វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3107 នាក់
ម្សិលមិញ 9706 នាក់
សរុប 14081350 នាក់
បន្ទាយមានជ័យ៖កញ្ញា វិជ្ជាយ៉ាផន ជាជនជាតិថៃ នាងបានទទួលមរណ:ភាពនៅឯមន្ទីរពេទ្យ Paoloនៅស្រុក Chamuchakនៅព្រឹកថ្ងៃទី23 ខែកុម្ភៈ២០២១ ។ មុនស្លាប់ នាង វិជ្ជា យ៉ាផន បានចូលរួមពិធីជប់លៀង មួយជាមួយបុរសជិត១០នាក់នៅខុនដូមួយកន្លែង ដែលមានកាមីរ៉ាសុវត្ថិភាព និង របងផ្ទះកំពស់ជាង២ម៉ែត្រ ។
ក្នុងកម្មវិធីជប់លៀងខាងលើ ពួកគេបានផឹកស្រាថ្លៃៗ ច្រៀងរាំសប្បាយ ក្រោយមកស្រាប់តែ នារីរងគ្រោះ ឈ្មោះ វិជ្ជា យ៉ាផនទន់ខ្លួនសន្លប់ហើយត្រូវក្រុមបុរសផឹកជាមួយដឹកនាងយកទៅសង្គ្រោះ នៅ មន្ទីរពេទ្យយីហោ PaoLo ក្រោយមកនាងបានទទួលមរណភាពបន្ទាប់ពីផឹកបាន១យប់ ។ មន្ទីរពេទ្យបានចេញ វិក្ក័យបត្រថ្លៃអាហារចំនួន៤០០បាតទាំងនាងមិនបានបរិភោគអាហារអ្វីទាំងអស់ ។ក្រុមគ្រួសាររបស់នារីរងគ្រោះបានទៅប្តឹងសមត្ថកិច្ចប៉ូលិស លោក ឧត្តមសេនីយ៍ Gatchas បាននិយាយពីថ្ងៃសុក្រថា ÷មន្ទីរពេទ្យនឹងត្រូវបានចោទប្រកាន់ពីធើ្វរោគវិនិច្ឆ័យ និងប្រព្រឹត្តលើស្ត្រី វ័យក្មេង ចេញវិក្ក័យប័ត្រក្លែងក្លាយ ។នៅថ្ងៃដដែលនោះ ប្អូនស្រីរបស់នារីរងគ្រោះបានធ្វើបទបង្ហាញកាលពីថ្ងៃទី២៦កុម្ភ ថា ÷ នារីរងគ្រោះមិនដែលប្រើប្រាស់ថ្នាំញៀននិងមិនមែនជាស្ត្រីបំរើសេវាផ្លូវភេទនោះដែរ។នារីរងគ្រោះគ្រាន់តែជាអ្នកធ្វើបទបង្ហាញពីផលិតផលគ្រឿង កែសម្ផស្សឲ្យក្រុមហ៊ុន Atchariya Ruanganapong តែប៉ុណ្ណោះ ។
លោក ធ័រត្ន័ ជំនួយផ្នែកច្បាប់ឲ្យអាណាព្យាបាលនារីរងគ្រោះ បានលើកឡើងថា÷ មន្ទីរពេទ្យនឹងត្រូវ ពិន័យ ជានិតិកាលទី២ ផ្នែកទី៣នៃច្បាប់ - Sanatorium មិនបានព្យាបាលអ្នកជំងឺ ,ពន្យាពេលក្នុងការទទួលបានការព្យាបាលដូចនេះគ្រូពេទ្យត្រូវជាប់ពន្ធនាគារយ៉ាងហោចចំនួន២ឆ្នាំនិងពិន័យសាច់ប្រាក់ចំនួន៤មុឺនបាត ។ក្រោយទទួលបានដំណឹងថា នារីរងគ្រោះស្លាប់ប៉ុលីសបានឆ្មក់ចូលផ្ទះនោះតែគ្មានមនុស្សនៅឡើយគឺផ្ទះទទេ ។ស្ត្រីរងគ្រោះត្រូវបាន ប៉ូលិសដាក់ការសង្ស័យថា នាងត្រូវក្រុមឧក្រិដ្ឋជនបង្ខំឱ្យប្រើប្រាស់គ្រឿងញៀន ហួសប្រមាណពេលកំពុងផឹកស៊ីក្នុងផ្ទះនោះ ។
ដោយឡែកសម្រាប់ស្រុកខ្មែរវិញ កញ្ញា អ៊ិន ស្រីមុំ ដែលបានស្លាប់ក្នុងក្លឹបកាលពី ព្រឹកថ្ងៃទី០៧ខែមិនា២០២១កន្លងទៅ នៅក្រុងប៉ោយប៉ែត ក្រោយដឹកយកទៅ សង្គ្រោះនៅមន្ទីរពេទ្យ បង្អែកដីថ្មី ។ នារីរងគ្រោះ ត្រូវបានមិត្តភក្តិ ប្រុសៗ ចំនួន៤នាក់ បាននាំគ្នាទៅ ផឹកស៊ី និងច្រៀងរាំ ក្នុងហាង ខារ៉ាអូខេ មួយកន្លែង យីហោ ទីហោវ ក្នុងក្រុងប៉ោយប៉ែត ស្ថិតក្នុងភូមិក្បាលស្ពាន២ សង្កាត់និងក្រុងប៉ោយប៉ែត ខេត្តបន្ទាយមានជ័យ ។
ប្រភពព័ត៌មានថា នារីរងគ្រោះ បានផឹកស៊ី ស្រវឹងជោកជាំ ក្នុងហាង ខារ៉ាអូខេ ទីហោវ នៅម៉ោង៤ភ្លឺទើបចាគចេញ ជាមួយនឹងក្រុមក្មេងស្ទាវ ប្រុសចំនួន៤ ជិះរថយន្ត ព្រួស ពណ៌ស នៅម៉ោង៥ ព្រឹកនារីរងគ្រោះ ត្រូវក្មេងស្ទាវទាំងនោះដឹកយក ទៅគ្លីនិកឯងជន ក្នុងភូមិក្បាលស្ពាន១ តែ ឃើញសាកសពជំងឺ ខ្លាំង គ្រូពេទ្យ បានឲ្យទៅ ពេទ្យបង្អែក ។ជុំវិញការស្លាប់ របស់ កញ្ញា អ៊ិន ស្រីមុំ អាយុ២៣ឆ្នាំ អាជ្ញាធរក្រុងប៉ោយប៉ែតលោក គាត ហ៊ុល បាននិយាយជាមួយ សារព័ត៌មានក្នុងស្រុកថា÷នារីរងគ្រោះ មិនមែនជាពលរដ្ឋ នៅក្នុងមូលដ្ឋាន របស់លោកឡើយ គឺនាងនៅ ខេត្តតាកែវ ស្រុក ព្រៃកប្បាស ។
ចំណែក លោក ឧត្តមសេនីយ៍ ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ ក៏បានលើកឡើង ស្រដៀងគ្នានិង លោកគាត ហ៊ុល ដែរ ថា នារីរងគ្រោះស្រវឹង រួមនិងមិត្ត ផ្សេងទៀត បានចូលខារ៉ាអូខេ ទីហោវ ចេញមកវិញស្លាប់ពេលដឹកយកទៅសង្គ្រោះនៅមន្ទីរពេទ្យដោយលោកមិននិយាយអ្វីអំពីក្លឹបទីហោសដែលបន្តបើកល្មើសកាណែនាំរបស់អាជ្ញាធរក្រុងដើម្បីទប់ស្កាត់កូវីត១៩នោះឡើយ?៕