វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4160 នាក់
ម្សិលមិញ 10264 នាក់
សរុប 14143342 នាក់
តៃវ៉ាន់៖តាមសារព័ត៌មាន Reuters ចុះផ្សាយនៅថ្ងៃទី២៥ ខែកក្កដានេះបានឲ្យដឹងថា៖អាមេរិកបានបានបញ្ជូននាវាចម្បាំងដ៏ធំរបស់ខ្លួន ទៅដាក់ឆ្លងកាត់ច្រកសមុទ្រតៃវ៉ាន់ ដែលជាដែនទឹកបែងចែករវាងកោះតៃវ៉ាន់ ចេញពីប្រទេសចិនបន្ទាប់ពីប្រទេសចិនដីគោកទើបតែប្រកាសថានឹងធ្វើសង្គ្រាមប្រសិនបើតៃវ៉ាន់ហ៊ានប្រកាសឯករាជ្យ។
អ្នកនាំពាក្យក្រសួងការពារជាតិ លោក Wu Qian បានគូសបញ្ជាក់ដូច្នេះថា៖ «យើងប្រឆាំងជាដាច់ខាត ចំពោះបំណងរបស់ក្រុមផ្ដាច់ខ្លួនដែលចង់ ឱ្យតៃវ៉ាន់មានឯករាជ្យ….ដូច្នេះបើសិនជានរណាម្នាក់ ឬកម្លាំងខាងក្រៅណាមួយចង់យកតៃវ៉ាន់ ចេញពីចិនដីគោក នោះយោធាចិននឹងមិនស្ទាក់ស្ទើរឡើយក្នុងការធ្វើសង្គ្រាមការពារដែន អធិបតេយ្យភាព និងបូរណភាពទឹកដីរបស់ខ្លួន» ។ តែយ៉ាងណាក៏ដោយ អ្នកនាំពាក្យរូបនេះក៏បាន អះអាងដែរថាចិននឹងបង្កើនកិច្ចខិតខំប្រឹងប្រែងក្នុងការផ្សះផ្សារ និងបង្រួបបង្រួមជាតិ ដោយសន្តិវិធី
លោកក្លេដុស( Clay Doss )អ្នកនាំពាក្យកងនាវាទី ៧ នៃកងនាវាចរសហរដ្ឋអាមេរិកបាននិយាយនៅក្នុងសេចក្តីថ្លែងការណ៍មួយថា ការដឹកជញ្ជូនកប៉ាល់ឆ្លងកាត់ច្រកសមុទ្រតៃវ៉ាន់នេះ បានបង្ហាញពីការប្តេជ្ញាចិត្តរបស់សហរដ្ឋអាមេរិក ចំពោះតំបន់ឥណ្ឌូចិន ដែលប្រកាន់ជំហរនយោបាយសេរី និងបើកចំហ លោកក្លេដុស( Clay Doss )បញ្ជាក់ថា កងនាវាចរអាមេរិកនឹងបន្តហោះហើរបើកទ្វារធ្វើប្រតិបត្តិការគ្រប់ទីកន្លែងតាមច្បាប់អន្តរជាតិ។
សូមបញ្ជាក់ថាសំណុំរឿងតៃវ៉ាន់ បានបង្កើនភាពតានតឹងកាន់តែខ្លាំង រវាងអាមេរិក និងចិន បន្ទាប់ពីប្រទេសនេះបានកើតមានសង្គ្រាមពាណិជ្ជកម្មជាមួយគ្នា ។
កាលពីថ្ងៃទី២៤កក្កដាចិនក៏បានចេញរបាយការណ៍ស ស្តីពីការកែទម្រង់យោធារបស់ខ្លួន ដោយក្នុងនោះបានប្រកាសពីការត្រៀមខ្លួនរួចរាល់ និងធ្វើសង្គ្រាមប្រឆាំងរាល់សកម្មភាពទាំងឡាយណាដែលចង់ផ្តាច់ទឹកដីកោះតៃវ៉ាន់ ចេញពីចិន ក្រោយពីអាមេរិកសម្រេចលក់អាវុធឲ្យរដ្ឋាភិបាលនៃកោះតៃវ៉ាន់ក្នុងរង្វង់ ២,២ ពាន់លានដុល្លាអាមេរិក៕