួយថ្ងៃ តើក្នុងមួយឆ្នាំយើងចាយអស់ប៉ុន្មាន?គួរតែគិតពិចារណាមុនពេលបញ្ចេញមតិអ្វីមួយ!ចំពោះការបង់ថ្លៃទឹកភ្លើងគឺបានទទួលនឹងឯកភាពពីអាណាព្យាបាលរួចហើយក៏ពុំមានការគម្រាម ដូចដែរផេកខាងក្រោមបានសរសេរឡើយ។ទើបីយ៉ាងណាបញ្ហាវានៅដដែលតើថាហេតុអីបានជាសាលារដ្ឋតម្រូវឲ្យកូនសិស្សបង់លុយ?៕ 
