វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2750 នាក់
ម្សិលមិញ 6501 នាក់
សរុប 13951305 នាក់
អាមេរិក៖ លោកស្រីម៉េឡានីត្រាំ( Melania Trump )ស្ត្រីទីមួយអាមេរិកបានថ្វើឲ្យប្រពលរដ្ឋអាមេរិកដែលជាអ្នបង់ពន្ធមានការខឹងសម្បាដោយសារលោកស្រី បានធ្វើដំណើរកម្សាន្ត នៅចុងសប្ដាហ៍នៅរដ្ឋផ្លរីដា ដោយប្រើយន្តហោះរដ្ឋក្នុង ពេល ដែលបុគ្គលិកសហព័ន្ធជិត ៨០០.០០០នាក់ បានខកខានមិនបានបើកប្រាក់ខែ ។
តាមសារព័ត៌មាន Sputnik ចេញផ្សាយកាលពីថ្ងៃទី១៩ ខែមករា ឆ្នាំ២០១៩ បានឲ្យដឹងថា លោកស្រី Melania Trump ត្រូវបានរាយការណ៍ថាបានជិះយន្ដហោះរដ្ឋាភិបាល ទៅកាន់រមណីយដ្ឋានFlorida ដែលជាកន្លែងឯកជនរបស់លោក ត្រាំ នៅ Mar-a-Lago រយៈពេលប៉ុន្មានម៉ោងបន្ទាប់ពី លោកបានលុបចោលដំណើរទស្សនកិច្ច របស់ប្រធានសភាគឺលោកស្រី Nancy Pelosiទៅកាន់ទីក្រុងប្រ៊ុចសែល និងទៅមើលកងទ័ពសហរដ្ឋអាមេរិក នៅប្រទេសអាហ្វហ្គានីស្ថាន ដោយសារការបិទរដ្ឋាភិបាលយូរបំផុត នៅក្នុងប្រវត្តិសាស្ត្រអាមេរិក។
ជើងហោះហើរដែលបានកំណត់ឈ្មោះ EXEC1F (សញ្ញាហៅប្រើសំដៅទៅលើយន្តហោះដែលដឹក សមាជិកគ្រួសាររបស់ លោកប្រធានាធិបតី ប៉ុន្តែមិនមានវត្តមានប្រធានាធិបតីខ្លួនឯងនោះទេ) កំពុងចាកចេញពី មូលដ្ឋានកងទ័ពអាកាស Andrews Air នៅរដ្ឋ Maryland ទៅក្រុង Palm Beach ចម្ងាយប៉ុន្មានម៉ាយប៉ុណ្ណោះពី Mar-a-Lago ។សូមបញ្ជាក់ថា៖រដ្ឋបាលរបស់លោក ប្រធានាធិបតីអាមេរិក ដូណាល់ ត្រាំ បានហាមឃាត់សមាជិកសភាអាមេរិក មិនឱ្យធ្វើដំណើរ តាមយន្តហោះណា ដែលគ្រប់គ្រងដោយរដ្ឋាភិបាល ដោយគ្មានការយល់ព្រមជាលាយលក្ខណ៍អក្សរ ពីប្រធានបុគ្គលិករបស់សេតវិមាន។
លោកប្រធានាធិបតី ត្រាំ បានសរសេរនៅលើបណ្តាញសង្គម Twitter វាយប្រហារ ទៅលើប្រធានសភា គឺលោកស្រី Nancy Pelosi និងគណបក្សប្រជាធិបតេយ្យដទៃទៀត ដែលបានព្យាយាមធ្វើដំណើររយៈពេល ៧ថ្ងៃទៅក្រៅប្រទេសក្នុងពេល និយោជិតសហព័ន្ធចំនួន ៨០ម៉ឺននាក់ មិនមានប្រាក់ខែដោយសារតែការបិទទ្វារ។