» ដកហូត​មុខតំណែង​នាយ​នគរបាល ៤​រូប នៃ​គណៈកម្មាធិការ​ប្រយុទ្ធប្រឆាំង​ផលិតផល​ក្លែងក្លាយ និង​នាយកដ្ឋាន​នគរ​បាលប​ច្ចេកទេស​វិទ្យាសាស្ដ្រ មកជា​មន្ត្រី​តែ​គ្មាន​ឈ្មោះ​កឹម​ជាតិ​ » ប្រធានាធិបតី​ហុង​គ្រី សម្រេច​មិន​ចូលរួម​កិច្ចប្រជុំ​កំពូល​ណា​តូ​ខាងកើត នៅ​ប្រទេស​ឡេ​តូ​នី​ » ប្រធានាធិបតី​ហុង​គ្រី សម្រេច​មិន​ចូលរួម​កិច្ចប្រជុំ​កំពូល​ណា​តូ​ខាងកើត នៅ​ប្រទេស​ឡេ​តូ​នី​ » កម្ពុជា អញ្ជើញ​ចូលរួម​ប្រារព្ធ​កម្មវិធី​អបអរសាទរ​ទិវា​បុណ្យជាតិ នៃ​សហព័ន្ធរុស្ស៊ី រាជធានី​ភ្នំពេញ​តែមិនទៅប្រជុំតាមការអញ្ជើញរបស់អ៊ុយក្រែននៅស្វិស » ម្តេច​ធិបតី ហ៊ុន ម៉ា​ណែ​ត ចេញ​សារាចរ​ស្តីពី​ការរៀបចំ និង​ការកែសម្រួល​រចនាសម្ព័ន្ធ​របស់​ក្រសួង ស្ថាប័ន » ឯកអគ្គរាជទូត​ថៃ​៖ សិស្ស​ខ្មែរ អាច​ចុះឈ្មោះ​ចូលរៀន​មុខជំនាញ​ទាក់ទង​នឹង បច្ចេកទេស អគ្គិសនី សំណង់ និង​បច្ចេកវិទ្យា​ព័ត៌មាន បាន​ដោយ​មិន​គិតថ្លៃ​ » ផ្សារ​ទំនើប​ស៊ី​ធី ម៉​ល ហ៊ាន​បើក​ហ្គេម​ខុសច្បាប់ លេង​យ៉ាង​ចំហរ ដោយ​មិន​ខ្លាចញញើត​និង​ច្បាប់​ » យោធា​កូរ៉េខាងត្បូង​ផ្ទុះអាវុធ​ព្រមាន​បន្ទាប់ពី​យោធា​កូរ៉េខាងជើង​ឆ្លង​បន្ទាត់​ព្រុំដែន​តំបន់​គ្មាន​កង​ទ​ព័​ » អភិបាលខេត្ត​ពោធិ៍សាត់ បដិសេធ មិន​អនុញ្ញាត អូស​លៀស ដោយ​កម្លាំង​ម៉ាស៊ីន ក្នុង​រដូវ​បិទ​នេសាទ » ស្រណោះណាស់!គ្រាន់​ដឹងថា​ប្រពន្ធ​មកពី​ប្រទេស​ថៃ​វិញ ត្រេកអរ​ពេក ហែល​ឆ្លង​ទឹក​បឹង​ពី​កន្លែង​ធ្វើ​ជី មកជួប​ប្រពន្ធ តែ​មិនអាច​ជួប​! » ក្មេង​ទំនើង​ប្រដាប់​ដោយ​កាំបិត​ខ្វែវ និង​កាំបិត​បុ័ងតោ ត្រូវបាន​កម្លាំង​នគរបាល ឃាត់ខ្លួន​ចំនួន ០៥​នាក់ ! » ស្រី​ជនជាតិ​បូ​ឡេ​វី​ម្នាក់​ជាប់គុក​១​ជីវិត ពីបទ​.​ដឹកជញ្ជូន​ដោយ​ខុសច្បាប់​នូវ​សារធាតុ​ញៀន ប្រមាណ​ជាង​០៤​គីឡូក្រាម តាម​ជើងយន្តហោះ​ចូល​ស្រុក​ខ្មែរ​ » នៅ​បារាយណ៍​ជយ​តា​ដាក​ឬ​នាគ​ព​ន្ធ័​មាន​ទូក​ជិះ​ក​ម្សា​ន​បំរើ​ទេសចរណ៍ » រថយន្ត​ប្រមូល​សំរាម​គ្មានគុនភាពចុះ​ចំណោត​បុក​រះ​សង្ឃ​មួយ​ម៉ូតូ​កង់​៣​និមន្ត​ទៅ​បិណ្ឌបាត​របួស​ចូល​ពេទ្យ​ » សម្តេច​ធិបតី ហ៊ុន ម៉ា​ណែ​ត​៖ មន្ត្រី​បម្រើ​រាស្ត្រ​ប្រៀប​ដូច​បម្រើ​ខ្លួនឯង និង​គ្រួសារ គឺ​ត្រូវការ​ការផ្តល់​សេវាសាធារណៈ​មួយ​ដែល​ល្អប្រសើរ

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 10462 នាក់

ម្សិលមិញ 11845 នាក់

សរុប 14417362 នាក់

ទស្សនកិច្ច​ប្រធានាធិបតី​អាមេរិក​នៅ​វៀតណាម​មិនឃើញ​មាន​ផល​អ្វី​ធំដុំ​លើ​ភូមិសាស្ត្រ​នយោបាយ​

​ប្រទេស​វៀតណាម​៖​ចេញពី​ជំនួប​កំពូល​G20 នៅ​ញូ​ដេលី លោក​ប្រធានាធិបតី ចូ បៃ​ដិ​ន បាន​បន្តដំណើរ​ទៅដល់​ទីក្រុង​ហាណូយ ប្រទេស​វៀតណាម នៅ​រសៀល​ថ្ងៃអាទិត្យ​ទី​១០​កញ្ញា​។ វា​គឺជា​គោលនយោបាយ​ស្តារ​ទំនាក់ទំនង​នឹង​គ្នា បន្ទាប់ពី​ប្រទេស​ទាំង​២​បាន​ឆ្លងកាត់​ទំព័រ​ប្រវត្តិសាស្ត្រ​ដ៏​ជូរចត់​បំផុត​ជាមួយគ្នា តាមរយៈ “​សង្គ្រាម​វៀតណាម​”​។a byden vn

លោក​ចែក​ស៊ូ​លី​វ៉ាន​( Jake Sullivan) ទីប្រឹក្សា​ពិសេស​របស់លោក​ចូ បៃ​ដិ​ន បានបញ្ជាក់​ឲ្យ​ដឹងថា អស់​រយៈពេល​ជាច្រើន​ទសវត្ស​មកហើយ ដែល​សហរដ្ឋអាមេរិក និង វៀតណាម ខិតខំ​ធ្វើការ ដើម្បី​ឈានទៅ​ព្យាបាល​ការឈឺចាប់​ក្នុង​អតីតកាល ដែល​បន្សល់ទុក​ដោ​យស​ង្គ្រា​ម​វៀតណាម​។ លោក ចូ បៃ​ដិ​ន ធ្វើដំណើរ​ទៅកាន់​ទី​បូជនីយកិច្ច ឧទ្ទិស​ដល់​លោក John McCain អតីត​ទាហាន​អាមេរិក ដែល​បាន​ប្រឹងប្រែង​ពេញ​មួយជីវិត​នយោបាយ ក្នុងការ​ផ្សះផ្សា​ការឈឺចាប់ រវាង​អាមេរិក និង​វៀតណាម​។​

​ផ្អែក​តាម​ការបញ្ជាក់​ពី​សេត​វិមាន នៅ​ហាណូយ លោក​ចូ បៃ​ដិ​ន ត្រូវ​ជួប​ជាមួយ​លោក​អគ្គលេខាធិការ​បក្ស​កុម្មុយនីស្ត​វៀតណាម ង្វៀន ហ្វូ​ចុង នៅ​ថ្ងៃអាទិត្យ បន្ទាប់មក​នឹងធ្វើ​សន្និសីទកាសែត​រួមគ្នា​។ កម្មវិធី​បន្ទាប់ គឺ​លោក​ចូ បៃ​ដិ​ន នឹង​ជួប​ជាមួយ លោក​ប្រធានាធិបតី​វៀតណាម វ៉ូ វ៉ាន់​ធឿ​ង និង លោកនាយក​រដ្ឋមន្ត្រី​វៀតណាម ផាំ មិញ​ជិ​ញ នៅ​ថ្ងៃ​ចន្ទ​ទី​១១​កញ្ញា​។​​បើតាម​លោក Jake Sullivan បានបញ្ជាក់​បន្ថែមថា ទោះជា​យ៉ាងណា លោក​ចូ បៃ​ដិ​ន​នឹងមិន​ភ្លេច និយាយ​លើកឡើង​ទេ អំពី​បញ្ហា​សិទ្ធិមនុស្ស​នៅ​វៀតណាម​។ ករណី​រំលោភ​សិទ្ធិមនុស្ស​ធ្ងន់ធ្ងរ ការរារាំង​សិទ្ធិ​បញ្ចេញមតិ សិទ្ធិ​ប្រកាន់​សាសនា និង​សិទ្ធិ​ជា​មូលដ្ឋាន​ឯទៀត របស់​ប្រជាជន​នៅ​វៀតណាម នឹងត្រូវ​លោក​ចូ បៃ​ដិ​ន លើក​យកទៅ​និយាយ ជាមួយ​ថ្នាក់ដឹកនាំ​វៀតណាម ដើម្បី​ទាមទារ​ឲ្យ​មាន​ផ្លាស់ប្តូរ​។​តែ​ការពិត​គេ​មិនទាន់មាន​ពត៍​មាន​ស្តីអំពី​បញ្ហា​នេះ​នៅឡើយ​ទេ​។​

​យោងតាម​សេត​វិមាន នៅ​ហាណូយ លោក​ចូ បៃ​ដិ​ន នឹង​ចុះហត្ថលេខា​ជាមួយ​ភាគី​វៀតណាម លើ “​កិច្ចព្រមព្រៀង​សហប្រតិបត្តិការ​យុទ្ធសាស្ត្រ​”​។ តាមរយៈ​កិច្ចព្រមព្រៀង​នេះ វា​គឺ​ជាការ​ខិតចូល​កៀក​គ្នា​យ៉ាងខ្លាំង រវាង​វៀតណាម និង​សហរដ្ឋអាមេរិក ព្រោះថា​គិត​មកទល់ពេលនេះ កិច្ចព្រមព្រៀង​របៀបនេះ គឺ​វៀតណាម​បាន​ចុះ តែ​ជាមួយ រុស្ស៊ី ឥណ្ឌា ចិន និង​កូរ៉េខាងត្បូង​។​​នៅ​ថ្ងៃ​ចន្ទទី១១កញ្ញា មេដឹកនាំ​សហរដ្ឋអាមេរិក​និង​វៀតណាម​បាន​សាទរ​កិច្ចព្រមព្រៀង​លើកកម្ពស់​ទំនាក់ទំនង​រវាង​ប្រទេស​ទាំងពីរ និង​បាន​និយាយ​អំពី​សក្ដានុពល​សម្រាប់​ការលើកស្ទួយ​នវានុវត្តន៍​និង​ការវិនិយោគទុន​។​

​នៅពេល​ជួប​ជាមួយនឹង​ប្រធានាធិបតី​វៀតណាម​លោក Vo Van Thuong ក្នុង​ទីក្រុង​ហាណូយ ប្រធានាធិបតី​សហរដ្ឋអាមេរិក​លោក Joe Biden បាន​និយាយ​អំពី​ការពង្រឹង​កិច្ចសហប្រតិបត្តិការ​ឱ្យ​កាន់តែ​ស៊ីជម្រៅ​លើ «​បញ្ហា​ប្រឈម​នានា​ដែល​សំខាន់​ចំពោះ​ប្រជាពលរដ្ឋ​របស់ [​ប្រទេស​ទាំងពីរ​]» និង​បាន​និយាយថា​វា​ជា​រឿង​អស្ចារ្យ «​ដែល [​ប្រទេស​ទាំងពីរ​] បានធ្វើ​ដំណើរ​មកដល់​ចំណុច​នេះ​»​។​លោក Thuong បាន​ហៅ​កិច្ចព្រមព្រៀង​នេះ​ថា​ជា «​ឱកាស​ដ៏​សំខាន់​» មួយ និង​បាន​បញ្ជាក់ថា​វា​បាន «​បើក​ទំព័រ​ថ្មី​មួយ​»​។​

លោក Biden ធ្លាប់បាន​ជួប​ជាមួយនឹង​នាយករដ្ឋមន្ត្រី​វៀតណាម​លោក Pham Minh Chinh ហើយ​មេដឹកនាំ​ទាំងពីរ​បាន​ចូលរួម​នៅក្នុង​វេទិកា​ធុរកិច្ច​មួយ ដែល​នៅ​ទីនោះ​លោក Biden បាន​ពិភាក្សា​អំពី​ការពង្រឹង​កិច្ចសហប្រតិបត្តិការ​ឱ្យ​កាន់តែ​ស៊ីជម្រៅ​ជាមួយនឹង​វៀតណាម​លើ​សេវា​ប្រព័ន្ធ cloud តាម​អ៊ីនធឺណិត បន្ទះ​ឈី​ប និង​បច្ចេកវិទ្យា​បញ្ញា​សិប្បនិម្មិត (AI)​។​

​ការលើកកម្ពស់ «​ភាពជា​ដៃគូ​យុទ្ធសាស្ត្រ​គ្រប់​ជ្រុងជ្រោយ​» ជាមួយ​ទីក្រុង​ហាណូយ គឺ​ផែ្ន​កមួយ​នៃ​កិច្ចខិតខំ​ប្រឹងប្រែង​រប​ស់​ទីក្រុង​វ៉ាស៊ីនតោន​ក្នុងការ​បង្កើត​បណ្ដាញ សម្ព័ន្ធមិត្ត​អាស៊ី​និង​ប៉ាស៊ីហ្វិក ចំពោះមុខ​ការកើនឡើង​ឥទ្ធិពល​ចិន​។ ភាពជា​ដៃគូ​ថ្មី​រវាង​សហរដ្ឋអាមេរិក​នឹង​វៀតណាម ក្នុងនោះ​រួមមាន​ទាំង​កិច្ចព្រមព្រៀង​មួយ​ស្ដីពី​សឺ​មី​កុង​ឌុ​ច​ទ័​រ ដែល​ក្នុងនោះ​សហរដ្ឋអាមេរិក​បាន​ប្ដេជ្ញាចិត្ត​ជួយ​វៀតណាម​អភិវឌ្ឍ​សមត្ថភាព​របស់ខ្លួន និង​ពង្រីក​ការផលិត​។ មិនតែប៉ុណ្ណោះ ក៏មាន​ផងដែរ​នូវ​កិច្ចព្រមព្រៀង​ស្ដីពី​ធនធាន​រ៉ែ​កម្រ ដែល​សម្រាប់​ប្រើប្រាស់​ក្នុង​ការផលិត​ឧបករណ៍​ទំនើបៗ​ដូចជា​ស្មា​ត​ហ្វូ​ន និង​រថយន្ដ​អគ្គិសនី​ជាដើម​។​ 

​លោក ចូ បៃ​ដិ​ន បាន​ប្រាប់​អ្នកសារព័ត៌មាន​បន្ទាប់​ពី​ជំនួប​ជាមួយ​មេដឹកនាំ​វៀតណាម​ថា ភាពជា​ដៃគូ​ជាមួយ​វៀតណាម​គឺជា​ផ្នែក​មួយ​នៃ​ការជំរុញ​មួយ​នៃ​រដ្ឋបាល​របស់លោក ដើម្បី​បង្ហាញ​ដល់​ប្រទេស​ជា​ដៃគូ​ក្នុង​តំបន់​ឥណ្ឌូ​ប៉ាស៊ីហ្វិក​និង​ពិភពលោក​ថា សហរដ្ឋអាមេរិក​ក៏​ជា​ប្រជាជាតិ​ប៉ាស៊ីហ្វិក​មួយ​ដែរ ហើយ​សហរដ្ឋអាមេរិក​ក៏​នឹងមិន​ចាកចេញ​ទៅ​ទីកន្លែង​ណា​ផ្សេង​នោះដែរ​។​​តាមរយៈ​ការចុះ​កិច្ចព្រមព្រៀង​ខាងលើ​ដែល​សម្រេច​ឡើង​អំឡុង​ដំណើរ​ទស្សនកិច្ច​របស់​លោក ចូ បៃ​ដិ​ន នៅ​ទីក្រុង​ហាណូយ​បានធ្វើឱ្យ​សហរដ្ឋអាមេរិក​ក្លាយជា​ប្រទេសមួយ​ដែលមាន​ឋានៈ​ខ្ពស់​នៅក្នុង​ទំនាក់ទំនង​ការទូត​របស់​វៀតណាម រួមជាមួយ​ប្រទេស​ផ្សេងទៀត​ដូចជា​ចិន រុ​ស្ស៉ី ឥណ្ឌា និង​កូរ៉េខាងត្បូង​។​

​គួរ​បញ្ជាក់ថា ប៉ុន្មាន​ឆ្នាំ​ចុងក្រោយ​នេះ សេដ្ឋកិច្ច​វៀតណាម​កាន់​តែ​រីកលូតលាស់​។ ៨​ខែ​ដើមឆ្នាំ​២០២៣ វៀតណាម​បាន​ទាក់ទាញ​វិនិយោគ​បរទេស ក្នុង​ទំហំ​ទឹកប្រាក់​ប្រមាណ ១៨​ពាន់​លាន​ដុល្លារ ពោលគឺ​កើន​ចំនួន​៨% បើ​ប្រៀបធៀប​ទៅ​ឆ្នាំមុន​។ ក្រុមហ៊ុន​ធំៗ​ជាច្រើន ដូចជា Samsung LG និង Foxconn ដែលជា​អ្នកផ្គត់ផ្គង់​គ្រឿងផ្សំ​ឲ្យ ក្រុមហ៊ុន Apple ជាដើម បាននាំគ្នា​ទៅ​តាំងទី​ផលិត នៅ​វៀតណាម​។​​តែ​បញ្ហា​គឺ ប្រទេស​ដែលមាន​ប្រជាជន​ប្រមាណ​១០០​លាន​នាក់​នេះ មាន​កម្លាំង​ពលកម្ម​ដែលមាន​ជំនាញ​ខ្ពស់ នៅ​តិច​ខ្លាំងណាស់ មិនទាន់​គ្រប់គ្រាន់​ទេ​។ ផ្អែក​តាម​តួលេខ​របស់​ក្រសួង​ការងារ​វៀតណាម បច្ចុប្បន្ន​មានតែ​កម្លាំង​ពលកម្ម​ចំនួន​១១%​ប៉ុណ្ណោះ ដែលមាន​ជំនាញ​លំដាប់​ខ្ពស់​។ បន្ថែម​ពីនេះ វៀតណាម​នៅមាន​បញ្ហា​ហេដ្ឋារចនាសម្ព័ន្ធ ដឹកជញ្ជូន និង​បណ្តាញ​ចរន្តអគ្គិសនី​មិន​គ្រប់គ្រាន់​។ នេះ​បើ​ផ្អែក​តាម​របាយការណ៍​ចុងក្រោយ របស់​ធនាគារពិភពលោក ចេញផ្សាយ​កាលពី​ខែសីហា​។​

​សម្រាប់​អាមេរិក កិច្ចព្រមព្រៀង​សហប្រតិបត្តិការ​យុទ្ធសាស្ត្រ ដែល​ខ្លួន​នឹង​ចុះ​ជាមួយ​វៀតណាម​ក្នុង​ពេលនេះ នឹង​បើកផ្លូវ ពង្រឹង​កសាង​បណ្តាញ​ឧស្សាហកម្ម​នៅ​វៀតណាម ដើម្បី​ឆ្លើយតប​ទៅនឹង​តម្រូវការ​ទីផ្សារ​របស់​អាមេរិក ហើយ​ទន្ទឹមគ្នានេះ អាមេរិក​នឹង​ដកខ្លួន​ម្តង​បន្តិចៗ ឈប់​ពឹង​ផ្អែកលើ​កម្លាំង​ឧស្សាហកម្ម​របស់​ចិន​។ សម្រាប់​វៀតណាម​វិញ វា​គឺជា​ឱកាស​ដ៏​ធំ ដើម្បី​អាច​ទទួលបាន ការបោះ​ទុនវិនិយោគ​ទ្រង់ទ្រាយ​ធំៗ ឈានទៅ​ពង្រឹង​វិស័យ​ឧស្សាហកម្ម ឲ្យ​កាន់តែ​ទំនើប​ឈានមុខ ជាពិសេស​ក្នុង​វិស័យ​បច្ចេកវិទ្យា​។​a china viet nam 

​ទោះជា​យ៉ាងណា​សម្រាប់​មេបក្ស​កុំមុយនិស្ត​វៀតណាម តែងតែមាន​ការប្រុងប្រយ័ត្ន មិន​ចង់​ឲ្យ​គេ​សំឡឹង​ឃើញថា​ខ្លួន ល្អូក​ល្អឺ​ន​ខ្លាំង​ជាមួយ​អាមេរិក​នោះទេ​។ មិន​ខុសពី​ប្រទេស​ផ្សេងទៀត នៅក្នុង​តំបន់ វៀតណាម​អះអាង​ប្រកាន់​ជំហរ​នៅ​កណ្តាល មិន​ចង់​ជ្រើសរើស​នៅ​ខាង​ណាមួយ​ទេ រវាង​មហាអំណាច​ទាំង​២ គឺ​ចិន និង​អាមេរិក ដែល​កំពុងតែ​ជល់​ប្រជែង​គ្នា​យ៉ាងខ្លាំង​ដៃ​។​​​ វៀតណានៅតែម​មានការ​ព្រួយបារម្ភ​កាន់តែខ្លាំង ទាក់ទិន​សកម្មភាព​វាតទី​របស់​ចិន នៅក្នុង​តំបន់​សមុទ្រ​ចិន​ខាងត្បូង ដែល​ប៉ះពាល់​មកលើ​ដែន​អធិបតេយ្យ របស់​វៀតណាម​។ គឺ​ចំណុច​នេះហើយ ដែល​រដ្ឋាភិបាល​អាមេរិក តែងតែ​លើក​មក​និយាយ ដើម្បី​ក្រើនរំលឹក​ឲ្យ​វៀតណាម​ដឹងខ្លួន និង​ប្រុងប្រយ័ត្ន​។​ទោះជាយ៉ាងណាមេបក្សកុំមុយនិស្តិវៀតណាមលោកង្វៀងភូត្រុងតែងតែប្រុងប្រយត្ន័មិនងាកទៅរកអាមេរិកខ្លាំងជាក់ស្តែងកន្លងមកលោកង្វៀងភូត្រុងបានបង្ក្រាបមន្ត្រិដែលមាននិន្នាការទោទន់រកអាមេរិកពេក។

​គួរ​បញ្ជាក់ដែរថា រវាង​វៀតណាម​និង​ចិន គឺ​នៅមាន​វិវាទ​ព្រំដែន​ជាច្រើន​ចំណុច ដែល​នៅ​មិនទាន់​ដោះស្រាយ តាំងតែ​ពី​ឆ្នាំ​១៩៧៩​មក​។ យ៉ាងណាមិញ ចិន មិនបាន​ព្រងើយ​ទុក​ឲ្យ​អាមេរិក​មក​អូសទាញ​វៀតណាម​ទៅដោយ​ងាយៗ​នោះឡើយ​។ ក្នុង​សប្តាហ៍​កន្លងទៅនេះ ប៉េកាំង​បាន​ប្រ​ញេ​ប​ប្រញាប់ បញ្ជូន​គណៈប្រតិភូ​មន្ត្រី​ជាន់ខ្ពស់​របស់ខ្លួន ទៅ​វៀតណាម​។ យោងតាម​ការចុះផ្សាយរ​បស់​ទីភ្នាក់ងារ​ព័ត៌មាន​ចិន​ស៊ីន​ហ័​រ គឺ​ភាគី​ចិន​និង​វៀតណាម បាន​សន្យា​ពង្រឹង​សហប្រតិបត្តិការ និង​សាមគ្គីភាព​ជាមួយគ្នា ឲ្យ​កាន់​ល្អប្រសើរ​ឡើង​។​​លោក ង្វៀន កុង​កួង អតីត​អគ្គរដ្ឋទូត​វៀតណាម ប្រចាំ​នៅ​វ៉ាស៊ីនតោន បាន​លើកឡើងថា ការពិតទៅ អាមេរិក​ដឹង​ច្បាស់​ណាស់ ថា​វៀតណាម​គ្មាន​ថ្ងៃ​សម្រេចចិត្ត​រើសយក​ខាង​ណាមួយ​ឡើយ រវាង​ចិន និង​អាមេរិក​។ តែ​យ៉ាងណា លោក ចូ បៃ​ដិ​ន ក៏​នៅតែ​សង្ឃឹមថា វៀតណាម​អាច​នឹង​កាន់តែ​សប្បាយចិត្ត​រីករាយ ចង់​សហការ​ជាមួយ​អាមេរិក​កាន់តែខ្លាំង នៅក្នុង​បរិបទ​មួយ ដែល​ក្នុង​តំបន់​មាន​ភាព​តានតឹង ដោយសារតែ​ចិន​អាងយ៉ាង​។​

​ក្រៅពី​ប្រទេស​ចិន​កុំ​មុយ​និ​ស្ត្ត​ស្រមោល​មួយទៀត ដែល​តាម​អន្ទោល​លើ​វៀតណាម គឺ​វត្តមាន​របស់​មហាមិត្ត​រុស្ស៊ី​។ កាលពី​ថ្ងៃ​សៅរ៍ ទី​៩​កញ្ញា មួយថ្ងៃ​មុនពេល​លោក​ចូ បៃ​ដិ​ន​ទៅ​ជាន់ដី​វៀតណាម កាសែត The New York Times បាន​ចុះផ្សាយ​ថា វៀតណាម​កំពុងតែ​ចរចា​យ៉ាង​សំងាត់​ជាមួយ​រុស្ស៊ី ដើម្បី​សុំ​ទិញ​គ្រឿង​សព្វាវុធ​របស់​រុស្ស៊ី​។ ជា​ចេតនា​ចង់​ទិញ​ពី​រុស្ស៊ី បើទោះបីជា​វៀតណាម​ដឹងថា ទណ្ឌកម្ម​អន្តរជាតិ​បាន​ហាមឃាត់​ខ្លួន​ក៏ដោយ​។​​សារព័ត៌មាន​អាមេរិក ដែល​បាន​ចុះផ្សាយ​រឿងនេះ បាន​ផ្អែកលើ​ឯកសារ​មួយ របស់​ក្រសួង​ហិរញ្ញវត្ថុ​វៀតណាម​។ យោងតាម​ឯកសារ​នេះ កិច្ចព្រមព្រៀង​ទិញ​លក់​គ្រឿង​សព្វាវុធ​រវាង​វៀតណាម និង​រុស្ស៊ី គឺ​នឹងត្រូវ​ធ្វើឡើង ដោយ​ប្រើប្រាស់​ថវិកា​បោះទុន​វិនិយោគ របស់​វៀតណាម នៅក្នុង​គម្រោង​អណ្តូង​ប្រេងកាត​របស់​រុស្ស៊ី នៅ​តំបន់​ស៊ី​បេ​រី​។ ទីភ្នាក់ងារ​ព័ត៌មាន​បារាំង AFP បាន​ព្យាយាម​ទាល់​ទង​សុំ​ការបំភ្លឺ ពី​មន្ត្រី​រដ្ឋាភិបាល​វៀតណាម ទាក់ទិន​នឹង​ដំណឹង​ចុះផ្សាយ​នេះ តែ​បានត្រឹមតែ​ការបដិសេធ​មិន​ឆ្លើយ​។

សម្រាប់ការរកស៊ីវិញ​វៀតណាម​នាំចេញ​ទៅកាន់​សហរដ្ឋអាមេរិក​បាន​កើនឡើង ១៣,៦ ភាគរយ​កាលពី​ឆ្នាំមុន រហូតដល់ ១០៩,៣៩ ពាន់​លាន​ដុល្លារ ដោយ​ការនាំចេញ​រួមមាន សម្លៀកបំពាក់ ស្បែកជើង ស្មា​ត​ហ្វូ​ន គ្រឿង​អេឡិចត្រូនិក និង​គ្រឿងសង្ហារិម​ធ្វើ​ពី​ឈើ​ជាដើម​។​​កន្លងមក​ទីក្រុង​វ៉ាស៊ីនតោន​បាន​ជំ​រុញឱ្យ​បង្កើន​ទំនាក់ទំនង​ជាមួយ​ទីក្រុង​ហាណូយ​ទៅជា​ភាពជា​ដៃគូ «​យុទ្ធសាស្ត្រ​» ពី​ត្រឹមតែ​ជា​ដៃគូ «​គ្រប់​ជ្រុងជ្រោយ​» ប៉ុន្តែ​វៀតណាម​ហាក់​ប្រយ័ត្នប្រយែង​ដោយសារ​ហានិភ័យ​នៃ​ការប្រឆាំង​ពី​ចិន​ដែល​នៅ​ជិតខាង​ដ៏​ធំ និង​ជា​ដៃគូ​ពាណិជ្ជកម្ម​សំខាន់​មួយ​។​ប្រសិនបើ​វៀតណាម​នៅ​ខ្លាចចិត្ត​ចិន​ដែលជា​ទីផ្សារ​ទំនិញ​កសិកម្ម​ដ៏​ធំ​របស់ខ្លួន​ហើយ​ប្រុង​ប្រ​យ​ត្ន័​ជាមួយ​អាមេរិក​នោះ​កម្ពុជា​ក៏​មិនសូវ​ព្រួយបារម្ភ​ពី​បញ្ហា​ដែល​ពួក​ប្រឆាំង​យក​ទឹកដី​ប្រើប្រាស​ផងដែរ​។​

​ជាក់ស្តែង​លោក​អគ្គលេខាបក្ស​វៀតណាម​លោក​ង្វៀង​ភូ​ត្រុ​ង​( Nguyen Phu Trong )​ប្រធាន​គណបក្ស​ប្រជាជន​កម្ពុជា សម្ដេច​តេ​ជោ ហ៊ុន សែន និង​អគ្គលេខាបក្ស​ប្រជាជន​បដិវត្តន៍​ឡាវ លោក​ថង​លួ​ន​ស៊ី​សូលី​ត​( Thongloun Sisoulith) បាន​ឯកភាពគ្នា​លើ​ទិសដៅ​ធំៗ​សម្រាប់​ទំនាក់ទំនង​សហប្រតិបត្តិការ​រវាង​បក្ស​ទាំង ៣ និង​ប្រទេស​ទាំង ៣ លើ​គ្រប់​វិស័យ​នាពេលខាងមុខ​។​ ថ្នាក់ដឹកនាំ​ទាំង​៣​ប្រទេស​បាន​សង្កត់ធ្ងន់​ថា ក្នុង​បរិបទ​បច្ចុប្បន្ន បក្ស​ទាំង ៣ និង​ប្រទេស​ទាំង ៣ ចាំបាច់​ត្រូវ​បង្កើន​សាមគ្គីភាព សម្របសម្រួល​យ៉ាង​ជិតស្និទ្ធ គាំទ្រ​គ្នា​ទៅវិញទៅមក បន្ត​ចាត់ទុក​ទំនាក់ទំនង​រវាង​បក្ស​ទាំង ៣ គឺជា​ទិសដៅ​ស្នូល​សម្រាប់​ទំនាក់ទំនង​ទូទៅ​រវាង​ប្រទេស​ទាំង ៣ ; ពង្រឹង​សសរស្តម្ភ​អំពី​​ការពារជាតិ​-​សន្តិសុខ ពង្រឹង​កិច្ចសហប្រតិបត្តិការ​ក្នុង​កិច្ចការបរទេស​; បង្កើត​របត់​លោត​ផ្លោះ​ក្នុង​កិច្ចសហប្រតិបត្តិការ​សេដ្ឋកិច្ច បង្កើន​កិច្ចសហប្រតិបត្តិការ​លើ​វិស័យ​វប្បធម៌ អប់រំ វិទ្យាសាស្ត្រ​-​បច្ចេកវិទ្យា ទេសចរណ៍ និង​កសិកម្ម​; ជំរុញ​ថែមទៀត​ទំនាក់ទំនង​សហប្រតិបត្តិការ​រវាង​ស្ថាប័ន​របស់​បក្ស និង​រដ្ឋ រណសិរ្ស អង្គការ​ប្រជាជន និង​មូលដ្ឋាន​នៃ​ប្រទេស​ទាំង ៣ ដោយ​ឈរលើ​មូលដ្ឋាន​ពង្រីក​សក្កា​នុព​ល និង​ប្រៀប​ខ្លាំង​របស់​ប្រទេស​នីមួយៗ​៕a byden vn2