ចុមយក្ស ! មន្ត្រីយោធាឈ្មោះ ប៉ាវ និងឈ្មោះ ម៉ សឿម ថ្លើមធំពាសមេឃហ៊ានជួលទីតាំងឃ្លាំងស្តុកទុកគ្រឿងសព្វាអាវុធរបស់កងទ័ពអោយជនជាតិយួនធ្វើិសិប្បកម្មផលិតទូកស្មាច់បាឡា ?
16-November-2025 / ព័ត៌មានជាតិ
សៀមរាប៖យោងតាមប្រភពពីបណ្តាញព័ត៌មានគេហទំព័រក្នុងស្រុក បាន បង្ហោះផ្សព្វផ្សាយព័ត៌មានដ៏ក្តៅគគុកពាក់ព័ន្ធនឹងទីតាំង ទីបញ្ជាការដ្ឋានរបស់កងយោធភូមិភាគទី៤ ដែលត្រូវបានមន្ត្រី យោធាឃុបឃិតគ្នាយកទីតាំងឃ្លាំងស្តុកទុកគ្រឿងសព្វាអាវុធ របស់កងទ័ពទៅជួលអោយជនជាតិយួនបើកសិប្បកម្មផលិត ទូកស្មាច់បាឡា ដោយមិនខ្វល់គិតពីបញ្ហាសន្តិសុខជាតិ និង ការសម្ងាត់ផ្សេងៗរបស់កងទ័ពអ្វីបន្តិចសោះ ? ។
បើផ្អែកតាម បណ្តាញសង្គមបានអោយដឹងថា មានសេចក្តីរាយការណ៍ពីប្រជាពលរដ្ឋមកថា នៅក្នុងទីបញ្ជាការកងអនុសេនាធំលេខ៣ ស្ថិតនៅ ភូមិ ភ្នំក្រោម សង្កាត់សៀមរាប ក្រុង ខេត្តសៀមរាប បានយកឃ្លាំងស្តុកគ្រឿងសព្វាអាអាវុធ ចំនួន២កន្លែង របស់កងទ័ពទៅជួលអោយជនជាតិវៀតណាម ធ្វើអាជីវកម្មផលិតទូកស្មាច់បាឡា ។ បន្ទាប់ពីទទួលបានសេចក្តីរាយការណ៍ ពីប្រជាពលរដ្ឋមក អ្នកកាសែត បានចុះទៅដល់គោលដៅក្នុងទីបញ្ជាការកងអនុសេនាធំលេខ៣ ជួបជាមួយលោក វៀង ញ៉ ជនជាតិវៀតណាម ! ជាមេការគ្រប់គ្រងឃ្លាំងស្តុកគ្រឿងសព្វាអាវុធ តែឃ្លាំងសព្វថ្ងៃនេះគឺស្តុកនិងផលិតទូកស្មាច យ៉ាង ច្រើនសន្ធឹកសន្ធាប់ទៅវិញ មិនមានគ្រឿងសព្វាអាវុធទេ ។
លោក វៀង ញឺ ! ជាមេការជនជាតិវៀតណាម បានអង្គុយរៀបរាប់យ៉ាងក្បោះក្បាយថា កន្លែងឃ្លាំងស្តុកគ្រឿងសព្វាអាវុធ របស់ទីបញ្ជាការកងអនុសេនាធំ លេខ ៣ គ្រប់គ្រងដោយ ឈ្មោះ ប៉ាវ ជាទាហានពាក់សក្តិ ៣ និង លោក ម៉ សឿម ! ក៏ជាទាហាន ដែលត្រូវបានលោក រស់ ថារ៉ា ! និងប្រពន្ធជនជាតិវៀតណាម ជួលឃ្លាំងនេះអស់រយៈពេល៣ឆ្នាំមកហើយដើម្បីធ្វើអាជីកម្មផលិតទូកស្មាច់ ឃើញថាដំណើរ ការបានល្អប្រសើដោយថៅកែរបស់លោកលក់មានទីផ្សារបោះដុំ និង រាយគ្រប់ទីកន្លែងព្រោះបានជួលត្រូវរូវគ្នាជាមួយមេ អស់ ហើយ ។
បើតាមការបញ្ជាក់ប្រាប់តាមទូរស័ព្ទពីលោក ប៉ាវ ! ជាទាហានសក័ ៣ គ្រប់គ្រងទីបញ្ជាការកងអនុសេនាធំ លេខ៣ ពេលអ្នកកាសែតសួរនាំជុំវិញករណីខាងលើនេះលោក ប៉ាវបាន អោយដឹងថា ឃ្លាំងស្តុកគ្រឿងសព្វាអាវុធមាន តាំងពី យូរ លង់ណាស់មកហើយ ដោយឃើញថាវាអត់ប្រយោជន៍ ក៏ជួលអោយគេធ្វើអាជីវកម្មផលិតទូកស្មាច់តែម្តងទៅ គ្រាន់បានលុយចាយ ហើយរឿងនេះបានរាយការណ៍ទៅថ្នាក់លើរួចអស់ ហើយដែរ ចំណែក លោក ម៉ សឿម ! មិនអាចទាក់ទងបានទេព្រោះគ្មានលេខទូរស័ព្ទ ។
ទាក់ទិនទៅនឹងការដែលយកឃ្លាំង សម្រាប់ដាក់សព្វាអាវុធកងទ័ព នៃទីបញ្ជាការកងអនុសេនាធំលេខ៣ ដែលជាសម្បិត្តរដ្ឋ ពីសំណាក់ ឈ្មោះ ប៉ាវ ! ដែលជាទាហ៊ានពាក់សក័ ៣ នឹង លោក ម៉ សឿម ! តើថ្នាក់លើបាន ដឹង ដូចការលើកឡើងរបស់លោក ប៉ាវ នេះពិតប្រាកដមែនដែរឬទេ ? ឬមួយឆ្លើយអោយតែរួចពីមាត់ សូមថ្នាក់លើពិនិត្យមើល ករណីទីបញ្ជាការកងអនុសេនាធំលេខ៣ ខាងលើនេះផង ។
សង្ឃឺមថា ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការកងទ័ពជើងគោក នឹងចុះទៅត្រួតពិនិត្យមើល ដោយផ្ទាល់ថាតើករណីនេះពិត ឬ មិនពិត ? ហើយមេបញ្ជា ការកងអនុសេនាធំលេខ៣ នឹងត្រូវបកស្រាយបំភ្លឺទៅថ្នាក់លើ បែបម៉េច ? រឿងខឿនការពារជាតិទឹកដីធំធេងណាស់ មិនមែន លេងសើចឬគិតតែប្រមូលផលប្រយោជន៍ចែកគ្នាធ្វើមានបាន ដោយមិនខ្វល់ពីការងាររក្សារការសម្ងាត់របស់ទីតាំងកងទ័ព បែបនេះទេ? ។
អង្ភភាពគេហទំព័សារព័ត៌មាន មាតុភូមិ www.meatophoum.com នៅមិនអាចស្វែងរកការបកស្រាយបំភ្លឺបញ្ជាក់ អំពីករណីខាងលើនេះ ពីលោក ប៉ាវ និងលោក ម៉ សឿម ក៏ដូចជាលោកមេបញ្ជាការកងអនុសេនា ធំ លេខ៣ ដែរ ព្រោះពុំមានលេខទូរស័ព្ទសំរាប់ទាក់ទង ។ ការិយាល័យនិពន្ធយើង ស្វាគមន៍គ្រប់ពេលនឹងចុះផ្សាយ ការបកស្រាយបំភ្លឺពីគ្រប់ភាគីពាក់ព័ន្ធ ៕ ដោយ : សុផល Tel : 012 953 824 / 086 911920
