អនុញាតឲ្យដឹកកូនឈើតូចៗ តែលោក អៀង ប៊ុនថន តំណាងក្រុមហ៊ុន ខ្មែរអេឡិកទ្រីខលផៅវ័រ ដឹកឈើលេខ១ធំៗ

កណ្តាល៖រថយន្តវ៉េអងខ្នាតយក្សចំនួន ១គ្រឿងបានដឹកឈើប្រភេទលេខ១ខ្នាតធំពេញៗរថយន្ត មកទំលាក់នៅដីមួយកន្លែងក្នុងភូមិព្រៃគោ ឃ៉ំឈ្វាំង ស្រុកពញាឮ ខេត្តកណ្តាល កាលពីថ្ងៃទី២០ ខែមករា ឆ្នាំ២០២៦។ 

ផ្ទុយទៅវិញបើតាមលិខិតពីមន្ទីរកសិកម្ម រុក្ខាប្រមាញ់ និងនេសាទ ខេត្តកោះកុងអនុញ្ញាតឲ្យឈ្មោះ អៀង ប៊ុនថន តំណាងក្រុមហ៊ុន ខ្មែរអេឡិកទ្រីខលផៅវ័រ ឲ្យដឹកជញ្ជូនផល តែអនុផលព្រៃឈើ(១)កូនឈើប្រភេទលេខ១ ទំហំ១៥.៣០សង់ទីម៉ែត្រ ចំនួន៦ដើម។

បរិមាណ(២)ស្មើចំនួន២៦កំណាត់ និង កូនឈើដើមចម្រុះ ទំហំគល់តូចជាង១៥សម ចំនួន២២ ដើម ស្មើចំនួន ៤៤កំណាត់ ដោយដឹកតាមរថយន្ត១ម៉ាកហ៉ីណូ ស្លាកលេខភ្នំពេញ-3F.3385 រ៉ឺម៉ក 4A.3053 ប៉ុន្តែឈើដឹកជាក់ស្តែងគឺមានទំហំធំៗដែលភាគច្រើនសុទ្ធតែលើសទំហំ១៥សម ដែលនេះច្បាប់មិនបានអនុញ្ញាតនោះទេ។

ចំពោះសកម្មភាពដឹកអនុផលព្រៃឈើនេះពេលកាសែតទំនាក់ទំនងទៅលោក ថន សុវណ្ណា អភិបាលស្រុកពញាឮ លោកបានប្រាប់ចាំឱ្យឃ៉ំចុះទៅមើល។លោក គីម អៀង មេបញ្ជាការកងរាជអាវុធហត្ថស្រុកពញាឮបានឲ្យអ្នកសារព័ត៌មានដឹងថា ថាកូនចៅជាប់បេសកកម្មអស់ហើយមិនបានទៅមើលទេ!

ចំណែកលោក ស ថាន់ នាយខណ្ឌរដ្ឋបាលព្រៃឈើ ខេត្តកណ្តាលបានឳ្យអ្នកសារព័ត៌មានដឹងថាកន្លែងហ្នឹងគេមានច្បាប់អនុញ្ញាត និងបានផ្ញើរឯកសារមកអ្នកសារព័ត៌មាន ដែលភ្ជាប់ជាមួយលិខិតអនុញ្ញាតឲ្យបង្កើតរោងសិប្បកម្មកែឆ្នៃឈើប្រភេទតូចរបស់លោក សូត បូរ័ត។

ចំពោះការឈើដឹកមកនេះដើម្បីឲ្យមានត្លាភាពមន្ត្រីជំនាញចុះពិនិត្យឱ្យបានច្បាស់លាស់ ក្រែងកន្ទេលធំបន្លំដេក ហើយបើឃើញថាបានល្មើសច្បាប់អនុញ្ញាតគួរតែមានវិធានការចំពោះក្រុមហ៊ុននេះ។សារពត័មានយើង រង់ចាំការបំភ្លឺ និងតាមដានបន្តទៀត៕