វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1953 នាក់
ម្សិលមិញ 6677 នាក់
សរុប 14149529 នាក់
ក្រចេះ ៖នៅថ្ងៃទី២៧ ខែកក្កដា ឆ្នាំ២០២៣នេះ សមត្ថកិច្ច ចុះឡោមព័ទ្ធទីតាំងស្ថានីប្រេងសាំងមួយកន្លែងដើម្បីរឹបអូសយករថយន្តពីរគ្រឿង ដែលបានបង្ករហេតុគ្រោះថ្នាក់ចរាចរណ៍ ជាមួយរថយន្តយោធាម្នាក់ក្នុងខេត្តក្រចេះ និងគេសង្ស័យថា បានលួចលាក់ដឹកឈើ ប្រណិត ខុសច្បាប់ ផងដែរ។ទីតាំងស្ថានីយ៍ប្រេង តេលា ដែលកម្លាំងសមត្ថកិច្ចចម្រុះធ្វើការឡោមព័ទ្ធឈ្មោះ ស្ពានតេ ស្ថិតក្នុងសង្កាត់រកាកណ្តាល ក្រុងក្រចេះ ខេត្តក្រចេះ ។
សេចក្តីរាយការណ៍ពីផ្នែក រដ្ឋបាលព្រៃឈើក្រចេះ បានបញ្ជាក់ឱ្យដឹងថា រថយន្ដដឹក ឈើទាំង ២ គ្រឿងនេះ បានបង្កគ្រោះថ្នាក់ចរាចរណ៍ ជាមួយរថយន្ដមន្ត្រីយោធាម្នាក់ នៅចំណុចឃុំចង្គ្រង់ ស្រុកចិត្របុរី ខេត្តក្រចេះ កាលពីវេលារំលងអធ្រាត្រ ឈានចូលថ្ងៃទី ២៧ ខែកក្កដា ឆ្នាំ២០២៣ ហើយបានបើករត់ចូល ក្នុងបរិវេណទីតាំងស្ថានីយ៍ប្រេង តេលា ស្ពានតេ របស់លោក ម៉ារែន ។ បន្ទាប់មកសមត្ថកិច្ច បានសហការជាមួយម្ចាស់ស្ថានីយ៍ ប្រេង តេលា តែម្ចាស់ទីតាំងនោះ មិនព្រមសហការជាមួយ ដោយគាត់ឆ្លើយថា មិនមាន រថយន្ដ ចូលទេ ។
ក្រោយពីម្ចាស់ស្ថានីយ៍ប្រេង តេលា មិនព្រមសហការ សមត្ថកិច្ចបានរាយការណ៍ ជូនលោកព្រះរាជអាជ្ញា សាលាដំបូង ខេត្ត បន្ទាប់មក លោក រ៉ា បូរ៉ាន់ឌី ព្រះរាជអាជ្ញារង សាលាដំបូងខេត្ត បានដឹកនាំកម្លាំង ចុះឆែកឆេរ ក៏ប្រទះឃើញរថយន្ដ បង្កហេតុទាំង ២ គ្រឿង និងឃើញឈើជាច្រើន នៅក្នុងឃ្លាំង បរិវេណស្ថានីយ៍ប្រេងតេលា ថែមទៀត។សមត្ថកិច្ចចម្រុះ ក៏បានដឹកជញ្ជូនឈើទាំងនោះ យកទៅរក្សាទុក នៅស្ថានីយ៍បណ្ដុះកូនខ្សា ដើម្បីចាត់ការតាមច្បាប់រដ្ឋបាលព្រៃឈើ៕