រដ្ឋាភិបាលបណ្តេញមេបញ្ជាការរងអាវុធហត្ថខេត្តកណ្តាល១រូបចេញពីក្របខណ្ឌរដ្ឋ

បើ ដើមឈើរលំសង្កត់យានយន្ត មិនមែនជាការទទួលខុសត្រូវរបស់មន្ទីរសាធារណការចុះបើកាប់ដើមឈើវិញ?

កាសែតរាយការណ៍បទល្មើសនេសាទមន្ត្រីជលផលប្រាប់ថាចាប់យកមកគេគ្មានកម្លាំងចាប់ទេ?

នៅក្បែរកោះបារាំង ក្នុងតំបន់រ៉ាមសារកោះកាពិ ខេត្តកោះកុង សាឡង់ចាប់បូមខ្សាច់ទៀតហើយ

ឆ្ងល់ថាតើមន្ត្រីជាន់ខ្ពស់រាជរដ្ឋាភិបាលពីររូបបានលុយពីណាជួយឧបត្ថម្ភកីឡាករប្រដាល់?

សមត្តកិច្ចបង្ក្រាបក្លឹបកំសាន្តពីរដោយគ្មានច្បាប់ចែងថាមានបទល្មើស?

ឧកញ៉ាគិតម៉េងជួបមេពន្ធដារឿងការវ៉ៃពន្ធអាញ៉េអាញ៉ៃគ្មានតម្លាភាព!

ជាច្រើនទៀត

ចំនួនអ្នកទស្សនា

ថ្ងៃនេះ 440 នាក់

ម្សិលមិញ 4847 នាក់

សរុប 13418632 នាក់

កម្មករក្រុមហ៊ុន ហង អញ់ អណ្ដូងមាស ចម្ការចេករបស់វៀតណាមជាង២០០នាក់ តវ៉ា រឿងមេការរត់បាត់

02-November-2023 / ព័ត៌មានជាតិ

ខេត្តរតនគិរី ៖ អ្នកស្រី យ៉ែម ណុប តំណាងឲ្យកម្មករដែលរងគ្រោះបានប្រាប់ឲ្យដឹងថាកន្លងមកនាយកក្រុមហ៊ុនចម្ការចេកហង អញ់អណ្ដូងមាសបានផ្ដល់សិទ្ធិ ឲ្យឈ្មោះ វង្ស ជនជាតិវៀតណាមជាអ្នក មើលចាត់ចែងការងារដាំដុះថែទាំដំណាំចេកជំនួសក្រុមហ៊ុន ពោលគឺជាមេការ ឡូ (មេការរួម)ហើយមេការឡូនោះបានមើលលើមេការផ្នែកប្រមាណចំនួន១០នាក់ទៀតដែលក្នុងមេការម្នាក់មានកម្មករចាប់ពី៥០នាក់ទៅ៦០នាក់។ a hong anh1

តំណាង កម្មករ បានឲ្យដឹងទៀតថានៅពេលចុះធ្វើការ មេ ការឡូ សន្យាថានិងបើកប្រាក់ពលកម្ម ឲ្យកម្មករ ពីរដងក្នុងមួយខែ ក៏ប៉ុន្ដែជាក់ស្ដែងមេការឡូមិនបានបើកប្រាក់ឲ្យគ្រប់ចំនួននោះឡើយ គឺបើកឲ្យតែថ្លៃម្ហូបស្ទើរមិនចង់គ្រប់ផងទេ។តំណាងកម្មករ បានបញ្ជាក់ថានៅពេល មេការឡូមិនបានបើកប្រាក់ខែឲ្យបានទៀងទាត់ ក្នុងនាមជាអ្នកម៉ៅការបានទៅខ្លីបុលប្រាក់ពីធនាគារយកមកប្រើប្រាស់គឺបើកឲ្យកម្មករដើម្បីកុំឲ្យស្ទះការងារ ប៉ុន្ដែឈ្មោះ វង្ស ដែលមេការឡូជនជាតិវៀតណាមនោះបានពន្យារពេលពុំបានបើកលុយឲ្យមេការខ្មែរ១០នាក់ គឺចាប់ពីខែកក្កដាឆ្នាំ២០២២រហូតមកដល់ខែសីហាឆ្នាំ២០២៣នេះធ្វើឲ្យថ្លៃពលកម្មកើនប្រាក់ដល់ជាង២៤៨,៣៦១,៨០០រៀល។

កាលពីខែមេសាឆ្នាំ២០២២តំណាងកម្មករក៏ធ្លាប់បានទៅដាក់ពាក្យប្ដឹងទៅសាលាដំបូងខេត្តរតនគិរី តុលាការបានកោះហៅខាងក្រុមហ៊ុនហង អញ់ អណ្ដូងមាសឲ្យចូលខ្លួនមកធ្វើការដោះស្រាយដែរ តែក្រុមហ៊ុននៅតែពុំបានបើកប្រាក់ខែឲ្យកម្មករទាំងជាង២០០នាក់នោះទេ។លុះមកដល់ខែកក្កដាឆ្នាំ២០២៣កម្មករនោះបាននាំគ្នាមកកាន់សាលាខេត្តរតនគិរីដើម្បីសុំឲ្យអភិបាលខេត្តជួយអន្ដរាគមន៍ព្រោះពួកគាត់គ្មានប្រាក់សម្រាប់ដោះស្រាយជីវភាពប្រចាំថ្ងៃនិងសម្រាប់បង់ការប្រាក់ធនាគារទេ។លោកញ៉ែម សំអឿន អភិបាលខេត្តរនគិរីក៏បានចេញលិខិតមួយច្បាប់បញ្ជូនទៅលោកសេក ហៃ អភិបាលស្រុកកូនមុំ ឲ្យធ្វើការដោះស្រាយរវាងក្រុមហ៊ុននិងកម្មករឲ្យបានជ្រះស្រឡះ តែមកដល់ពេលនេះតំណាងកម្មករថា លោកសេក ហៃ នៅពុំទាន់បានដោះស្រោយជូនពួកគាត់នៅឡើយ។

ខណៈពេលនេះតំណាងកម្មករនៅចម្ការចេកបានបញ្ជាក់ថាមេការឡូ ឈ្មោះ វង្ស នោះ ត្រូវបានក្រុមហ៊ុនឲ្យត្រឡប់ទៅប្រទេសវៀតណាមវិញបាត់ហើយតែរឿងនេះពួកគាត់សុំឲ្យខាងក្រុមហ៊ុនចេញមុខទទួលសងប្រាក់ជាង២០០លានរៀលនោះព្រោះមេការឡូនោះជាមនុស្សរបស់ក្រុមហ៊ុនហងអញ់អណ្ដូងមាស។លោកសេក ហៃ អភិបាលស្រុកកូនមុំបានប្រាប់ឲ្យដឹងដែរថា ករណីនេះ កម្មករធ្លាប់បាន ប្ដឹងក្រុមហ៊ុនចម្ការចេកទៅតុលាការរួចម្ដងហើយ គឺតាមរយ:មន្ទីរការងារតែពុំដឹងថាមានដំណោះស្រាយយ៉ាងណានោះទ។ នៅថ្ងៃខាងមុខលោកនិងអញ្ជើញភាគីកម្មករឲ្យមកសាលាស្រុកដើម្បីបំភ្លឺបន្ថែម៕ a hong anh