ប្រធានាធិបតីអ៊ុយក្រែន Zelenskiy ខកចិត្តចំពោះ៖ "សមាជិកភាព តែសប្បាយព្រោះបានចូគាំទ្រ
10-April-2024 / ព័ត៌មានអន្តរជាតិ
អ៊ុយក្រែន៖ ប្រធានាធិបតីអាម៉េរិកលោកចូបៃដិន (Joe Biden) មានប្រសាសន៍ថា ក្រុមប្រទេសសេដ្ឋកិច្ចជឿនលឿនទាំង៧ ឬជី៧ (G7) បានធ្វើសេចក្តីថ្លែងការណ៍យ៉ាងច្បាស់ក្នុងក្របខ័ណ្ឌពហុភាគីពី ការគាំទ្ររបស់ខ្លួនចំពោះអ៊ុយក្រែននឹងមានរយៈពេលយូរទៅមុខនៅក្នុងពេលអនាគត ។ លោកបៃដិន (Biden) បានមានប្រសាសន៍ជាបន្តទៀតថា “ពួកយើងនឹងនៅទីនោះ ដរាបណាអ៊ុយក្រែននៅតែត្រូវការពួកយើង“។
នៅថ្ងៃអង្គារ ប្រធានាធិបតីអ៊ុយក្រែន លោក ហ្សេឡេនស្គី បានលើកឡើងថា ភាពស្ទាក់ស្ទើររបស់អូតង់(មិនកំណត់ពេលឲ្យចូលជាសមាជិក) គឺធ្វើឲ្យរុស្ស៊ីកាន់តែបានចិត្ត និងគឃ្លើនឈ្លានពានអ៊ុយក្រែនបន្ថែមទៀត។ប៉ុន្តែក្រោយមក លោកប្រធានាធិបតីអ៊ុយក្រែន លោកវ្លូឌីមៀ ហ្សឺលែនស្គី (Volodymyr Zelenskiy) បានមានប្រសាសន៍ថា កិច្ចព្រមព្រៀងពហុភាគីដែលត្រួសត្រាយផ្លូវសម្រាប់កិច្ចចរចាទ្វេភាគី រវាងអ៊ុយក្រែនជាមួយបណ្តាប្រទេសផ្សេងៗ គឺជា "ជ័យជំនះដ៏សំខាន់ខាងផ្នែកសន្តិសុខ" សម្រាប់អ៊ុយក្រែន។ការគាំទ្ររយៈពេលវែងពីសមាជិកនៃប្លុកយោធាដ៏មានឥទ្ធិពលបំផុតរបស់ពិភពលោក បានធ្វើឡើងនៅមួយថ្ងៃ បន្ទាប់ពីអង្គការណាតូ បានបដិសេធ ឬមិនមានការកំណត់ច្បាស់លាស់សម្រាប់សមាជិកភាពរបស់អ៊ុយក្រែនក្នុងការចូលរួមទៅក្នុងសម្ព័ន្ធភាពយោធា ។ ទីភ្នាក់ងារចិនស៊ិនហួចេញ ផ្សាយនៅថ្ងៃនេះបានឲ្យដឹងថា ប្រធានាធិបតីអ៊ុយក្រែន លោក Vladimir Zelensky បានជួបពិភាក្សា ដាច់ដោយឡែកពីគ្នា មួយជាមួយនឹងប្រធានាធិបតីអាមេរិកលោក Joe Biden អំឡុងពេល នៃកិច្ចប្រជុំកំពូលណាតូ នៅប្រទេសលីទុយនេស៊ី។
ប្រធានាធិបតីអ៊ុយក្រែន បាននិយាយថា Zelensky បានសម្តែងការដឹងគុណយ៉ាងខ្លាំង ចំពោះលោក Biden សម្រាប់ជំនួយ ជាពិសេសជំនួយផ្នែកយោធា ដែលសហរដ្ឋអាមេរិក បានផ្តល់ដល់អ៊ុយក្រែន កន្លងមកនិងទៅពេលខាងមុខ ។សូមជម្រាបជូនថា អ៊ុយក្រែន បាននិងកំពុងតែខិតខំជំរុញឱ្យមានសមាជិកភាពរបស់ខ្លួន ចូលទៅក្នុងអង្គការណាតូយ៉ាងឆាប់រហ័សតាមតែអាចធ្វើទៅបាន អំឡុងបន្តការប្រយុទ្ធតបតនឹងសកម្មភាពឈ្លានពានរបស់រុស្ស៊ីចាប់តាំងពីខែកុម្ភៈ ឆ្នាំ ២០២២ ដែលបានសម្លាប់មនុស្សរាប់ម៉ឺននាក់ និងបណ្តាលឱ្យមនុស្សរាប់លាននាក់ទៀតបង្ខំចិត្តផ្លាស់ទីលំនៅ ។ ស្ថិតនៅក្នុងកិច្ចប្រជុំកំពូលនៅកណ្តាលរដ្ឋធានីវីលនីស (Vilnius) ប្រទេសលីទុយអានី (Lithuania) ប្រធានាធិបតីអ៊ុយក្រែន លោកវ្លូឌីមៀហ្សឺលែនស្គី (Volodymir Zelenskiy) បានថ្លែងទៅកាន់អ្នកជួបជុំរាប់ពាន់នាក់ដែលកំពុងតែគ្រវីទង់ជាតិអ៊ុយក្រែន ថា សម្ព័ន្ធភាពអ៊ុយក្រែននឹងធ្វើឱ្យអង្គការណាតូកាន់តែខ្លាំង ។បន្ថែមពីនេះ ប្រមុខដឹកនាំអ៊ុយក្រែន ក៏បានថ្លែងអំណរគុណដល់ប្រទេសលីទុយអានីសម្រាប់ "ជំហរច្បាស់លាស់ និងស្មោះត្រង់" រួមទាំង "ភាពក្លាហាន" ក្នុងការគាំទ្រសមាជិកភាពរបស់អ៊ុយក្រែន ។
ដំណាលគ្នានេះ ប្រធានាធិបតីលីទុយអានី លោកជីថាណាស់ ណាស់សេដា (Gitanas Nauseda) ដែលបានចូលរួមនៅក្នុងព្រឹត្តិការណ៍នោះ បានប្រគល់ទង់ជាតិអ៊ុយក្រែនដែលមានស្នាមគ្រាប់កាំភ្លើងទៅឱ្យលោកហ្សឺលេនស្គី (Zelenskiy) មុនពេលបង្ហូតនៅលើបង្គោលទង់ជាតិ ដោយទង់ជាតិមានស្នាមកាំភ្លើងនេះ ធ្លាប់បានប្រើប្រាស់នៅលើរថក្រោះអ៊ុយក្រែនក្នុងពេលប្រយុទ្ធគ្នាជាមួយរុស្ស៊ី នៅក្នុងតំបន់បាក់មុត (Bakhmut) ។ទង់ជាតិនេះ ត្រូវបានពាំនាំយកទៅកាន់ទីក្រុងវីលនីស (Vinius) ដោយក្រុមអ្នករត់ប្រណាំងរបស់អ៊ុយក្រែន និងលីទុយអានី ចំនួន ៣៣ នាក់ ដើម្បីបង្ហាញការគាំទ្រដល់ប្រទេសអ៊ុយក្រែន ក្នុងនាមជាសមាជិកទី ៣៣ ដ៏មានសក្តានុពលបំផុតមួយរបស់អង្គការណាតូ .។
ករណីយ៍នេះប្រសិនបើអូតង់អនុញ្ញាតឲ្យអ៊ុយក្រែន ចូលជាសមាជិក គឺប្រៀបដូចជា អូតង់ ត្រូវតទល់ច្បាំងនឹង រុស្ស៊ី ដោយផ្ទាល់ដូច្នោះដែរ។ ដ្បិតថា មាត្រា៥ របស់ធម្មនុញ្ញ អង្គការអូតង់ គឺ ប្រសិនបើប្រទេសសមាជិកណា១ ត្រូវរងសង្គ្រាមឈ្លានពាន គឺបានន័យថា ធ្វើសង្គ្រាមឈ្លានពានអូតង់ទាំងមូលដែរ។ ទាំងប្រធានាធិបតីសហរដ្ឋអាមេរិក លោក ចូ បៃដិន ប្រទេសសមាជិកអូតង់ផ្សេងទៀត គឺសុទ្ធតែយល់ច្បាស់ពីចំណុចនេះ និងចង់ចៀសវាងឲ្យខាងតែបាន ចំពោះការប្រឈមមុខធ្វើសង្គ្រាមដោយផ្ទាល់ជាមួយរុស្ស៊ី។
សេតវិមានអាមេរិក គឺបានពន្យល់ជាច្រើនខែមកហើយដែរ ថាក្នុងរយៈខ្លី អ៊ុយក្រែន មិនអាចទាន់ចូលជាសមាជិកអូតង់ទេ។ ផ្ទុយទៅវិញ អាមេរិក ឯកភាពនឹងបន្តជួយផ្នែកយោធាដល់អ៊ុយក្រែន ជួយយូរទៀត ដើម្បីអ៊ុយក្រែនការពារប្រទេស។ គឺនៅក្នុងន័យថា ភាពដៃគូសហការ រវាងអ៊ុយក្រែន និង អូតង់ ប៉ុន្តែ មិនមែនសមាជិកអូតង់ទេ។ រដ្ឋបាលទីក្រុងវ៉ាស៊ីនតោន ថានឹងពិគ្រោះជាមួយប្រទេសមហាអំណាចធំៗ ដូចអង់គ្លេស បារាំង អាល្លឺម៉ង់ ជាដើម ដើម្បីផ្តល់ការសន្យាជាក់លាក់ និងផ្តល់ជំនួយ រយៈពេលវែង ដល់អ៊ុយក្រែន។ជាចម្លើយ គឺនៅថ្ងៃអង្គារ៍ ថ្នាក់ដឹកនាំប្រទេសបារាំង បានប្រកាសសន្យាផ្តល់មីស៊ីលរយៈចម្ងាយឆ្ងាយ ឲ្យអ៊ុយក្រែន។ ហើយ ប្រទេសអាល្លឺម៉ង់ បញ្ជាក់ថា ផ្តល់៧០០លានដុល្លារថែមទៀត ឲ្យរដ្ឋបាលក្រុងកៀវ។នៅក្នុងកិច្ចប្រជុំកំពូល NATO នៅប្រទេសលីទុយអានី ក្រៅពីប្រទេសបារាំងដែលសន្យាថានឹងបញ្ជូនមីស៊ីលរយៈចម្ងាយឆ្ងាយ Scalp អាល្លឺម៉ង់ក៏បានសន្យាផ្តល់ជំនួយបន្ថែមចំនួន 700 លានអឺរ៉ូដល់អ៊ុយក្រែនផងដែរ។
ប្រធានាធិបតីបារាំងលោក Emmanuel Macron បាននិយាយកាលពីថ្ងៃទី១១ខែកក្កដាថា ប្រទេសបារាំងនឹងផ្គត់ផ្គង់អ៊ុយក្រែនជាមួយនឹងកាំជ្រួចមីស៊ីលរយៈចម្ងាយឆ្ងាយ Scalp ដើម្បីជួយដល់កងកម្លាំងរបស់ Kiev វាយប្រហារគោលដៅជ្រៅនៅពីក្រោយជួររបស់រុស្ស៊ី។មេដឹកនាំបារាំងបានប្រកាសថា បារាំងនឹងបង្កើនការផ្ទេរសព្វាវុធ បរិក្ខារយោធានិងកាំជ្រួចរយៈចម្ងាយឆ្ងាយទៅកាន់អ៊ុយក្រែនដើម្បីការពារទឹកដីរបស់ខ្លួន និង “បង្ខំរុស្ស៊ីឱ្យចាញ់” ក្នុងជម្លោះ។ប្រធានាធិបតីបារាំងបានបដិសេធមិនផ្តល់ព័ត៌មានលម្អិតបន្ថែមអំពីចំនួនឬប្រភេទមីស៊ីលរយៈចម្ងាយឆ្ងាយដែលប្រទេសនេះមានបំណងផ្គត់ផ្គង់ដល់អ៊ុយក្រែននោះទេ។នៅព្រឹកថ្ងៃដដែល មន្ត្រីរុស្ស៊ីបានរិះគន់កិច្ចប្រជុំណាតូ ដែលជាសន្និសីទដែលរុស្ស៊ីជឿជាក់ថានឹងធ្វើការសម្រេចចិត្តប្រឆាំងរុស្ស៊ីជាច្រើន និងជំរុញភាពតានតឹងរុស្ស៊ី-លោកខាងលិចទៅជាការប្រឈមមុខដាក់គ្នាដ៏គ្រោះថ្នាក់៕
