មេបញ្ជាការយោធាខេត្តកំពង់ឆ្នាំង ៖ សត្រូវដែលបំផ្លាញសន្លឹកឆ្នោតបក្សCPP!គឺក្រុមលួចឈូសឆាយដីអតីតយុទ្ធជនដែលមានអនុក្រឹត្យរបស់ប្រមុខរដ្ឋាភិបាលនិងអ្នកនៅពីក្រោយខ្នង!?តើវាជាអ្នកណា?
15-January-2025 / ព័ត៌មានជាតិ
កំពង់ឆ្នាំង៖ ប្រជាពលរដ្ឋបាននិយាយតគ្នាថាជនដែលថ្លើមធំហ៊ានយកគ្រឿងចក្រទៅចូលលួចឈូសឆាយដីអតីតយុទ្ធជនដែលមានអនុក្រិត្យរបស់រាជរដ្ឋាភិបាល នៅស្រុកសាមគ្គីមានជ័យនោះ ប្រហែលជាមានអំណាចមិនធម្មតាទេព្រោះគ្មានអ្នកណាទប់ស្កាត់បាន?! ។បើយោងតាមសេចក្ដីរាយការណ៍ថា៖មានមនុស្សមួយក្រុមបានមានបំណងរំលោភយកដីអតីតយុទ្ធជនដោយលួចយកគ្រឿងចក្រលួចចូលឈូសឆាយយក(ដីអតីតយុទ្ធជនដែលមានអនុក្រឹត្យ )ដោយពួកគេឆ្មក់ឆ្លៀតឱកាស់ពេលគេកំពុងរវល់ឃោសនាបោះឆ្នោត ឆ្នាំ២០១៨ ។
ករណីយ៍នេះ-មេបញ្ជាការតំបន់ប្រតិបត្តិការសឹករងខេត្តកំពង់ឆ្នាំង និងជាមេបញ្ជាការរងយោធភូមិភាគពិសេស ឧត្តមសេនីយ៍ទោ ធន ធឿន បានដាក់បទបញ្ជាដាច់ខាត គ្រប់អង្គភាពត្រូវប្រុងប្រុយ័ត្ន ដើម្បីការពារជនខិលខូច បើចូលត្រូវដេញចាប់ឲ្យខាងតែបាន ហើយពួកនេះហើយដែលជាសត្រូវបំផ្លាញសន្លឹកឆ្នោតបក្សCPPផងដែរ ពួកគេជាជនឱកាសនិយម ចាំតែយើងប្រហែសពួក វាប្រមូលផ្ដុំ វាយលុកយកភ្លាមៗតែម្តង ដូចនេះ គ្រប់កំលាំងត្រូវតាមដានអោយបានជាប់ជាប្រចាំ និងរាយការជាបន្ទាន់ ។
-ឧត្តមសេនីយ៍ទោ ធន ធឿន បានអោយដឹងថា គ្រឿងចក្រនេះបានចូលមកសំងុំចាំលួចឈូសឆាយដីតាំងពីថ្ងៃទី8/7/2018 កំលាំងកងទ័ពបានទៅឃាត់មិនអោយឈូសឆាយម្តងរួចហើយ ប៉ុន្តែមកដល់ថ្ងៃទី11/7/2018 ម៉ោង6ព្រឹកវាបានលួចឈូសឆាយ នៅពេលកំលាំងយើងទៅទាន់បានបើករត់ទៅលាក់ក្នុងព្រៃ?! ។ បច្ចុប្បន្នកម្លាំងសមត្ថកិច្ចកំពុងហាមមិនអោយចូលមកឈូសដីបន្តទៀតឡើយ
។ប៉ុន្តែដូចជាមិនមានប្រសិទ្ទិភាពឡើយ។
ជាក់ស្តែងកាលថ្ងៃទី11/7/2018 មានគ្រឿងចក្រអាប៊ុលកង់កៅស៊ូ ដែលបានឈូសឆាយដីសម្បទានអតីតយុទ្ធជន ត្រូវបានកំលាំងផ្នែកសឹករង ស្រុកសាមគី្គមានជ័យ សហការជាមួយនគរបាលស្រុកចាប់នាំមករក្សារទុកនៅអធិការស្រុក ដើម្បីដោះស្រាយតាមនិតិវិធីច្បាប់។តែគួឲ្យហួសចិត្តគឺគ្រឿងចក្របាននាំមកដល់អធិការស្រុកនៅម៉ោង5,37នាទីល្ងាចនេះចំណែកម្ចាស់បានរត់គេចបាត់?!។
គួរបញ្ជាក់ថា ៖ករណីគ្រឿងចក្រលួចចូលទន្ទ្រានឈូសឆាយដីព្រៃ ដីសម្បទានសង្គមកិច្ច ដី១០%ឬដីសហគមន៍នេះមិនមែនមានតែនៅស្រុកសាមគ្គីមានជ័យប៉ុណ្ណោះទេគឺមានស្ទើរតែគ្រប់ស្រុកទាំងអស់ក្នុងខេត្តកំពង់ឆ្នាំង។ ជាក់ស្ដែងដូចជានៅឃុំច្រណូ ឃុំស្វាយរំពារ និងឃុំពោរស្រុកកំពង់លែង ដែលមានផ្ទៃដីរាប់ម៉ឺនហិកតានិងនៅតំបន់ជំវិញភ្នំពាមលោកនិងនៅតំបន់វាលតាមជើងភ្នំសូរិយនៅក្នុងឃុំជៀបស្រុកទឹកផុសដែលមានដីរាប់ម៉ឺនហិចត្តាជាដើម។
អ្នកដែលមានសិទ្ធទៅរំលោភយកដីទាំងនោះភាគច្រើនសុទ្ធសឹងជាអ្នកមានអំណាចដោយគេឃុបឃិតគ្នាជាប្រព័ន្ធចាប់ពីចាប់ពីថ្នាក់ភូមិរហូតដល់ថ្នាក់ស្រុក ។មិនតែប៉ុណ្ណោះមានព័ត៌មានបែកធ្លាយល្បីរន្ទឺថា មានស្នងការរងនគបាលខេត្តកំពង់ឆ្នាំម្នាក់មានដីនៅតំបន់គោគព្រះឃុំច្រណូកស្រុកកំពង់លែងរាប់រយហិកតានិងមានដីនៅតំបន់ភ្នំសូរិយាឃុំជៀបស្រុកទឹកផុសរាប់រយហិកតាផងដែរ។
ដោយសារអភិបាលខេត្តលោកគ្មានលទ្ទភាពបង្ក្រាបព័ត៌មាននេះ ជាសារមួយផ្ញើជូនថ្នាក់ដឹកនាំ អាជ្ញាធរគ្រប់លំដាប់ថ្នាក់ពិសេសអង្គភាពប្រឆាំងអំពើពុករលួយដែលមានឯកឧត្តមឱម យិនទៀងជាប្រធាននិងឯកឧត្តមជាសុផារ៉ារដ្ឋមន្ត្រីក្រសួងដែនដីដើម្បីជូនជ្រាបជាព័ត៌មាននិងដើម្បីមានវិធានការទប់ស្កាត់ទាន់ពេលវេលាផង៕
