មេដឹកនាំបាតុកម្មហុងកុងត្រូវប៉ូលិសចាប់ខ្លួន!
01-June-2021 / ព័ត៌មានអន្តរជាតិ
ហុងកុង៖ ទូរទស្សន៍សិង្ហបុរី Channel News Asia បានផ្សព្វផ្សាយព័ត៌ឲ្យដឹងថា នៅថ្ងៃទី៣០ ខែសីហា ឆ្នាំ២០១៩ថា លោកចូស្សួវ៉ុង( Joshua Wong)ដែលជាសកម្មជនដឹកនាំការធ្វើបាតុក្មមួយរូប ត្រូវបានចាប់ខ្លួននៅថ្ងៃសុក្រទី៣០សីហានេះ នៅមុនពេល នៃការតវ៉ាដែលបានគ្រោងទុក នៅក្នុងទីក្រុង ។
គណបក្ស Demongisto ដែលជាគំបក្សប្រឆាំងបានលើកឡើងនៅលើគណនី Twitter របស់ខ្លួនថា លោកថាវ៉ុង( Wong) ត្រូវបានគេរុញចូល ទៅក្នុងរថយន្តដឹកទំនិញធុនតូច ខណៈដែលគាត់កំពុង ធ្វើដំណើរទៅកាន់ស្ថានីយ៍ South Horizons MTR ។ “ អគ្គលេខាធិការរបស់យើង គឺលោក Joshua Wong ទើបតែត្រូវបានចាប់ខ្លួននៅព្រឹកនេះ នៅម៉ោងប្រហែល៧និង៣០នាទី ពេលដែលគាត់ កំពុងដើរទៅស្ថានីយ៍រថភ្លើង South Horizons MTR” ។
គាត់ត្រូវបានគេបង្ខំ ឱ្យចូលទៅក្នុងរថយន្ដ ខ្នាតតូចឯកជនមួយ នៅតាមផ្លូវក្នុងពេលថ្ងៃនេះ ។គណបក្សនេះ បាននិយាយថា លោក Wong ត្រូវបានគេ នាំទៅទីស្នាក់ការកណ្តាលប៉ូលិស ក្នុងក្រុង Wan Chai ។សមាជិកបក្សលោកស្រី Agnes Chow ក៏ត្រូវបានចាប់ខ្លួនដែរ ប៉ុន្តែវាមិនច្បាស់ ថាតើ លោកស្រីត្រូវប្រឈម នឹងការចោទប្រកាន់អ្វីខ្លះទេ ។
សូមបញ្ជាក់ដែរថា កាលពីថ្ងៃទី១៥ ខែសីហា ឆ្នាំ២០១៩ដឹកនាំបាតុកម្មវ័យក្មេងរូបនេះ បានបញ្ជាក់នៅលើ Twitterថា «ស្វាគមន៍លោកអធិរាជ ស៊ី ជីនភីង មកកាន់ទីក្រុងហុងកុង ដើម្បីជួបដោយផ្ទាល់ជាមួយក្រុមបាតុករ និងបើកចិត្តទូលាយអំឡុងពេលបាតុកម្ម»។ ការបង្ហោះសារនេះ ធ្វើឡើងក្រោយប៉ុន្មានម៉ោងប៉ុណ្ណោះ បន្ទាប់ពីប្រធានាធិបតីអាមេរិក លោក ដូណាល់ ត្រាំ បានគូសបញ្ជាក់ថា «វិបត្តិនៅក្នុងទីក្រុងហុងកុងអាចនឹងត្រូវបានបញ្ចប់ បើសិនជាលោក ស៊ី ជិនពីង ជួបជាមួយក្រុមបាតុករដោយផ្ទាល់»។
ប៉ុន្តែទន្ទឹមគ្នានោះដែរ ក្រុមមន្ត្រីចិនបានចាត់ទុកថា ការលើកឡើងបែបនេះ គឺជាការជ្រៀតជ្រែកចូលកិច្ចការផ្ទៃក្នុងរបស់ទីក្រុងហុងកុង ដែលជាដែនដីមួយរបស់ចិន។សូមរំឭកថា កាលពីថ្ងៃទី១៧ ខែមិថុនា ឆ្នាំ២០១៩កន្លងទៅ ក្រោយពេលត្រូវបានដោះលែងពីពន្ធនាគារ លោក Wong ក៏បានសរសេរនៅលើTwitterយ៉ាងនេះថា «សួស្ដីពិភពលោក សួស្ដីសេរីភាព ខ្ញុំទើបតែត្រូវបានដោះលែងពីពន្ធធនាគារ។ តោះ! ហុងកុង! បញ្ឈប់ច្បាប់យកអ្នកទោសទៅកាត់ទោសនៅប៉េកាំងទៅ! ហើយលោកស្រី Carrie Lam ត្រូវចុះចេញពីតំណែង»។
លោកវ៉ុងក៏បានថ្លែងប្រាប់CNNថា «វាគឺជាពេលដ៏ល្អបំផុត ដើម្បីចូលរួមការប្រយុទ្ធដើម្បីសេរីភាព និងប្រជាធិបតេយ្យ។ ហើយអាចធ្វើឲ្យលោកប្រធានាធិបតី ស៊ី ជីងភីង ផងដែរដឹងថា ប្រជាជនហុងកុងនឹងមិននៅស្ងៀមនោះទេ»។
សូមជម្រាបថា លោកវ៉ុង( Wong) ត្រូវបានគេស្គាល់ថា ជាសកម្មជននយោបាយ និងជាអ្នកនយោបាយហុងកុងដ៏ក្មេងដ៏ឆ្នើមមួយរូប។ លោកមានតួនាទីជាលេខាធិការនៃគណបក្សប្រឆាំង គាំទ្រលទ្ធិប្រជាធិបតេយ្យឌែម៉ូស៊ីស្តូ(Demosistō)។ នៅអាយុ១៦ឆ្នាំ លោកបានបង្កើតក្រុមសកម្មជន ដើម្បីលិទ្ធិប្រជាធិបតេយ្យនិស្សិតហុងកុង ដែលបានប្រឆាំងនឹងរដ្ឋាភិបាលយ៉ាងសកម្ម។ នាឆ្នាំ២០១២ លោកប្រមូលបានមនុស្សជាង១០ម៉ឺននាក់ ដើម្បីតរ៉ាប្រឆាំងនឹងគម្រោងទីក្រុងហុងកុង ដែលចង់ដាក់បញ្ចូលប្រព័ន្ធ “ការអប់រំស្នេហាជាតិ” តាមគ្រឹះស្ថានសិក្សា។
គួរបញ្ជាក់ផងដែរថា កាលពីខែមករា ឆ្នាំ២០១៨ លោកWong ត្រូវបានតុលាការកាត់ទោសឲ្យជាប់ពន្ធធនាគារចំនួន៣ខែ ទាក់ទងនឹងបាតុកម្មកាលពីឆ្នាំ២០១៤ ប៉ុន្ដែលោកបានជាប់ពន្ធធនាគារតែ៦ថ្ងៃប៉ុណ្ណោះ ដោយសារតុលាការអនុញ្ញាតឲ្យលោកនៅក្រៅឃុំ។ ប៉ុន្ដែកាលពីថ្ងៃព្រហស្បតិ៍ ទី១៦ ខែឧសភា ឆ្នាំ២០១៩នេះ លោកត្រូវបានតុលាការសម្រេចឲ្យវិលទៅពន្ធធនាគារវិញ ដោយតម្រូវឲ្យជាប់ឃុំរយៈពេល២ខែជាកំហិត៕
