តើលោកភីថានឹងមានវាសនាដូចលោកមេបក្សអាណាគតឆ្ពោះទៅមុខលោកថាណាថនដែរឬទេ?
03-April-2024 / ព័ត៌មានអន្តរជាតិ
ប្រទេសថៃ៖សភាទាំងពីរថ្នាក់របស់ថៃ(រដ្ឋសភានិងព្រឹទ្ធសភា) នៅថ្ងៃពុធទី១៩កក្កដានេះបានបោះឆ្នោតបដិសេធក្នុងសម្លេង៣៩៤សម្លេងទល់និងសម្លេងគាំទ្រ៣១២ក្នុងការឱ្យមេដឹកនាំគណបក្ស Move Forward គឺលោក Pita Limjaroenrat ឈរឈ្មោះជាបេក្ខជននាយករដ្ឋមន្ត្រី នៅក្នុង ការបោះឆ្នោតជុំទី២។ ទីភ្នាក់ងារសារព័ត៌មាន AFP នៅថ្ងៃពុធ ទី១៩ ខែកក្កដា ឆ្នាំ២០២៣បានឲ្យដឹងថា៖ប្រធានរដ្ឋសភាថៃ លោក Wan Muhamad Noor Matha បានប្រាប់ថា «លោក Pita មិនអាចត្រូវបានតែងតាំង (ជាបេក្ខជននាយករដ្ឋមន្ត្រី) ជាលើកទី២ នៅក្នុងសម័យប្រជុំរួមនេះនោះឡើយ»។ការបោះឆ្នោតសម្រេចនេះបានកើតឡើងបន្ទាប់ពី តុលាការធម្មនុញ្ញថៃ បានសម្រេចចិត្តព្យួរតំណែងសមាជិកសភាមេដឹកនាំគណបក្ស Move Forward គឺលោក Pita Limjaroenrat ជាបណ្តោះអាសន្នមុនពេលសភាប្រជុំតែបន្តិចតបតាមអនុសាសន៍របស់គណៈកម្មការរៀបចំការបោះឆ្នោតនៃប្រទេសថៃ។
តុលាការធម្មនុញ្ញថៃដែលគេជឿងថារងឥទ្ធីពលពីពួកអាម៉ាតនិងយោធា នៅព្រឹកថ្ងៃពុធ ទី១៩ ខែកក្កដានេះ បានសម្រេចចិត្តព្យួរតំណែងសមាជិកសភាមេដឹកនាំគណបក្ស Move Forward គឺលោក Pita Limjaroenrat ជាបណ្តោះអាសន្នហើយ តបតាមអនុសាសន៍របស់គណៈកម្មការរៀបចំការបោះឆ្នោតនៃប្រទេសថៃ។ សូមបញ្ចាក់ថាលទ្ធផលនៃការបោះឆ្នោតកាលពីថ្ងៃទី១៣កក្កដាបង្ហាញថា លោកភិថា លីមចារើនរ៉ាត់ បានទទួលសំឡេងឆ្នោតគាំទ្រ ចំនួន ៣២៤សំឡេង ក្នុងនោះ មាន៣១១មកពីសភាជាតិ ឬសភាជាន់ទាប និង១៣សំឡេង មកពីព្រឹទ្ធសភា។ ចំណែកសំឡេងឆ្នោតមិនគាំទ្រវិញ គឺមាន ១៨២សំឡេង ៣៤មកពីព្រឹទ្ធសភា ១៤៨មកពីសភា។ ដោយឡែក សំឡេងឆ្នោតអនុប្បវាទ មានច្រើនខ្លាំងណាស់ គឺ១៩៩សំឡេង ដែលក្នុងនោះ ១៥៩មកពីព្រឹទ្ធសភា ៤០សំឡេងមកពីសភា។
គណៈកម្មការរៀបចំការបោះឆ្នោតនៃប្រទេសថៃ កាលពីថ្ងៃទី១២ ខែកក្កដា បានផ្តល់អនុសាសន៍ទៅកាន់តុលាការធម្មនុញ្ញថៃ ឱ្យព្យួរសមាជិកភាពសភារបស់មេដឹកនាំ គណបក្ស Move Forward គឺលោក Pita Limjaroenrat ជាបណ្តោះអាសន្នសិន ជុំវិញការចោទប្រកាន់ថា រូបលោកបានរំលោភលើច្បាប់បោះឆ្នោត ពាក់ព័ន្ធនឹងការកាន់កាប់ ភាគហ៊ុន នៅក្នុង ក្រុមហ៊ុនប្រព័ន្ធផ្សព្វផ្សាយមួយដែលលែងដំណើរការជាយូរមកហើយ។ បន្ថែមពីលើនេះ តុលាការធម្មនុញ្ញថៃក៏យល់ព្រមបើកសវនាការលើសំណុំរឿងនេះ ផងដែរ ដែលមានការ រំពឹងថាជាច្រើនថាលោក Pita អាចនឹងត្រូវបានគេដកហូតសមាជិកភាពសភារបស់លោក។ទោះជាបែបនេះក្ដី តែលោក Pita នៅតែអាចឈរឈ្មោះជាបេក្ខជននាយករដ្ឋមន្ត្រីបានដដែលគ្រាន់តែលទ្ធផលនៃការបោះឆ្នោតគាំទ្រឲ្យលោកបន្តឈរជាបេក្ខភាពមីនគ្រប់សម្លេងគាំទ្រ។
ការំពឹងនេះបានកើតឡើងបន្ទាប់ពីកាលពីឆ្នាំ២០២០ពេលយោធាខ្លាំងលោកប្រាយុតចាន់អូចាជានាយករដ្ឋមន្ត្រីត្រូវតុលការធម្មនុញ្ញថៃចេញសេចក្តីសម្រេចរំលាយគណបក្សអណាគតឆ្ពោះទៅមុខ(FFP=Future Forward Party)ដែលគាំទ្រដោយក្រុមយុវជនឈ្នះបាន៨០កៅអីក្នុងរដ្ឋសភានិងហាមមេគណបក្សលោកថាណាថនជួងរោងរ៉ុងគីត( Thanathorn Juangroongruangkit)និងមន្ត្រីសមខាន់ៗរបស់បក្សមិនឲ្យធ្វើនយោបាយ១០ឆ្នាំដោយចោទថាគណបក្សនេះចំណាយលុយច្រើនពេកខុសពិច្បាប់បោះឆ្នោត។ខុសពីស្រុកខ្មែរច្បាប់ស្រុកថៃបានអនុញ្ញាតឲ្យសមាជិកសភាគណបក្សអណាគតឆ្ពោះទៅមុខបានរត់ចូលជ្រកជាមួយគណបក្សផ្សេងៗបាន។
លោក Pitaបន្ទាប់ពីមិនទទួលបានការគាំទ្រលោកបានទទួលយកការសម្រេចចិត្តរបស់តុលាការធម្មនុញ្ញថៃពេលលិខិតមកដល់ ហើយបានដើរចេញពីសភាថៃ។សម្រាប់អ្នកគាំទ្រលោកភីតា បាននិយាយថាលោកមិនចុះចាញ់ទេ!ប្រទេសថៃបានផ្លាស់ប្តូបានពាក់កណ្តាលផ្លូវហើយ(គិតពីថ្ងៃបោះឆ្នោត១៤ឧសភា២០២៣)។នេះបើតាមការចេញផ្សាយដោយទីភ្នាក់ងារសារព័ត៌មាន AFP។សម្រាប់បេក្ខភាពនាយករដ្ឋមន្ត្រិលោក Pita ផ្ទាល់បាននិយាយថានឹងផ្ដល់សិទ្ធិឱ្យគណបក្សភឿថៃ បង្កើតក្រុមចម្រុះថ្មី និងជ្រើសរើស បេក្ខជននាយករដ្ឋមន្ត្រីថៃ។លោកRuangkraiLeekitwattana សកម្មជននយោបាយ ដែលជាអ្នកដាក់បណ្តឹងផ្លូវច្បាប់ ដែលបាននាំទៅដល់ការព្យួរ សមាជិកភាពសភា ពីប្រធានគណបក្ស Move Forward លោក Pita Limjaroenrat នៅថ្ងៃពុធបានព្រមាន ទៅសមាជិកសភា និងសមាជិកព្រឹទ្ធសភា មិនឲ្យបោះឆ្នោត ឱ្យលោក Pita ក្នុងការបោះឆ្នោតជុំទីពីរ សម្រាប់នាយករដ្ឋមន្ត្រីនេះឡើយសារព័ត៌មាន The Nation ចេញផ្សាយ នៅថ្ងៃទី១៩ ខែកក្កដា ឆ្នាំ២០២៣ បានឱ្យដឹងថា លោក Ruangkrai Leekitwattana បានទៅដល់ សភាភ្លាមៗ បន្ទាប់ពីតុលាការធម្មនុញ្ញ បានសម្រេចចិត្តព្យួរលោក Pita ក្នុងនាមជា សមាជិកសភា ដោយរង់ចាំការពិចារណាថា តើលោកគួរត្រូវបានដក ហូតសិទ្ធិដូច ដែលបានដាក់ញត្តិដោយគណៈកម្មាធិការ រៀបចំការបោះឆ្នោត (EC) ដែរឬទេ។
លោក Ruangkrai បានប្តឹងចោទថា លោក Pita មិនមានលក្ខណៈសម្បត្តិគ្រប់គ្រាន់ ដើម្បីប្រកួតប្រជែង ការបោះឆ្នោតថ្ងៃទី ១៤ ខែឧសភា ដោយសារតែលោកកាន់កាប់ ភាគហ៊ុននៅក្នុង iTV Plc ដែលសកម្មជនរូបនេះ អះអាងថា ជាក្រុមហ៊ុន ប្រព័ន្ធផ្សព្វផ្សាយសកម្ម។លោកថា ប្រសិនបើសមាជិកសភា និងព្រឹទ្ធសភា សមាជិកបោះឆ្នោតឲ្យលោក Pita ជាបេក្ខភាពនាយករដ្ឋមន្ត្រី នោះលោកនឹងដាក់ពាក្យ បណ្តឹងប្រឆាំងនឹង សមាជិកសភា និងព្រឹទ្ធសភាសមាជិកទាំងនោះ ទៅគណៈកម្មាធិការជាតិ ប្រឆាំងអំពើពុករលួយ។
គណបក្ស Pheu Thai នឹងតែងតាំងលោក Srettha Thavisin ជាបេក្ខជននាយករដ្ឋមន្ត្រី សម្រាប់ការបោះឆ្នោតជុំទី៣ នៃសម័យប្រជុំរួមរដ្ឋសភា និងព្រឹទ្ធសភា នៅក្នុងករណីដែលបេក្ខជននាយករដ្ឋមន្ត្រីនៃគណបក្ស Move Forward លោក Pita Limjaroenrat បរាជ័យសាជាថ្មីនៅក្នុងការបោះឆ្នោតជុំទី២ នៅថ្ងៃពុធនេះ។ នេះជា ការបញ្ជាក់របស់អ្នកនាង ផែថងថាន ស៊ីណាវ៉ាត់ (Paetongtarn Shinawatra) ដកស្រងចេញដោយសារព័ត៌មាន The Nation។
អ្នកនាង ផែថងថាន ធ្វើការកត់សម្គាល់ខាងលើប្រាប់អ្នកសារព័ត៌មាន កាលពីថ្ងៃអង្គារសប្ដាហ៍នេះ និងបន្ទាប់ពីក្រុមចម្រុះជាដៃគូជាមួយគណបក្ស Move Forward បានបញ្ជាក់ កាលពីថ្ងៃចន្ទថាពួកគេនឹងបោះឆ្នោតគាំទ្រលោក Pita នៅក្នុងការបោះឆ្នោតជុំទី២ ខណៈរូបលោកត្រូវការសំឡេងគាំទ្រយ៉ាងហោច ៦៣សំឡេងពីសមាជិកព្រឹទ្ធសភា ឬសមាជិកសភា នៅក្រៅក្រុមចម្រុះទាំង៨គណបក្សរបស់លោក។ បើតាមអ្នកនាង ផែថងថាន គណបក្ស Pheu Thai នឹងព្យាយាមតាមដែលអាចធ្វើទៅបានដើម្បីគាំទ្រលោក Pita ប៉ុន្តែប្រសិនបើលោកបរាជ័យជាថ្មីម្ដងទៀត នោះអ្នកនាងនឹងស្នើកោះប្រជុំក្រុមប្រឹក្សាភិបាលគណបក្ស Pheu Thai បោះឆ្នោតតែងតាំងលោក Srettha Thavisin ជាបេក្ខជននាយករដ្ឋមន្ត្រី នៅក្រោយ Pheu Thai ក្លាយជាមេដឹកនាំក្រុមចម្រុះ។
