វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4233 នាក់
ម្សិលមិញ 6359 នាក់
សរុប 14090866 នាក់
គូឡាឡាំពួរ ៖ លោក មូហ៍យីដឌីន យ៉ាស់ស៊ីន (Muhyiddin Yassin) នាយករដ្ឋមន្ត្រីម៉ាឡេស៊ីបានព្រមានចំពោះមន្ត្រីនិងប្រជាជនម៉ាឡេស៊ីថា «វីរុសនេះ (COVID-19) គ្មានស្គាល់ព្រំដែន ពូជសាសន៍ សាសនា និងទ្រព្យសម្បត្តិអ្នកនោះឡើយ»។
ការព្រមានពីគ្រោះថ្នាក់នេះបានកើតឡើងក្រោយមានសេចក្តីរាយការណ៍ថាចំនួនអ្នកឆ្លង COVID-19 នៅក្នុងប្រទេសនេះបានកើនឡើងដល់ ១,០៣០ករណីហើយ ដែលជាតួលេខខ្ពស់ជាងគេបំផុតប្រចាំតំបន់អាស៊ាន ខណៈករណីឆ្លងថ្មីៗ ៤៨ករណីទៀត ទើបត្រូវបានរកឃើញ។នេះបើតាមការចេញផ្សាយដោយសារព័ត៌មាន CNA នាល្ងាចថ្ងៃសុក្រ ទី២០ ខែមីនា ឆ្នាំ២០២០ ។
អាជ្ញាធរម៉ាឡេស៊ី បានប្រកាសថា ការឆ្លងបានកើនឡើងយ៉ាងគំហុកបែបនេះ ក៏ព្រោះតែសមត្តកិច្ចសុខាភិបាលម៉ាឡេស៊ីបានធ្វើតេស្តជាបន្តបន្ទាប់ ទៅលើអ្នកដែលមានជាប់ពាក់ព័ន្ធ ទៅនឹងការជួបជុំបែបសាសនាដ៏ធំមួយ ដែលត្រូវបានធ្វើឡើងនៅក្នុងទីក្រុងគូឡាឡាំពួ ចាប់ពីថ្ងៃទី២៧ ខែកុម្ភៈ ដល់ថ្ងៃទី០១ ខែមីនា ឆ្នាំ២០២០កន្លងមកនេះ។
តាមសារព័ត៌មាន CNA ៖ លោក អ៉ីស្មាអែល ស៊ុបរី យ៉ាក់កូប (Ismail Sabri Yaakob) រដ្ឋមន្ត្រីការពារជាតិម៉ាឡេស៊ី បានឱ្យដឹងថា៖ ម៉ាឡេស៉ីនឹងដាក់ពង្រាយកងកម្លាំងយោធា ចាប់ពីថ្ងៃអាទិត្យ សប្តាហ៍នេះតទៅ ដើម្បីជួយដល់កម្លាំងប៉ូលិស ក្នុងការអនុវត្តវិធានការទប់ស្កាត់ការរីករាលដាល នៃជំងឺ COVID-19 ខណៈសន្ទុះនៃការឆ្លងក្នុងប្រទេស អាស៊ីអាគ្នេយ៍មួយនេះ ចេះតែកើនឡើងពីមួយថ្ងៃទៅមួយថ្ងៃ។មេទ័ពបានបញ្ជាក់ថា កម្លាំងយោធាទាំងបីប្រភេទ ដែលរួមមានទាំងកងទ័ពជើងគោក ជើងទឹក និងជើងអាកាស នឹងចូលរួមក្នុងកិច្ចប្រតិបត្តិការ ទប់ស្កាត់ការរីករាលដាល នៃជំងឺ COVID-19។
សូមបញ្ជាក់ថា៖ ការប្រកាសខាងលើនេះត្រូវបានធ្វើឡើង បន្ទាប់ពីមានវិធានការជាច្រើនត្រូវបានដាក់ចេញ នៅពាសពេញផ្ទៃប្រទេស ដើម្បីចូលរួមទប់ស្កាត់ជំងឺរាតត្បាត ដ៏កាចសាហាវមួយនេះ។
គួរបញ្ជាក់ថា ក្នុងចំណោម ១,០៣០ករណីនៃការឆ្លង COVID-19 នៅក្នុងប្រទេសម៉ាឡេស៊ី អ្នកជំងឺសរុប ៨៧នាក់បានជាសះស្បើយ និង ០២នាក់ស្លាប់។