វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2678 នាក់
ម្សិលមិញ 2691 នាក់
សរុប 13066979 នាក់
កណ្ដាល ៖កាស៊ីណូ ហ្គ្រេនដ្រាហ្គនរីសតកាឡាក់ស៊ីជ្រៃធំបានចាប់ផ្តើមបើកដំណើរការឡើងវិញហើយ ចាប់ពីដើមខែតុលា២០២២ រហូតមកដល់បច្ចុប្បន្ននេះដែលបង្កប់ល្បែងចលមាន់ផងដែរ។ ប្រការគួកត់សម្គាល់បុគ្គលដែលបើកល្បែងបញ្ជាល់មាន់ បៀរ អាប៉ោង និងល្បែងច្រើនប្រភេទទៀតឲ្យពលរដ្ឋខ្មែរ ជនជាតិយួន ចូលមកលេងភ្នាល់ដាក់លុយស៊ីសងខុសច្បាប់យ៉ាងពពាក់ពពូនប្រហែលជាមានខ្នងបង្អែករឹងមាំនៅពីក្រោយចាំជួយបិទបាំង ទើបហ៊ានធ្វើអ្វីៗតាមអំពើចិត្ត។
ប្រជាពលរដ្ឋរស់នៅភូមិជ្រៃធំ ឃុំសំពៅពូន ស្រុកកោះធំ បានបញ្ជាក់ឲ្យដឹងថាក្រុមខ្មែរអ្នកញៀនល្បែងបញ្ជាល់មាន់ បៀរអាប៉ោង មានទាំងរថយន្តទំនើបៗ និងម៉ូតូជាច្រើនគ្រឿងកំពុងសម្រុកចូលលេងយ៉ាងគំហុក រំលោភច្បាប់ហាមខ្មែរចូលលេង។លោក នេត សាវឿន អគ្គស្នងការដ្ឋាននគរបាលជាតិដែលឆាប់ខាងមុខនឹងឡើងជាឩបនាយករដ្ឋមន្ត្រីទទួលបន្ទុកសន្តិសុខ មិនគូរមើលរំលងភាពអសកម្មរំលោភច្បាប់ដែលបោកបញ្ឆោតប្រជាពលរដ្ឋខ្មែរចឹងឡើយ។ព្រោះ មន្ត្រីអាជ្ញាធរមូលដ្ឋានថ្នាក់ឃុំ និងសមត្ថកិច្ចនគរបាលស្រុកកោះធំ ព្រមទាំងសមត្ថកិច្ចពាក់ព័ន្ធថ្នាក់ខេត្តបានធ្វើចារឹកកន្ទេលធំបន្លំដេកដោយមិនចាត់វិធានការបង្ក្រាបល្បែងបញ្ជាល់មាន់ខ្នាតធំ នៅខ្សែបន្ទាត់ច្រកទ្វារព្រំដែនអន្តរជាតិជ្រៃធំ ឲ្យស្របតាមគោលនយោបាយភូមិ ឃុំ មានសសុវត្ថិភាព7ចំណុចនោះទេ ។
សូម្បីតែ លោក គង់ សោភ័ណ្ឌ អភិបាលខេត្តកណ្តាល និងលោក ឈឿន សុចិត្រ ស្នងការដ្ឋាននគរបាលខេត្តកណ្តាល មិនហ៊ានប៉ះពាល់ម្ចាស់បនល្បែងបញ្ជាល់មាន់ដែរហើយបុគ្គលរូបនេះអាចប្រមូលលុយបានច្រើនសន្ធឹកសន្ធាប់ក្នុងមួយថ្ងៃៗ កំពុងបើកលេងយ៉ាងពពេញទំហឹង ព្រោះ សព្វថ្ងៃនេះប្រជាពលរដ្ឋ រស់នៅជិតច្រកទ្វារព្រំដែនអន្តរជាតិជ្រៃធំ ពួកគាត់នាំគ្នាភ័យយ៉ាងខ្លាំងខ្លាចកើត ចោរកម្មផ្សេងៗដូចជា លួច ឆក់ ប្លន់ អំពើហឹង្សាក្នុងគ្រួសារនិងគ្រឿងញៀនរីករាលដាលគូរឲ្យកត់សម្គាល់ ។
ចំណុចដែលចាប់អារម្មណ៍ រយៈពេលប្រមាណ១ខែចុងក្រោយ កាស៊ីណូនេះ មានពលរដ្ឋខែ្មរសម្រុកចូលលេងល្បែងបញ្ជាល់មាន់ មកពីគ្រប់ទិសទីយ៉ាងគគ្រឹកគគ្រេង អ្នកចាញ់ច្រើន ជាងអ្នកឈ្នះ រីឯលោក មេប៉ុស្តិ៍ការពារច្រកទ្វារព្រំដែនអន្តរជាតិជ្រៃធំ ជាអ្នកបើកភ្លើងខៀវ ទើបបុគ្គលជាម្ចាស់ទីតាំង និងបក្សពួក ប្រព្រឹត្តទៅដោយរលូន មិនខ្វល់ពីការរិះគន់អ្វីទាំងអស់។ប្រជាពលរដ្ឋ រស់នៅជិតច្រកទ្វារព្រំដែន អន្តរជាតិជ្រៃធំ ក្នុងភូមិជ្រៃធំ ឃុំសំពៅពូន ស្រុកកោះធំ អំពាវនាវដល់ថ្នាក់ដឹកនាំក្រសួងមហាផ្ទៃ ថ្មីពិសេសលោកនាយឧត្តមសេនីយ៍នេតសាវឿន ចាត់មន្ត្រីក្រោមឱវាទចុះត្រួតពិនិត្យចំពោះភាពមិនប្រក្រតី របស់បុគ្គលដែលហ៊ានបើកល្បែងបញ្ជាល់មាន់ទ្រង់ទ្រាយធំ ចាត់វិធានការបង្ក្រាបជាបន្ទាន់ ដើម្បីបង្រឹងសណ្ដាប់ធ្នាប់ជូនពលរដ្ឋក្នុងមូលដ្ឋានផងទាន!៕