វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 230 នាក់
ម្សិលមិញ 5378 នាក់
សរុប 14079523 នាក់
កំពង់ឆ្នាំង៖ ក្រុមការងារអ្នកសារព័ត៌មានយើងសូមគោរពរាយការណ៍ជូនលោកប្រធានមន្ទីរកសិកម្មខេត្តកំពង់ឆ្នាំងមេត្តាជ្រាបថា ស្របពេលរដូវកាលនៃការបោះឆ្នោតឈានជិតចូលមកដល់នាពេលខាងមុខ បទល្មើសដឹកជញ្ជូនឈើគ្រប់ប្រភេទដែលដឹកតាមរថយន្ត និងគោយន្តនៅរតាមផ្លូវក្ដុល ក្រាំងស្គារ ចេញពីទឹកដីខេត្តពោធិ៍សាត់មួយថ្ងៃៗរាប់សិបរថយន្ត និងរាប់សិបគោយន្តបន្តកន្ទុយគ្នាដូចហែរ កឋិនទាំងយប់ ទាំងថ្ងៃ
គ្មានសមត្ថកិច្ចបង្ក្រាប។ ប្រជាពលរដ្ឋបានរិះគន់លោក សំ រឹទ្ធីនាយផ្នែករដ្ឋបាលព្រៃឈើរមាសទើបឡើងកាន់តំណែងថ្មីថាមិនបានខ្វល់ ខ្វាយ និងធើមើលមិនឃើញបទល្មើស ។
បើយោងតាមប្រភពព័ត៌មានពីក្រុមមន្ត្រីដែលធ្លាប់ធ្វើការនៅផ្នែករដ្ឋបាលព្រៃឈើរមាសបានបង្ហើបអោយដឹងថា ចាប់តាំងពីលោកសំ រឹទ្ធីឡើងកាន់តំណែងជានាយផ្នែករដ្ឋបាលព្រៃឈើរមាសមកអ្នកដែលធ្វើការនៅក្នុងទីតាំងផ្នែករមាសពីមុនមកបានដកខ្លួនចេញទៅនៅផ្ដុំគ្នាតាមគោលដៅអស់គឺនាយផ្នែកទៅផ្សេង រីឯនាយសង្កាត់និងមន្ត្រីទៅផ្សេងដោយសាតែពួកគេស្រឡាញ់លោកសំ រឹទ្ធីខ្លាំងពេកព្រោះតែគាត់ជាមនុស្សមានចរឹកស្លូតបូតគួរអោយចង់ស្រឡាញ់រាប់អាន។
សព្វថ្ងៃមានគោលដៅខ្លះគេមិនសូវឃើញមានមន្ត្រីជំនាញនៅប្រចាំការនៅកន្លែងទេ គេច្រើនឃើញលោកសំ រឹទ្ធីបានប្រើអោយប្រជាពលរដ្ឋ អោយចាំជំនួសដើម្បីចាំយកលុយពីក្រុមរថយន្ត គោយន្តដឹកឈើ ដឹកបង្គោលគ្រាក់ ដឹកអុស ដឹកធ្យូងជាដើម។ ជាក់ស្ដែងដូចជានៅគោលដៅថ្នាលបណ្ដុះកូនឈើប៉ុស្ដិចាស់ភូមិស្លែង និងនៅគោលដៅថ្នាលបណ្ដុះកូនឈើអូឃ្លៃភូមិតានៃជាដើម សូមលោកប្រធានមេត្តាជ្រាបជាសេចក្ដីរាយការណ៍។