វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 463 នាក់
ម្សិលមិញ 10264 នាក់
សរុប 14139645 នាក់
ប្រទេសថៃ៖ ប្រទេសថៃ នឹងចាប់ផ្តើមបោះឆ្នោតជ្រើសរើសអភិបាលក្រុងបាងកកនៅថ្ងៃទី ២២ខែឧសភា ខាងមុខនេះក្រោយរយៈពេលផ្អាក៩ឆ្នាំដោយរដ្ឋបាលលោកប្រាយុទ្ថចាន់អូចា។ នៅថ្ងៃសុក្រ ទី២០ ខែឧសភា ឆ្នាំ២០២២សារព័ត៌មាន CNA បានផ្សាយថា ប្រជាជនទីក្រុងបាងកក នឹងបោះឆ្នោតជ្រើសរើសអភិបាលក្រុងថ្មីរបស់ពួកគេនៅថ្ងៃអាទិត្យ ទី២២ ខែឧសភា ឆ្នាំ២០២២ខាងមុខនេះ ដែលជាលើកទី១ក្នុងរយៈពេលជាង៩ឆ្នាំ ចាប់តាំងពីការបោះឆ្នោតអភិបាលក្រុង កាលពីថ្ងៃទី២ ខែមិថុនា ឆ្នាំ២០១៣មក។
តាំងពីមានការធ្វើរដ្ឋប្រហារដោយយោធានៅឆ្នាំ២០១៤ រដ្ឋាភិបាលយោធាដែលដឹកនាំដោយលោកនាយករដ្ឋមន្ត្រីបច្ចុប្បន្ន គឺលោក ប្រាយុទ្ធ ចាន់អូចា (Prayut Chan-o-cha) បានផ្អាកការបោះឆ្នោតជ្រើសរើសអភិបាលក្រុងបាងកក ដោយលោក ប្រាយុទ្ធ បានតែងតាំងអភិបាលក្រុងមួយរូប គឺ លោក អាស់វីន ក្វាន់មួង (Aswin Kwanmuang)។ សម្រាប់ការបោះឆ្នោតលើកនេះមាន បេក្ខជនចំនួន ៣១រូប នឹងចូលធ្វើការប្រកួតប្រជែងដើម្បីឲ្យ អ្នកមានសិទ្ធិបោះឆ្នោត មានចំនួន៤.៤លាននាកោ់ះឆ្នោតដើម្បីក្លាយជាថ្នាក់ដឹកនាំរបស់រាជធានីនៃប្រទេសថៃសម្រាប់អាណត្តិដែលមានរយៈពេល៤ឆ្នាំ ។
តាមច្បាប់របស់ប្រទេសថៃ ជាធម្មតាអភិបាលខេត្តត្រូវបានតែងតាំងដោយក្រសួងមហាផ្ទៃ ប៉ុន្តែសម្រាប់ទីក្រុងបាងកក គឺជាករណីលើកលែងតែមួយគត់ ដែលទទួលបានសិទ្ធិបោះឆ្នោតជ្រើសរើសអភិបាលក្រុងដោយខ្លួនឯងតាំងពីឆ្នាំ១៩៧៥។ ក្រុមអ្នកសង្កេតការណ៍និយាយថា, លទ្ធផលនៃការបោះឆ្នោតអភិបាលក្រុងថ្មីនេះ នឹងអាចចាត់ទុកជាការវាស់ស្ទង់មួយនៃប្រជាប្រិយភាពរដ្ឋាភិបាលដែលកំពុងកាន់អំណាច មុនការបោះឆ្នោតសកល ដែលរំពឹងថានឹងធ្វើឡើងនៅឆ្នាំក្រោយ៕